- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
موڭعۇلكۇرە اۋدانى شينجياڭ قوڭىر سيىرىن ءوسىرىپ، شارۋالاردىڭ كىرىسىن ارتتىردى
2016.12.12 14:06
موڭعۇلكۇرە اۋدانى «جۇڭگو قوڭىر سيىر مەكەنى» اتاعىنا يە بولعان ءبىر قانشا جىلدان بەرى تابيعي دارالىق ەرەكشەلىگى مەن ابزالدىعىنا سۇيەنە وتىرىپ، ءداستۇرلى مال شارۋاشىلىعىنان وسى زامانعى مال شارۋاشىلىعىنا قاراي ويىستى. بۇل ەكونوميكانىڭ دامۋىنا تىڭ تەبىن بەرىپ قالماستان، باعىمشىلىق قۇرىلىمىنىڭ سايكەستى دامۋىنا جەبەۋ بولىپ، باعىمشىلىق وتباسىلارىنىڭ كىرىس كوزىن تابۋىنا شارت–جاعداي ازىرلەدى.
شينجياڭ قوڭىر سيىرى ىلە قازاق اۆتونوميالى وبلىسىنا، مۇندا موڭعۇلكۇرە اۋدانىنا كوپ شوعىرلانعان. ول باسقا سيىر تۇلىگىنە قاراعاندا بەيىمدەلۋى تەز، جەم–ءشوپ تالعامايتىن، سۋىققا ءتوزىمدى، ءسۇتى قۇنارلى، دالا جايىلىمىنا دا، قولعا باعۋعا دا ىڭعايلى بولۋ ەرەكشەلىگىمەن اۋدانىمىزداعى مالشىلاردىڭ قارسى الۋىنا يە بولعان.
موڭعۇلكۇرە قالاشىعىنداعى شينجياڭ قوڭىر سيىر جەتىلدىرۋ بازاسى–اۋدانىمىزداعى شيىنجياڭ قوڭىر سيىرىن شوعىرلى باعاتىن، جەتىلدىرەتىن بازا. بۇل ارادا جالپى 17 مالشى وتباسى 550 باس شينجياڭ قوڭىر سيىرىن باعىپ وتىر، باعىمشىلىق بازاسىنىڭ كولەمى 2 مىڭ مۋعا تايايدى. تۇراقتى مۇلىككە قوسىلعان قارجى 50 مىڭ يۋان. تۇرسىنجان موڭعۇلكۇرە قالاشىعى قۇروزەك قىستاعىنىڭ تۇرعىنى. كوپ جىلدىق مال باعىمشىلىعى تاجىريبەسىنە يە. ول ءوزىنىڭ 15 باس شينجياڭ قوڭىر سيىرىن قالاشىقتىڭ شينجياڭ قوڭىر سيىرىن جەتىلدىرۋ بازاسىندا توڭازىتىلعان سىفەرمامەن ۇرىقتاندىرىپ، دەن قويا باعۋىنىڭ ناتيجەسىندە مال باسى ارتتى.
موڭعۇلكۇرە قالاشىعى قۇروزەك قىستاعىنىڭ تۇرعىنى تۇرسىنجان بىلاي دەدى:« ءبىز قازىر شينجياڭ قوڭىر سيىرى باعىمشىلىعىندا ءداستۇرلى مال باعىمشىلىعىنان وسى زامانعى مال باعىمشىلىعىنا قاراي ويىستىق. مەندە 15 باس شينجياڭ قوڭىر سيىرى بار. بۇرىن مەنىڭ سيىرلارىمنىڭ ءتولى 3–4 مىڭ يۋانعا ارەڭ ساتىلاتىن. توڭازىتىلعان سىفەرمامەن ۇرىقتاندىرعالى بەرى ءتولىن 6–7 مىڭ يۋانعا ساتاتىن بولدىم. وسى زامانعى مال شارۋاشىلىعىنا ويىسقالى بەرى ەكونوميكالىق كىرىسىم دە ارتتى.
