- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىس 32 – رەتكى وقىتۋشىلار مەرەكەسىن قۇتتىقتاۋ جانە «شينجياڭ ەرەكشەلىگىنە يە تورتتە جاقسى وقىتۋشىلاردى» ماداقتاۋ – سيلاۋ ءماجىلىسىن وتكىزدى
اۆتونوميالى وبلىس بويىنشا 260 وقىتۋشى «شينجياڭ ەرەكشەلىگىنە يە تورتتە جاقسى وقىتۋشى» اتاعىنا يە بولدى
2016.09.14 14:18
اۆتونوميالى وبلىس قىركۇيەكتىڭ 9 – كۇنى 32 – رەتكى وقىتۋشىلار مەرەكەسىن قۇتتىقتاۋ جانە «شينجياڭ ەرەكشەلىگىنە يە تورتتە جاقسى وقىتۋشىلاردى» ماداقتاۋ – سيلاۋ ءماجىلىسىن وتكىزىپ، 32 – رەتكى وقىتۋشىلار مەرەكەسىن قىزۋ قۇتتىقتاپ، اۆتونوميالى وبلىستىڭ وقۋ – اعارتۋ ىستەرىنە كورنەكتى ۇلەستەر قوسقان «تورتتە جاقسى» وقىتۋشىلاردى دابىرالى تۇردە ماداقتاپ – سيلادى.
وبلىستىق پارتكومنىڭ شۋجيى حۋاڭ سانپيڭ ماجىلىسكە قاتىناستى ءارى ءسوز سويلەدى، ول مىنانى باسا دارىپتەدى: بۇكىل وبلىسىمىزداعى ءار دارەجەلى پارتكومدار مەن ۇكىمەتتەر، ءسوز جوق، جالپى جاعداي جانە ستراتەگيالىق تۇرعىدان وقۋ – اعارتۋدى مىقتى يگەرۋ دەيتىن نەگىزدى، حالىق تۇرمىسىن، بولاشاقتى مىقتى يگەرۋ دەيتىن تانىمدى بەرىك ورناتىپ، اناعۇرلىم كەڭ وي - ورىسىمەن، اناعۇرلىم ناقتى ستيلمەن بۇكىل وبلىستى حالىق ريزا بولاتىن وقۋ – اعارتۋدى ويداعىداي جۇرگىزۋگە جۇمىلدىرىپ، ىلەنىڭ ءتۇرلى ىستەرىنىڭ دامۋىن دارىندىلارمەن جانە شەشۋشى تىرەكپەن قامداۋ كەرەك.
وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى.
وبلىس باسشىلارىنان زونۇن اكبار، سابىر ايتجان ۇلى، ۋ فىڭجۇن، ءان پيڭ، جاڭ جۇي، پۋربا توگجەجاپ ماجىلىسكە قاتىناستى.
وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋ فىڭجۇن ماجىلىستە «اۆتونوميالى وبلىستىق پارتكوم مەن حالىق ۇكىمەتىنىڭ اۆتونوميالى وبلىستاعى شينجياڭ ەرەكشەلىگىنە يە <تورتتە جاقسى> وقىتۋشىلاردى ماداقتاۋ – سيلاۋ جونىندەگى ۇيعارىمىن» جاريالادى، سىراپىل سىمايىل، فىڭ يۇڭمەي قاتارلى 260 جولداسقا اۆتونوميالى وبلىستىڭ «شينجياڭ ەرەكشەلىگىنە يە تورتتە جاقسى وقىتۋشى» اتاعى بەرىلدى.
حۋاڭ سانپيڭ سوزىندە الدىمەن ماداقتالىپ – سيلانعان «تورتتە جاقسى» وقىتۋشىلاردى قىزۋ قۇتتىقتادى ءارى بۇكىل وبلىستاعى بارشا وقىتۋشىلار مەن اعارتۋ قىزمەتكەرلەرىنە مەرەكەلىك سالەم جولدادى. ۇزاق ۋاقىتتان بەرى وبلىسىمىز وقۋ- اعارتۋ ىستەرىنىڭ دامۋىنا كوڭىل بولىپ كەلگەن قوعامداعى ءار سالاعا شىنايى العىس ءبىلدىردى.
