- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق ءتارتىپ تەكسەرۋ كوميتەتى «8 ءتۇرلى بەلگىلەمەگە» قايشىلىق جاساعان 8 دەلونى جاريالادى
2015.02.11 13:34 كەلۋ قاينارى : ءتاڭىرتاۋ تورابى
ءتىلشىنىڭ 10 - اقپاندا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ مەڭگەرمەسىنىڭ سايتىنان ۇعىسۋىنشا، اۆتونوميالى رايوندىق ءتارتىپ تەكسەۋ كوميتەتى ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسىنە» قايشىلىق جاساعان تيپتىك 8 دەلونى جاريالاعان، بۇل ءتارتىپ تەكسەرۋ كوميتەتىنىڭ وسى تەكتەس ماسەلە جونىندەگى 7 - رەتكى حابارلاندىرۋى.
ءدوربىلجىن اۋداندىق پروكۋراتۋرا ۇكىمەت اقشاسىمەن ساياحات ۇيىمداستىرعان جانە قازىنالىق تارتىپكە قايشىلىق جاساعان، ەسەپتەن كوتەرتۋ ءۇشىن ۇكىمەتتىك قابىلداۋعا، تارتۋ - تارالعى بەرۋگە جانە يگىلىك قاراجاتتارىن تاراتۋعا جۇمسالدى دەگەن اتتارمەن جالعان تالون جاساعان. پروكۋراتۋرا پارتيا باسشىلىق گرۋپپاسىنىڭ بۇرىنعى ورىنباسار شۋجيى، باس پروكۋرور گۇلشەكەر ءساليق قىزىنا، پارتيا باسشىلىق گرۋپپاسىنىڭ بۇرىنعى شۋجيى، باس پروكۋروردىڭ ورىنباسارى جاڭ زۇڭجيانعا پارتيا ىشىندە قاتاڭ ەسكەرتۋ جازاسى بەرىلدى.
قارامايلى قالاسى جەرگىلىكتى باجى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى دىڭ لين (باسقارما دارەجەلى) پاكتىك، تارتىپشىلدىك ەرەجەسىنە قايشىلىق جاساپ، باسقالاردان زات ساتىپ الۋ كارتچكاسى، قويىن كومپيۋتەر سياقتى تارتۋ - تارالعىلار قابىلداعان، سونداي - اق جەكە قوناق قابىلداۋدى ۇكىمەت اقشاسىنىڭ ەسەبىنەن كوتەرتكەن، وعان پارتيا ىشىندە قالدىرىپ 2 جىل بايقاپ كورۋ جازاسى بەرىلدى.
ماناس اۋدانى ليۋحۋدي قالاشىعى چۋاڭتياندي قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ياڭ جيانشين قىزىن ۇزاتۋ تويىن وتكىزۋدە ەرەجەگە قايشىلىق جاساعان، سونداي - اق تويلىق اقشا جيناعان، وعان پارتيا ىشىندە ەسكەرتۋ جازاسى بەرىلدى.
باركول قازاق اۆتونوميالى اۋداندىق ونەركاسىپ - ساۋدا اكىمشىلىك باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋ ليدى قازىنالىق تارتىپكە قايشىلىق جاساپ، ءوز الدىندا «شاعىن كاسسا» قۇرعان، سونداي - اق قوناق شاقىرىپ، تارتۋ - تارالعى ۇسىنۋدىڭ، يگىلىك قاراجاتتارىن تاراتۋدىڭ جانە ءوزى تولەۋگە ءتيىستى قاراجاتتاردىڭ ەسەبىن سول كاسساداعى اقشامەن جاپقان، وعان اكىمشىلىك مىندەتىنەن قالدىرۋ جازاسى بەرىلدى.
