بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قوس ءتىل وقىتۋشىلار قوسىنى ءتىپتى دە كەمەلدەندىرىلسە

2017.02.23 15:00    


  وبلىسىمىزدىڭ جەر–جەرى جوعارىنىڭ ۇندەۋىنە بەلسەنە ءۇن قوسىپ قوس ءتىل وقۋ–وقىتۋىن ءساتتى جۇرگىزۋ ءۇشىن بەلسەنە قۇلشىنىس جاساپ كەلەدى. دەسە دە، بۇل قىزمەتتىڭ باياندى، ءونىمدى جۇرگىزىلۋى ءۇشىن تاڭداۋلى وقىتۋشىلار قوسىنى شەشۋشى رول اتقاراتىندىعى اقيقات. باياندامادا ايتىلعان «كەزەكتەگى وقىتۋشىلار قوسىنى قۇرىلىسىن جاپپاي كۇشەيتىپ، ‹تورتكە يە› وقىتۋشىلار قوسىنىن قۇرۋ كەرەك» دەگەن ماڭىزدى تالاپتى توڭىرەكتەي وتىرىپ، حالىق قۇرىلتايى ۋاكىلى، كۇنەس اۋداندىق وقۋ–اعارتۋ مەكەمەسىنىڭ ورىنباسار باستىعى نۇرتاي تۇردىبەك ۇلى وقىتۋشىلار قوسىن قۇرىلىسى ءتىپتى دە كۇشەيتىلسە دەگەن ۇسىنىسىن ورتاعا سالدى.

  قوس ءتىل وقۋ–اعارتۋىنىڭ العا قويىلۋى بارىسىندا تاجىريبە جاعىندا از بولماعان قيىنشىلىقتارعا كەزىكسەك، بۇدان كەيىنگى قوس ءتىل وقىتۋىندا نىسانالى وقىتۋ ۇلگىسىن جالپىلاستىرۋدا تاعى دا از بولماعان قيىنشىلىقتارعا كەزىگەمىز. ايتالىق، كۇنەس اۋدانى ۇستەگى جىلى قىركۇيەكتەن باستاپ، قوس ءتىل وقۋ–وقىتۋىنداعى ەكىنشى تۇردەگى وقىتۋ فورماسىن جالپىلاستىرماقشى. مۇندا انا تىلدەن باسقا ساباقتاردىڭ بارلىعى، ياعني كاسىپتىك تالاپ جوعارى قويىلاتىن ماتەماتيكا، فيزيكا، حيميا، تاريح، جاعراپيا سىندى ساباقتاردىڭ بارلىعى حانزۋ تىلىندە وتىلمەدى. ەندەشە كەزەكتە وسى پاندەردى قوس تىلدە ساپالى، ولشەمدى وتە الاتىن وقىتۋشىلار قوسىنىمىز جەتەرسىز بولىپ وتىر. مۇنى قىسقا مەرزىمدە بىرەر اۋدان، قالالاردىڭ قۇلشىنىسىمەن شەشۋ مۇمكىن ەمەس. ول ءۇشىن تەك جوعارى وقۋ ورىندارى از ۇلت ءتىلى مەن حانزۋ تىلىنە جەتىك وقىتۋشىلار قوسىنى قۇرىلىسىن تاربيەلەۋدى جۇيەلى، باعىتتامالى قولعا الماسا، قازىرگى بار از سانداعى وقىتۋشىلار قوسىنىنا سۇيەنىپ، بۇل ماقساتتى جۇزەگە اسىرۋىمىز قيىنعا سوعادى. مۇنىمەن قوسا وزىمىزدە بار ورتا جاس وقىتۋشىلاردى تاربيەلەپ، قىسقا مەزەتتە قوس تىلدە ساباق بەرۋدى تالاپ ەتۋ ءىس جۇزىندىككە ءبىراز ۇيلەسپەي وتىر. مۇنى شەشۋدىڭ جولى جوعارى ورىندارى وسى تۇردەگى وقىتۋشىلاردى تاربيەلەۋدى باعىتتامالى جوسپارعا الىپ، ارناۋلى كلاستار اشىپ، ەرتەرەك تاربيەلەۋدى قولعا الۋ كەرەك. بۇل اينالىپ كەلگەندە وقىتۋ ساپاسىنا ساياتىن شەشۋشى ماسەلە بولعاندىقتان، داشۋەگە قابىلداعان كەزدە ولاردىڭ حانزۋ ءتىل ورەسىنە جوعارى تالاپ قويۋمەن بىرگە، تاڭداپ وقىعان كاسىبىنىڭ مامانى بولۋعا جەبەۋ كەرەك. سوندىقتان جوعارىداعى قاتىستى ورىندار وسى قوس ءتىل وقۋ–وقىتۋىمەن شۇعىلداناتىن وقىتۋشىلار قوسىنى قۇرىلىسىن جەتىلدىرۋدىڭ ۇزاق مەرزىمدىك عىلمي جوباسىن جاساپ، باعىتتامالى تاربيەلەۋدى ەرتەرەك قولعا الىپ، قوس ءتىل وقىتۋىنىڭ باياندى جۇرگىزىلۋىنە مىعىم نەگىز قالاسا يگى ەدى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار