- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋاڭ سانپيڭ وبلىسقا توتە قاراستى ورىندارداعى ەگىن، مال شارۋاشىلىعىنىڭ الدىڭعى جارىم جىلداعى اپاتقا تاپ بولۋ جاعدايىنان جاسالعان دوكلادتى تىڭداعاندا مىنالاردى تالاپ ەتتى: اپاتقا تاپ بولعان وڭىرلەردىڭ ءوندىرىس، تۇرمىسىن تەز ارادا قالپىنا كەلتىرۋ كەرەك
2015.07.07 13:16
ماۋسىمنىڭ 30-كۇنى تۇستەن كەيىن وبلىستىق پارتكومنىڭ شۋجيى حۋاڭ سانپيڭ ارناۋلى تاقىرىپتىق ءماجىلىستى باسقارىپ اشىپ، وبلىسقا توتە قاراستى ورىندارداعى ەگىن، مال شارۋاشىلىق سالاسىنىڭ الدىڭعى جارىم جىلداعى اپاتقا تاپ بولۋ جاعدايىنان جاسالعان دوكلادتى تىڭدادى. ۇستەگى جىلدىڭ باسىنان بەرى ىلە اڭعارىندا قار جاۋۋ، تەمپەراتۋرا كۇرت تومەندەۋ، نوسەر جاۋۋداي ناشار اۋا رايى جاعدايى بەلەڭ بەرىپ، وسىدان قار اپاتى، بۇرشاق، تاسقىن سياقتى جاراتىلىستىق اپات 12 رەت تۋىلىپ، وبلىسقا توتە قاراستى ورىندارداعى ەگىن، مال شارۋاشىلىعى، جەمىس ورمانى اۋىر اپاتقا ۇشىراپ، ءبىرشاما اۋىر زيان تۋىلعان، سۋ يگىلىگى، تاس جول سياقتى نەگىزگى قۇرىلعىلار تۇرلىشە دارەجەدە ويراندالىپ، ءار ۇلت حالقىنىڭ ءوندىرىس، تۇرمىسىنا اۋىر ىقپال جاساعان. مۇنىڭ ىشىندە «31-ناۋرىز» قار اپاتى، «12-مامىر»، «27-ماۋسىم» تاسقىن اپاتىنان كەلىپ شىققان زيان ءبىرشاما اۋىر. اسىرەسە، «27-ماۋسىم» تاسقىن اپاتىندا توعىزتاراۋ، تەكەس، موڭعۇلكۇرە، نىلقى، قورعاس، قۇلجا اۋداندارى مەن قۇلجا قالاسىندا 52 مىڭ 379 وتباسىداعى 199 مىڭ 40 ادام اپاتقا تاپ بولىپ، 432 مىڭ 259.5 مۋ جەردەگى ەگىس داقىلى ويراندالىپ، ءبىر مىڭ 968 وتباسىنىڭ 4 مىڭ 796 اۋىز ءۇيى قۇلاپ، 5 مىڭ 33 وتباسىنىڭ 13 مىڭ 481 اۋىز ءۇيى تۇرلىشە دارەجەدە ءبۇلىنىپ، تىكەلەي ەكونوميكالىق زيان 787 ميلليون يۋانعا جەتكەن. ماجىلىستە وبلىستىق سۋ يگىلىگى مەكەمەسى، اۋىل شارۋاشىلىق مەكەمەسى، جۇڭگو عۇمىر، مال-مۇلىك قامسىزداندىرۋ سەرىكتىگى ىلە بولىمشە سەرىكتىگىنىڭ جاۋاپتىلارى قازىرگى اپاتقا قارسى اتتانۋ قىزمەتىن ورىستەتىپ، اپاتتان قۇتقارۋ قىزمەتىن قامتامسىزداندىرۋ جانە اپاتتان كەيىنگى ءوندىرىس، تۇرمىستى تەز ارادا قالپىنا كەلتىرۋ سياقتى ماسەلەلەر جونىندەگى كوزقاراستارىن ورتاعا قويىپ، قاتىستى ماسەلەلەردى اقىلداستى.
