- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كوكسىننىڭ كوكشۇناق ايازى
2014.12.08 13:58
«التاي گازەتىنىڭ» ءتىلشىسى سەرىك ءسالىمجان ۇلى حابارلايدى.
تۇتقيىل كەلگەن بيىلعى قىستىڭ قاھارى قالاي بولماسىن الىس وتارلارعا باراتىن مالشىلاردى ەلەڭدەتىپ تاستادى. ءبىراز جىلداردىڭ الدىنداعى اۋىر اپاتتىڭ زاردابىن تارتقانداردىڭ جۇرەگى شالدىعىپ قالدى دەگەن دە ارتىق ەمەس ەدى.
كوكسىننىڭ ساي سالاسىن قۋالاي سوققان دالانىڭ جىندى جەلى قۋاتىنا مىنگەن سايىن بۋىرشىن اۋدانى ەگىزتوبە اۋىلى قىزىلتوعاي قىستاعىنىڭ مالشىسى اقىتتىڭ مازاسى ماي ىشكەندەي كەتە باستادى. قولداعى ءبىراز مالىن دالا جايىلىسىمەن شىعارامىن دەپ ۇلكەندەرگە ەرىك بەرمەگەن جاس جىگىت ايتارعا بولماسا قاتتى ۇمىتسىزدەندى. قوڭىر كۇزدىڭ مامىراجاي شۋاقتى كۇندەرىندە كەۋدەسىن بەكەردەن ـ بەكەر ۇرعىلاپ، اۋىلداستارىنىڭ الدىندا لەپىرگەنىنە ەندى وكىنە باستادى.ءبىرازدان بەرى، تۇك بولمايتىنداي ـ اق جايدارى قاباق تانىتىپ تۇرعان كۇن رايى، ەندى مىنە، اياق استىنان ءبۇلىنىپ شىعا كەلدى. اياز اقىردى، قار بورادى. ونىسى جەتپەگەندەي قىبىلادان سوققان قىرسىق جەل كۇشەنىپ ـ كۇشەنىپ الىپ، تەكە بۇرقاق جامان بوراسىنعا اينالىپ شىعا كەلەتىندى شىعاردى.
اقىت عانا ەمەس، كوكسىندى پانا تۇتىپ كەلگەن بۋىرشىن اۋدانىنىڭ مالشىلارى تارىعا باستاعان وسىنداي ساتتە، بۋىرشىن اۋدانىنىڭ قاتىستى تاراۋلارىنىڭ باسشىلارى الىس وتارداعى مالشىلاردىڭ جاعدايىن ۇعىسا كەلدى. ەڭ ماڭىزدىسى، وتكىنشى اۋا رايىنىڭ بۇگىن ـ ەرتەڭ بەتى قايتاتىنىن جەتكىزىپ، كورپە ـ جۇگىن بۋا باستاعان كەي ۇشقالاق مالشىلاردىڭ كوڭىلىن ورنىقتىردى. نەگە سونشا جۇرەكتەرى شايلىققانىن مالشى قاۋىمى بىلاي ءتۇسىندىردى: «بيىلعى جاز ماۋسىمى ءبىزدىڭ دالامىزدى تامشى سۋعا زار قىلدى. سونىڭ سەبەبىنەن، وتار ءوڭىرىنىڭ كوكتەۋى جىلداعىمەن سالىستىرعاندا كوش كەيىن قالدى. ەگەر قالىڭ قار جاۋىپ، اپتالاپ بوران سوعار بولسا، اق تاياق ۇستاپ شىعا كەلەرىمىز مۇندا تۇر». مالشىلاردى الاڭداتىپ وتىرعانماسەلەنىڭ ءبىرى تۇتقيىل اپات تۋىلا قالسا دەپ دايىنداعان جەم-ءشوبىنىڭ كوبى سوناۋ الىس بۋىرشىن، ەرتىس وزەندەرىنىڭ بويىندا ساقتالادى ەكەن.
بۋىرشىن اۋدانى مال شارۋاشىلىق ـ مال شيپاگەرلىك مەكەمەسىنىڭ باستىعى جولداسقان ىرىسقان ۇلى تىلشىگە بىلاي دەدى: «قىستىڭ قامىن جاز ويلاۋعا ابدەن داعدىلانىپ كەتتىك. اسىرەسە، التايدىڭ تۇتقيىل تۋىلاتىن تابيعي اپاتى ءبىزدى وسىلاي ىستەۋگە ماجبۇرلەپ وتىر. ايماقتىق پارتكوم مەن اكىمشىلىك مەكەمەسى دە بيىل جىلداعىدان ەرتە ورنالاستىرۋلار جاساپ، ءار تۇلىك مالدى قىس قىرىنان امان وتكىزۋگە ۇسىنىستار جاسادى. ايماق بىزگە ءار مالعا ارناپ 300 كيلوگرام ءشوپ 30 كيلوگرام جەم دايىنداۋدى مىندەت ەتىپ تاپسىردى. بۇل مىندەتتەردى ءبىر تاس ءتۇيىن ادا ەتىپ قويعانبىز، ياعني 112 مىڭ توننا ءشوپ، 12 مىڭ توننادان ارتىق جەمدى الدەقاشان قامبا ساقتاپ ۇلگىردىك».
ۇعىسۋعا قاراعاندا، بۋىرشىن اۋدانىنىڭ قاتىستى تاراۋلارى ءبىر ماس مالدى دا اپاتقا ۇرىندىرماۋ ءۇشىن، تەك ايماق تاپسىرعان مىندەتتى عانا ادا ەتىپ قالماستان، ءوز مۇمكىندىكتەرىن دە ويلاستىرعان سياقتى. قاتىستى باسشىنىڭ ايتۋىنشا، بۋىرشىندىقتار ساقتىق رەتىندە تاعى دا 1000 توننادان ارتىق جەم ـ ءشوپتى زاپاسقا ساقتاپ قويعان ەكەن. بۇدان سىرت، ءار اۋىلعا 500 توننادان ءشوپ دايىنداۋدى دا ەسكەرتىپ، ونى دا قاتتاپ ـ شوتتاپ، تەكسەرىپ وتكىزىپ الىپتى. مالشىلاردىڭ ساقتالعان جەم-ءشوپ تىم شالعايدا، ەگەر اپات تۋىلا قالسا، ۋاعىندا جەتكىزىلۋى قيىندىقتار اكەلەدى دەگەن الاڭىنا دا باسشىلار باس شايقادى.
«ءبىز ونى دا ەسكەرگەنبىز. سونداي كۇن تۋىلا قالسا، ءبىزدىڭ ماشينالار كولوننامىز دەركەزىندە جەتكىزىپ بەرۋگە دايىن» ـ دەيدى ولار نىق سەنىممەن. سونىمەن، كوكسىننىڭ كوكشۇناق ايازىنان مالشى قاۋىمى سەسكەنبەيتىندەي بولدى. بيىلعى مال باعاسىنىڭ تومەندەۋىمەن كەلەر جىلدان ءۇمىت كۇتىپ، تابىن ـ تابىن سيىرى مەن قورالى قويلارىن ارزانعا بەرۋگە قيماعان مالشى قاۋىمى ءۇشىن قىستان امان شىعۋ قازىر ەڭ باستى ماقسات ەكەنى بارشامىزعا ايان.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