كورلا قالالىق مادەنيەت - دەنە تاربيە، راديو - تەلەۆيزيا مەكەمەسىنىڭ باستىعى جىن جيانمەي پاكتىك، تارتىپشىلدىك ەرەجەسىنە قايشىلىق جاساپ، مەكەمەدەگى 2 كادرمەن جانە كورلا قالالىق مادەنيەت بازارى ساۋداگەرلەر قوعامىنا مۇشە 11 اداممەن بىرگە، ىشكى ولكەدە جيىنعا قاتىناسقان سوڭ، كورىنىس رايوندارىنا بارىپ ساياحاتتاعان، قاتىستى قاراجاتتارىن تۇگەلدەي كورلا قالالىق مادەنيەت بازارى ساۋداگەرلەر قوعامى تولەگەن. جىن جيانمەيگە پارتيا ىشىندە ەسكەرتۋ جازاسى بەرىلدى.
كۇشار اۋداندىق ساۋداگەر شاقىرۋ مەكەمەسىنىڭ باستىعى جۋ يانچيڭ قازىنالىق تارتىپكە قايشىلىق جاساپ، جالعان تالون جاساۋ سياقتى تاسىلمەن ءوزى قوناق كۇتۋگە، تارتۋ - تارالعى بەرۋگە ساتىپ العان جوعارى سورتتى تەمەكى - اراق، جەيدە، شاي سياقتىلاردىڭ اقشاسىن ۇكىمەت ەسەبىنەن تولەگەن، وعان پارتيادان شىعارۋ، اكىمشىلىك مىندەتىنەن قالدىرۋ جازاسى بەرىلدى.
يىڭسار اۋدانى سوگەت اۋىلدىق پارتكومنىڭ مۇشەسى، قارۋلى ءبولىمىنىڭ باستىعى چيۋ جيانچي اراق ءىشىپ الىپ، ۇكىمەت كولىگىن كۋالىكسىز جۇرگىزگەن، وعان پارتيا ىشىندەگى مىندەتىنەن بوساتۋ جانە اكىمشىلىك مىندەتىنەن قالدىرۋ جازاسى بەرىلدى.
حوتان ايماقتىق تاس جول باسقارۋ مەكەمەسى پارتكومىنىڭ ورىنباسار شۋجيى، ورىنباسار مەكەمە باستىعى (باسقارما دارەجەلى) ەركىن ءومار ەرەجەگە قايشى تۇردە ۇكىمەت كولىگىن ءمىنىپ جانە قازىنالىق تارتىپكە قايشىلىق جاساپ، مەكەمەنىڭ 2 جۇمىس كولىگىن ۇزاق ۋاقىت تۇراقتى پايدالانعان، سونداي - اق مەكەمەنىڭ ەرەجەگە قايشىلىق جاساپ تاراتقان ۇستەمە جۇمىس اقىسى مەن سيلىق اقشاسى، ءتۇسىن وزگەرتىپ كولىك ساتىپ الۋ جانە ۇكىمەت اقشاسىمەن ساياحاتتاۋ سياقتى قاراجاتتاردى ۇكىمەت ەسەبىنەن كوتەرۋدى بەكىتكەن، وعان پارتيا ىشىندە قاتاڭ ەسكەرتۋ جازاسى بەرىلدى.