حۋاڭ سانپيڭ وبلىسىمىزدىڭ وقۋ- اعارتۋ قىزمەتىندە قول جەتكىزگەن تابىستارىن قورىتىندىلاي كەلىپ بىلاي دەدى: وبلىسىمىزدىڭ وقۋ- اعارتۋ قىزمەتىندە قول جەتكىزگەن تابىستارىن بارشا وقىتۋشىلار مەن وقۋ- اعارتۋ قىزمەتكەرلەرىنىڭ ۇلەسىنەن بولە قاراۋعا بولمايدى. اسىرەسە، ولار باس شۋجي شي جينپيڭنىڭ «مۇرات - سەنىمگە، ءمورال-قۇلىققا، مىعىم بىلىمگە، تەرەڭ سۇيىسپەنشىلىككە يە جاقسى وقىتۋشىلاردان بولايىق» دەگەن تالابىن كوكەيلەرىندە بەرىك ساقتاپ، پارتيانىڭ وقۋ- اعارتۋ ىستەرىنە ادال بولىپ، وقىتۋ ورنىن قاستەرلەپ، «شينجياڭ ەرەكشەلىگىنە يە تورتتە جاقسى وقىتۋشى» بولۋعا تالپىنىپ، ىلە، شينجياڭ، وتان ءۇشىن قىرۋار ۇزدىك دارىندىلار باۋلىدى؛ قاراپايىم قىزمەت ورىنىندا تۇرىپ وشپەس ۇلەستەر قوستى؛ ءىس جۇزىندىك ارەكەتتەرىمەن «حالىق وقىتۋشىسى» دەگەن داڭقتى اتتى نۇرلاندىرىپ، مەرەيىن اسىردى. ماداقتالعان - سيلانعان «تورتتە جاقسى» وقىتۋشىلار بۇكىل وبلىسىمىزداعى ۇزدىك وقىتۋشىلاردىڭ كورنەكتى ۋاكىلدەرى، ولاردىڭ بويىنا بۇكىل وقىتۋشىلاردىڭ وتاننىڭ بولاشاعىنا دەگەن وسكەلەڭ جاۋاپكەرلىك رۋحى، شوگەلدىكپەن ىستەيتىن كاسىپكەرلىك رۋحى، مۇقيات تا ۇزدىك وقىتۋ ونەرى، ءسوز- ارەكەتى ولشەمدى وسكەلەڭ ءمورالى شوعىرلانعان. مەن وبلىسىمىزداعى بارشا وقىتۋشىلار مەن وقۋ - اعارتۋ قىزمەتكەرلەرىنەن جانە قوعامنىڭ بارلىق سالاسىنان ولاردىڭ وسكەلەڭ رۋحى مەن اسىل قاسيەتىنەن ۇيرەنىپ جانە ونى بارىنشا ساۋلەلەندىرىپ، ۇزدىكتەردى ۇلگى ەتىپ، كاسىپتى ءسۇيىپ، قۇلشىنا العا ۇمتىلىپ، جاپپاي دوڭگەلەك داۋلەتتى قوعام قۇرۋ ءۇشىن ءتىپتى دە زور ۇلەس قوسۋىن ءۇمىت ەتەمىن.
الداعى قىزمەتتەردى جاقسى ىستەۋ جونىندە حۋاڭ سانپيڭ بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق سىندى باستى نىسانانى جۇزەگە اسىرۋدىڭ تەتىگى دارىندىلاردى تىرەك ەتۋدە، ەڭ ءتۇبىرلىسى وقۋ- اعارتۋ ارقىلى كەپىلدىك ەتۋدە.
وبلىسىمىزداعى ءار دارەجەلى پارتكومدار مەن ۇكىمەتتەر وقۋ- اعارتۋدى دامىتۋدىڭ توتەنشە ماڭىزدىلىعىن جەتە تانىپ، بەس ءىرى دامۋ كوزقاراسىمەن جەتەكشىلىك ەتۋدە تاباندى بولىپ، پارتيانىڭ وقۋ- اعارتۋ باعىتىن جان- جاقتى دايەكتىلەندىرىپ، ىلەنىڭ وقۋ- اعارتۋ ىستەرىنىڭ ءتىپتى دە كوركەيۋىن جەبەپ، حالىق ريزا بولاتىن وقۋ- اعارتۋ جۇرگىزىپ، ىلەنىڭ ءتۇرلى ىستەرىنىڭ دامۋىن دارىندىلارمەن جانە تىرەكتى كۇشتەرمەن قامداۋعا كەپىلدىك ەتۋ كەرەك.
