قۇلجا اۋدانى اۋليە اۋىلىندا تۇڭعىش كەزەكتى «جىلقى ۇستىندەگى سالتانات» اتىنداعى ءداستۇرلى مادەنيەت مەرەكەسى وتكىزىلدى

2015.02.13 15:22  

　　سەرىك سابىر ۇلى، باعداۋلەت باتىربەك ۇلى حابارلايدى. قۇلجا اۋدانى اۋليە اۋىلدىق پارتكوم مەن ۇكىمەت ۇيىمداستىرىپ وتكىزگەن تۇڭعىش كەزەكتى «جىلقى ۇستىندەگى سالتانات» اتىنداعى قازاق ۇلتىنىڭ ءداستۇرلى مادەنيەت مەرەكەسى اقپاننىڭ 11 - كۇنى تۇستەن بۇرىن اۋليە اۋىلى قۇلىستى قىستاعىنىڭ كوركەم تاۋ بەتكەيىندە وتكىزىلدى.

　　قيمىلدا بايگە، قۇس سالۋ، قىز قۋار، بالۋان سياقتى قازاق ۇلتىنىڭ ءداستۇرلى ۇلتتىق سپورت ويىن تۇرلەرى الىس - جاقىننان كەلگەن كورەرمەندەردى، ارىسى ورتالىقتان، اۆتونوميالى رايوننان، وبلىستان، قۇلجا قالاسىنان كەلگەن اقپارات دانەكەرلەرىن جانە كاسىپتىك فوتوگراف اۋەسكەرلەرىن وزىنە باۋرادى. قيمىلعا بەس مىڭعا جۋىق ادام قاتىناستى.

　　تۇڭعىش كەزەكتى «جىلقى ۇستىندەگى سالتانات» اتىنداعى قازاق ۇلتىنىڭ ءداستۇرلى مادەنيەت مەرەكەسىنىڭ ءساتتى وتكىزىلۋى شارۋالاردىڭ قىسقى مادەني تۇرمىسىن ارلەندىرە تۇسۋىمەن بىرگە، ءار ۇلت حالقىنىڭ قازاق ۇلتىنىڭ ءداستۇرلى مادەنيەتىنە بولعان تانىمىن جوعارىلاتتى. سۋرەتتە: وسى رەتكى قيمىلدان قيىقتار

　　كەلۋ قاينارى: حالىق تورابى