حابارلاندىرۋدا بىلاي دەپ باسا دارىپتەلدى: كوكتەم مەرەكەسى تاياپ قالدى، بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى ورتالىق پەن اۆتونوميالى رايوننىڭ مەرەكەنى ناقتى ۇنەمشىلدىكپەن وتكىزۋ تۋرالى ۇقتىرۋلارىنىڭ تالاپتارىن مۇقيات دايەكتى تياناقتاندىرىپ، وسى جاريالانعان تيپتىك دەلو مىسالدارىنان ساباق الىپ، ساقتانۋى كەرەك. ءار دارەجەلى پارتكوم (پارتيا باسشىلىق گرۋپپالارى) پارتيا ستيلى، پاكتىك قۇرىلسىنداعى سۋبيەكتتىك جاۋاپكەرشىلىگىن شىنايى اتقارىپ، ورتالىقتىڭ «8 ءتۇرلى بەلگىلەمەسىنىڭ» رۋحى مەن ۇنەمشىل، پاك، ءتارتىپشىل بولۋ سياقتى قاتىستى بەلگىلەمەلەرىن قاتاڭ تياناقتاندىرىپ، ءتارتىپتى قاتايتىپ، قاتاڭ باسقارىپ، ۇكىمەت اقشاسىمەن ءىشىپ - جەۋ، ۇكىمەت اقشاسىمەن ساياحاتتاۋ، ۇكىمەت كولىگىن جەكە جۇمىسىنا پايدالانۋ، تارتۋ - تارالعى، اقشا الۋ، ەرەجەگە قايشى تۇردە ۇستەمە قاراجات، تولىقتاما قاراجات تاراتۋ، توي - تومالاق، ءولىم - ءجىتىم ىستەرىن استا - توك وتكىزۋ سياقتى ەرەجەگە، تارتىپكە قايشى ماسەلەلەردىڭ تۋىلۋىن باتىل تيۋى كەرەك. قالىڭ پارتيالى كادرلار ورتالىق پەن اۆتونوميالى رايوندىق پارتكومنىڭ قاجىماي - تالماي ستيلدى يگەرۋدەي باتىل بەكىمىن تەرەڭ تانىپ، ىشتەي يمەنىپ، ءىس - ارەكەتكە تەجەۋ قويىپ، قاعيدانى دارىپتەۋدى، ءتارتىپتى ساقتاۋدى سانالى تۇردە ىسكە اسىرۋلارى كەرەك.
حابارلاندىرۋدا مىنالار تالاپ ەتىلدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ماڭىزدى كەزەڭدەردى باسا قاداعالاپ، باقىلاۋ، ءتارتىپتى اتقارۋ، جاۋاپكەرشىلىكتى قۋزاۋ جانە حابارلاندىرۋ شىعارىپ، اشىق جاريالاۋ سەرپىنىن ونان ارى كۇشەيتىپ، ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسىنىڭ» رۋحىنا قايشىلىق جاساعانداردىڭ، قاسارىسا تارتىپكە قايشى كەلگەندەردىڭ بارىنە استە راقىمشىلىق ەتپەي، قاتاڭ جازا قولدانىپ، ەسكەرتۋ بەرىپ، ىسكە شاتىلعان ادامدى تەكسەرۋمەن بىرگە، قاتىستى باسشىلاردىڭ دا جاۋاپكەرشىلىگىن قۋزاستىرۋى؛ «ءتارتىپتى بارعان سايىن قاتايتۋ» تالابىن قاتاڭ تياناقتاندىرىپ، ءتارتىپتى اتقارۋدىڭ تارازىسى مەن ولشەمىن دۇرىس مەڭگەرىپ، ءتارتىپ اتقارۋدىڭ كەڭشىلدىكتەن، جۇمساقتىقتان كۇشىن جويۋى سياقتى جايتتەردى باتىل تۇزەتۋى؛ «ءتورت ءتۇرلى بۇرىس ستيل» ماسەلەسىنىڭ جاڭا فورماسىن، جاڭا بەتالىسىن قاتاڭ قاداعالاپ، ماسەلەلەردى تەكسەرىپ ءبىر جايلى ەتۋمەن بىرگە، جالقى مىسالدان جالپى قاعيدانى تالداۋعا كوڭىل ءبولىپ، دەر كەزىندە تاجىريبە قورىتىندىلاپ، كەمشىلىكتەردى تاۋىپ، ولقىلىقتاردى بۇتىندەپ، ستيل قۇرىلىسىن يگەرۋدىڭ ۇزاق ۋاقىتتىق ءونىمدى مەحانيزمىن كۇش سالا قالىپتاستىرىپ، «ءتورت ءتۇرلى بۇرىس ستيل» ماسەلەسىنىڭ ءوڭىن اينالدىرىپ، قايتا باس كوتەرۋىنە استە جول بەرمەي، پارتيا ستيلىنىڭ، ۇكىمەت ستيلىنىڭ، قوعامدىق ستيلدىڭ، حالىقتىق ستيلدىڭ ۇزدىكسىز جاقسارۋىن جەبەۋى كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