ۇعىسۋعا قاراعاندا، شينجياڭ قوڭىر سيىرى كاسىبىن دامىتۋ ءۇشىن موڭعۇلكۇرە اۋدانى مال تۇقىمىن اسىلداندىرۋدى مىقتى يگەرىپ، مال تۇقىمىن اسىلداندىرۋعا بولعان قارجىلاي قوسىلىمدى ارتتىرىپ، نەگىزدىك قۇرىلعى قۇرىلىسىن كەمەلدەندىردى. ءار جىلى شينجياڭ قوڭىر سيىرى تۇقىمىن اسىلداندىرۋعا 2 ميلليون يۋاننان استام قارجى جۇمساپ، قازىرگە دەيىن سيىر ۇرىقتاندىراتىن 91 پۋنكت سالدى. مۇندا كوشپەلى ۇرىقتاندىرۋ پۋنكتى 51 گە جەتىپ، جالپى 25 مىڭ 689 باس سيىردى توڭازىتىلعان سىفەرمامەن ۇرىقتاندىرسا، اسىل تۇقىمدى دەپ ساراپتالعان سيىر 26 مىڭ 838 باسقا جەتكەن. مۇنان سىرت، ءبىر مىڭ 685 باس تولىمسىز بۇقا ءبىر جاقتى ەتىلسە، سىرتتان ءبىر مىڭ 935 باس اسىل تۇقىمدى سيىر ەنگىزىلگەن. سونىمەن بىرگە، اۆتونوميالى رايوننىڭ اسىل تۇقىمدى مال جەتىلدىرۋ نىسانىنا بىرلەستىرە وتىرىپ، اۆتونوميالى رايوننىڭ اسىل تۇقىم ولشەمىنە تولاتىن 193 باس اسىل تۇقىمدى بۇقا جەتىلدىرىپ، توڭازىتىلعان سىفەرمامەن ۇرىقتاندىرۋ، ەمبريون كوشىرۋ سياقتى وزىق تاسىلدەر جانە ءبىر قىدىرۋ جەلىلەس قولداۋ ساياساتتارى ارقىلى باعىمشىلىق وتباسىلارىنىڭ بەلسەندىلىگىن قوزعاپ، شينجياڭ قوڭىر سيىرى ءوندىرىسىنىڭ دامۋىن جەبەدى.
موڭعۇلكۇرە قالاشىعى قوڭىر سيىر جەتىلدىرۋ بازاسىنىڭ تەحنيگى ءانۋار بىلاي دەدى: «شينجياڭ قوڭىر سيىرى–اۋدانىمىزعا ۇيلەسەتىن سيىر تۇقىمى. اۋا رايىنا، تابيعي باعۋ شارت–جاعدايىنا دا وتە ۇيلەسەدى. ءبىزدىڭ موڭعۇلكۇرەنىڭ مال شارۋاشىلىعىن دامىتۋ ابزالدىعى بار. سولءۇشىن شارۋالارىمىز شينجياڭ قوڭىر سيىرىن كوپتەپ باعۋدا.
كوپ جىلدىق قۇلشىنىستار ارقىلى اۋدانىمىزدىڭ ءارقايسى اۋىل قالاشىعىندا زور كولەمدى شينجياڭ قوڭىر سيىرى تابىنى قالىپتاستى. تاياۋ جىلداردان بەرى اۋدانىمىز بازار قاجەتىنە بەيىمدەلىپ، ونىمدىلىكتى وزەك ەتىپ، وسى زامانعى مال شارۋاشىلىق ءوندىرىس فورماسىن بەلسەندىلكپەن ىلگەرىلەتتى. مالداعى ىندەتتىڭ الدىن الىپ، باعىمشىلىق شاعىن رايون قۇرۋ قۇرىلىسىن ىلگەرىلەتتى. ۇلگىلى باعىمشىلىق وتباسىلارىنىڭ باستاماشىلدىق رولىن كورنەكتىلەندىرىپ، مال تۇقىمىن اسىلداندىرىپ شارۋالاردىڭ كىرىسىن ارتتىردى. كەزەكتە اۋدانىمىزدا شينجياڭ قوڭىر سيىرى 49 مىڭ باسقا جەتىپ، ءار جىلى ءۇرىمجى، التاي، تارباعاتاي، بۇراتالا سياقتى جەرلەرگە ساتىلاتىن شينجياڭ قوڭىر سيىرى 10 مىڭ باستان استى. ساۋلەت ءشارىپقان ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