حۋاڭ سانپيڭ مىنانى تالاپ ەتتى: حالىق ريزا بولاتىن وقۋ- اعارتۋ جۇرگىزىپ، دۇرىس وقىتۋ باعىتىندا باستان –اياق تاباندى بولىپ، احلاق، اقىل - وي، دەنە، ەستەتيكا، ەڭبەك جاقتارىنان جان- جاقتى جەتىلگەن سوتسياليزم قۇرۋشىلارى مەن ءىزباسارلارىن باۋلۋ؛ وقۋ- اعارتۋدىڭ ءبىر كەلكى دامۋىن قاتاڭ يگەرىپ، بارلىق بالاعا، ءار ءبىر ادامعا تەڭ دامۋ ورايىن بەرۋ؛ قوس ءتىل اعارتۋىن بارىنشا جەبەپ، ءار ۇلتتىڭ ءوزارا قارىم- قاتىناسىن تەرەڭدەتۋ؛ وقۋ- اعارتۋ ساپاسىن جاپپاي جوعارىلاتىپ، وبلىسقا توتە قاراستى ورىندارداعى بارلىق وقۋشىنى، اسىرەسە، شالعاي اۋىل- قىستاقتارداعى، ەگىن- مال شارۋاشىلىق وڭىرلەرىندەگى بالالاردى ءادىل، تەڭ ورايعا كەنەلدىرۋ كەرەك.
حۋاڭ سانپيڭ مىنانى باسا دارىپتەدى: ادال دا ىسكەر وقىتۋشىلار قوسىنىن قۇرۋ كەرەك. ءار قايسى اۋدان، قالا(وتكەل)، قاتىستى تاراۋلار وبلىستىق پارتكوم مەن ۇكىمەتتىڭ شەشىمدەرى، ورنالاستىرۋلارى بويىنشا، قىزمەتكە ادال، جاۋاپكەرلىك ارقالايتىن، ىسكەر وقىتۋشىلار قوسىنىن قۇرۋ كەرەك. بارشا وقىتۋشىلار دا «توتتە تولىمدى بولۋ»،«تورتتە جاقسى وقىتۋشى بولۋ» ولشەمىن امالياتتا ايگىلەپ، ادال، جاۋاپكەرشىل، ۇيرەنۋدە ونەگە، ارەكەتتە ۇلگى بولۋى؛ مۇرات- سەنىمدى بەكەمدەپ، وقىتۋ بازاسىنىڭ قورعانى بولۋى؛ ءمورالدىق قاسيەتتى ەستە بەرىك ساقتاپ، ءمورال ارقىلى تاربيەلەۋدىڭ كوشباسشىسى بولۋى؛ كاسىپتىك ءبىلىمدەرىن نىعايتىپ، مادەنيەت تاراتۋشىلاردان بولۋى؛ قاشان دا قامقور بولۋدان اۋىتقىماي، وقۋشىلاردىڭ ءوسىپ – جەتىلۋىنە جەتەكشى بولۋى كەرەك.
حۋاڭ سانپيڭ مىنانى قاداعالاي باسا دارىپتەدى: احلاق، اقىل - وي، دەنە، ەستەتيكا، ەڭبەك جاعىندا تولىسقان سوتسياليزمنىڭ قۇرۋشىلارىن جانە ءىزباسارلارىن باۋلۋ وتباسى، مەكتەپ، قوعام سىندى كوپ جاق ءبىر تۇلعالانعان ارەكەتتى قاجەت ەتەدى. الايدا مۇنان دا ماڭىزدىسى مەكتەپ – نەگىزگى بازالىق، كلاس – نەگىزگى ارنالىق جاۋاپكەرلىگىن جان – جاقتى ساۋلەلەندىرۋى، اسىرەسە، بارشا وقىتۋشىلار ءوز جاۋاپكەرلىگىن، ءوز ءىسىن اتا- اناعا، قوعامعا يتەرمەلەمەۋى، ادام تاربيەلەۋ، ءبىلىم ۇيرەتۋ، كىسىلىكتى ۇعىندىرۋ سىندى نەگىزگى مىندەتىن ادال اتقارىپ، ءار ۇلت وقۋشىلارىنا جەتەكشى بولۋ مىندەتىن ويداعىداي ورىنداۋلارى كەرەك.
حۋاڭ سانپيڭ مىنانى تالاپ ەتتى: وقۋ – اعارتۋ ىستەرىن كۇش سالا دامىتۋ – ءار دارەجەلى پارتكوم مەن ۇكىمەتتىڭ باس تارتۋعا بولمايتىن بورىشى، سونداي – اق تۇتاس قوعامنىڭ ورتاق جاۋاپكەرلىگى. سوندىقتان، ءسوزسىز، پارتيانىڭ وقۋ – اعارتۋ قىزمەتى باسشىلىعىنا تاباندى بولىپ جانە ونى كۇشەيتىپ، تۇتاس قوعامدا وقۋ – اعارتۋ ىستەرىنە كوڭىل بولەتىن، ونى قولداپ – قۋاتتايتىن قويۋ اۋان قالىپتاستىرۋ كەرەك.