ماجىلىستە حۋاڭ سانپيڭ مىنالاردى اتاپ كورسەتتى: اپات تۋىلعاننان كەيىن اۆتونوميالى وبلىس اپاتتان قۇتقارۋ جونىندە شۇعىل ورنالاستىرۋ جاساپ، شۇعىل جاعدايعا توتەپ بەرۋ مەحانيزمىن قۇرىپ، جەر-جەر، تاراۋلاردى جابال اتتانىسقا كەلتىرىپ، اپات زيانىن ەڭ تومەن شەككە تۇسىرۋگە قۇلشىندى. بۇدان بىلايعى اپاتقا قارسى اتتانۋ قىزمەتىندە ءار دارەجەلى ۇكىمەتتەر اپاتتان قۇتقارۋ قىزمەتىن قولداۋدى كۇشەيتىپ، بۇقارانىڭ نەگىزگى تۇلعالىق رولىن تولىق ساۋلەلەندىرىپ، اپاتتان كەيىنگى ءوندىرىس، تۇرمىستى تەز ارادا قالپىنا كەلتىرۋى كەرەك. وبلىسقا توتە قاراستى ورىندار اپاتقا قارسى اتتانۋعا جەتەكشىلىك ەتۋ گرۋپپاسىن قۇرىپ، اپاتقا قارسى اتتانىپ، اپاتتان قۇتقارۋ قىزمەتىن جۇيەلى ورنالاستىرۋى، نەگىزگى ساتىنىڭ رولىن، بۇقارانىڭ اپاتقا قارسى اتتانۋداعى بەلسەندىلىگىن ساۋلەلەندىرىپ، اپاتقا قارسى اتتانىپ، اپاتتان قۇتقارۋ قىزمەتىن ءتارتىپتى، ءساتتى ىلگەرىلەتىپ، اپاتقا تاپ بولعان بۇقارانىڭ ىشەر اس، كيەر كيىمنەن تارىقپاۋىنا كەپىلدىك ەتۋى، نەگىزگى ساتىنىڭ، قىستاق-اترەتتەردىڭ، «حالىق جاعدايىن ۇعىسۋ، حالىققا تيىمدىلىك جاساۋ، جۇرت تىلەگىن توعىستىرۋ» قىزمەت اترەتتەرىنىڭ بەلسەندى رولىن تولىق ساۋلەلەندىرىپ، اپاتقا تاپ بولعان بۇقارا ءۇشىن شىنايى قىزمەت ەتۋى كەرەك. ول مىنالاردى تالاپ ەتتى: بۇقارانىڭ تۇرمىسىن شىنايى قامتامسىزداندىرىپ، جۇقپالى اۋرۋدان، جۇقپالى ىندەتتىڭ تارالۋىنان ساقتانىپ، اپاتقا تاپ بولعان بۇقاراعا باعىتتالعان بەيقۇت ءۇي قۇرىلىسىن جەدەلدەتۋ، قاتىستى تاراۋلار اپاتتا بۇلىنگەن ۇيلەردى جاپپاي، قاداعالاي تەكسەرىپ، قايتالاپ اپات تۋىلۋىنان ساقتانۋى، ءولىم-ءجىتىم تۋىلماۋىنا كەپىلدىك ەتۋى كەرەك. قاتىستى تاراۋلار وسى رەتكى اپاتتان تاجىريبە-ساباق قابىلداپ، اپاتقا قارسى اتتانىپ، اپاتتان قۇتقارۋ شارالارىن كەمەلدەندىرىپ، اپات زيانىن ازايتۋى، ءتۇرلى قىزمەتتى ءبىر تۇتاس جوسپارلاپ، تياناقتى ىلگەرىلەتىپ، جوعارى دارەجەلى ورىنداردىڭ قولداۋىنا قول جەتكىزۋى، وبلىستىق پارتكومنىڭ تۇراقتى مۇشەلەرى وزدەرى بايلانىس جاسايتىن ورىندارمەن سەلبەسىپ، نەگىزگى ساتىعا بارىپ ارالاپ، بۇقارادان جاعداي ۇعىسىپ، اپاتتان كەيىنگى قايتا قۇرۋ قىزمەتىن شىنايى مىقتى يگەرۋى كەرەك.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
