- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كەسىرلى بولسا كەلىن جاۋ
ەرسىن باقىتبەك ۇلى، باقىتگۇل سەرىك قىزى
2015.02.04 13:37
حالقىمىزدىڭ «التاۋ الا بولسا اۋىزداعى كەتەدى، تورتەۋ تۇگەل بولسا توبەدەگى كەلەدى» دەگەن اتالى سوزدەن ـ اق حالقىمىز ەجەلدەن اعايىن مەن الاشتى، الىس ـ جۋىقتى بەرەكە ـ بىرلىك پەن ىنتىماققا شاقىرىپ كەلگەن.
ەلىمىزدە 1983 ـ جىلى جەر مەن مالدى جان سانعا قاراي كوتەرەگە بەرۋ ساياساتى جۇرگىزىلىپ اتقارىلعاننان بەرى 30 جىلدان استى. قازىر جايلىمدى تىنىقتىرۋ، ەگىستىك جەرلەردى ورماندىققا ايلاندىرۋ ساياساتى اتقارىلعاننان كەيىن، مەملەكەت جاعىنان ەگىنشى ـ مالشىلاردىڭ تىنىقتىرىلعان جەرلەرى مەن ورماندىققا ايلاندىرعان جەرلەرىنە ۇسىنىلىم سوما بەرىلۋدە.
وسى ساياساتتىڭ جۇرگىزىلۋىنە بايلانىستى، كەزىندەگى اكە مەن شەشەنىڭ اتىندا كوتەرەگە الىنعان جەرلەر مەن مال اكە ـ شەشەلەرى قايتىس بولعاننان كەيىن بالالارىنا قالىپ، قارا شاڭىراقتا وتىرعان نەمەسە «ۇلكەن ءۇيدىڭ» ورنىندا وتىرعان پەرزەنتتەرى بولەك وتاۋ شىعىپ كەتكەن ۇل ـ قىزدارعا جوعارىدان بەرىلگەن «نىسان قارجىسىنان» ۇلەس بەرمەيتىن، جەرى، مالى بولماعان باسقا بالالاردىڭ ارىز ـ ارمان ايتىپ، اكىمشىلىك ورىندار مەن حالىق سوتى مەكەمەسىنە باراتىنداردىڭ سانى كوبەيىپ كەلەدى. تىلىمىزگە تيەك بولىپ وتىرعانى، 80 نەن اسقان وشارباي قارتتىڭ كەلىنى بوتاگۇل ەدى، ول وشارباي قارتتىڭ ۇلىمەن وتاۋ تىگىپ، ۇرپاقتى بولىپ، شات ـ شادىمان تۇرمىس وتكىزىپ جاتقان كەزدە جولداسى وقياتتان قايتىس بولىپ، ەكى بالاسىمەن جەسىر قالعان بوتاگۇل جولداسىنىڭ توپىراعى جاسىرىلماي جاتىپ، اتا ـ ەنەسىنە قارايلاسپاي، ەكى بالاسىن الىپ بولەك شىعىپ كەتەدى. كوپ ۇزاماي اقشاعا كوز قىزارتقان بوتاگۇل، ۇسىنىلىم سوماعا قول سوزىپ، وشارباي قارتتىڭ ۇستىنەن حالىق سوتى مەكەمەسىنە ارىزىن بەرەدى، حالىق سوتى مەكەمەسى بوتاگۇلدىڭ ارىز ـ شاعىمىن قابىلداپ، سوت اشىپ، جان ـ جاقتىلى تەكسەرۋلەر الىپ بارادى، قاتىستى ورىنداردىڭ «نىسان قارجىسى» جونىندەگى ەرەجەلەرىنە نەگىزدەلە وتىرىپ، ۇسىنىلىم قارجىنى بەرۋ ـ بەرمەۋ وشارباي قارتتىڭ ءوز ەركى ەكەنىن ەسكەرىپ، بوتاگۇلدىڭ ارىز ـ شاعىمىنا تويتارىس بەرىلەدى.
سوندىقتان، «اعايىننىڭ ازارى بولسادا بەزەرى بولمايدى» دەگەندەيىن، بەرەكە ـ بىرلىك ساقتاپ جەردەن پايدالانۋ نەمەسە مەملەكەت جاعىنان بەرىلگەن ۇسىنىلىم قارجى بولسىن، ساياساتتىق بەلگىلەمە مەن شارۋاشىلىق توقتام زاڭىنداعى بەلگىلەمەلەردى ۇيرەنىپ جانە وعان نەگىزدەلىپ، اقشاعا كوز قىزارتپاي، بەرەكە ـ بىرلىكتە ءبىر-بىرىمىزگە جول بەرۋ، بەرەكەگە كەلىپ كەلىسەر بولساق ەشقاشان دا شەشىلمەيتىن داۋ، بىتپەيتىن جۇمىس بولماس ەدى.
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