حۋاڭ سانپيڭ مىنانى باسا دارىپتەدى: وقۋ – اعارتۋ ىستەرىن حالىق رازى بولارلىقتاي جۇرگىزىپ، بۇقارانىڭ تىڭ تالابىن قاناعاتتاندىرۋ – ءبىزدىڭ وسكەلەڭ بورىشىمىز جانە ساياسي جاۋاپكەرلىگىمىز، بۇل ىلەنىڭ بولاشاعىمەن بايلانىستى. تۇتاس وبلىستاعى ءار دارەجەلى پارتيا، ۇكىمەت، اسىرەسە، وقۋ – اعارتۋ تاراۋلارى ، قالىڭ وقۋ – اعارتۋ قىزمەتكەرلەرى جانە وقىتۋشىلار، ءسوزسىز، جالپى جاعداي جانە ستراتەگيالىق تۇرعىدا تانىمدى تەرەڭدەتىپ، كۇش – قۋاتتى توپتاپ، اۋەلگى ماقساتتى ۇمىتپاي، ۇدىرە العا تارتىپ، ءبىلىم ۇيرەتىپ، ادام تاربيەلەۋ سىندى قاسيەتتى بورىشتى شىنايى ارقالاپ، ىلەنىڭ وقۋ – اعارتۋ رەفورماسى دامۋىنىڭ تىڭ داستانىن ۇزدىكسىز جازىپ، ىنتماقتى دا ورنىقتى، حالقى باي، وبلىسى الۋەتتى، ەكولوگياسى كوركەم ىلە قۇرۋ ءۇشىن تىڭ ۇلەس قوسۋىمىز كەرەك.
قۇرماش سىرجان ۇلى ماجىلىستە قورىتىندى ءسوز سويلەپ مىنانى تالاپ ەتتى: ءار دارەجەلى پارتكوم مەن ۇكىمەت يدەيانى بىرلىككە كەلتىرىپ، وقۋ – اعارتۋ قىزمەتىن كورنەكتى ورىنعا قويىپ، وقىتۋشىلار قوسىنى قۇرىلىسى سىندى ءتۇيىندى مىقتى يگەرىپ، ءادىس – شارالاردى كۇشەيتىپ، وقىتۋشىلاردى قۇرمەتتەيتىن جانە وعان ءمان بەرەتىن تاماشا اۋان قالىپتاستىرۋ ءارى ونى قوعامدىق سالتقا اينالدىرۋ كەرەك. قالىڭ وقىتۋشىلار مەن وقۋ – اعارتۋ قىزمەتكەرلەرى ماراپاتتالعان «تورتتە جاقسى» وقىتۋشىلاردى ۇلگى ەتىپ، كوزقاراستا بۇرىلىس جاساپ، وقۋ – اعارتۋ ىستەرىنىڭ سارا جولىن سالۋشىلارىنان بولىپ، پارتيا مەن ۇكىمەت ريزا بولارلىقتاي جاقسى وقىتۋشى، شينجياڭ ەرەكشەلىگىنە يە جاقسى وقىتۋشى بولۋعا تالىپىنۋلارى كەرەك.
ماجىلىستە اۆتونوميالى وبلىستىڭ «شينجياڭ ەرەكشەلىگىنە يە تورتتە جاقسى وقىتۋشىلارى» ماداقتالىپ - سيلاندى، قىزۋ شاپالاق ءۇنى ىشىندە حۋاڭ سانپيڭ، قۇرماش سىرجان ۇلى، زۇنۇن اكبار، سابىر ايتجان ۇلى قاتارلى وبلىس باسشىلارى «تورتتە جاقسى» وقىتۋشىلاردىڭ ۋاكىلدەرىنە داڭق كۋالىكتەرىن ۇسىندى.
ماجىلىستە پيونەرلەردىڭ ۋاكىلى ارناۋ ءسوز وقىدى؛ ماراپاتتالعان «تورتتە جاقسى» وقىتۋشىلاردىڭ ۋاكىلى «اۆتونوميالى وبلىستاعى بارشا وقىتۋشىلارعا ۇندەۋ حاتتى» وقىدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
