- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىقارالىق لاڭكەستەردىڭ ايقۇلاقتانعان اپتىعىن قالاي باسۋعا بولادى
2015.02.13 14:16
سوڭعى كەزدەرى حالىقارالىق لاڭكەستىككە قارسى تۇرۋ قيمىلدارى جيىلەي ءتۇستى. يوردانيا اۋە ارمياسىنىڭ قولباسشىسى جابۋر اقپاننىڭ 11 – كۇنى بىلاي دەدى: «ءسىلام مەملەكەتى» قولباسشىلىق ورتالىعى تۇرعان بەكىنىس تالقاندالدى. ا ق ش – نىڭ ەرەكشە ەلشىسى ايلون يراقتىڭ الداعى بىرنەشە اپتادا وسى ۇشقارى ۇيىمعا جەر بەتى سوققىلاۋ ارەكەتىن قوزعايتىندىعىن ءبىلدىردى.
لاڭكەستىككە قارسى تۇرۋ ارەكەتىنىڭ قارقىندى ورىستەتىلۋىنىڭ سەبەبى - «ءسىلام مەملەكەتى» ۇيىمىنىڭ يوردانيالىق ۇشقىش كاساسەبيدىڭ تىرىدەي ورتەپ ءولتىرۋى، فرانسيانىڭ پاريج «شارلي اپتالىق جۋرنالى» باس شتابىنىڭ شابۋىلعا ۇشىراۋى، پاكيستاننىڭ پەشاۆار قالاسىنداعى ءبىر اسكەر پەرزەنتتەرى مەكتەبىندەگى 150 ادامنىڭ وققا ۇشۋى. وسى لاڭكەستىك قيمىلدار سانسىزداعان جازىقسىز جاننىڭ ءومىرىن قيىپ، ولاردىڭ وتباسىنا اۋىر قاسىرەت اكەلدى ءارى قاتىستى ەلدەردى، ءتىپتى، وڭىرلەردى الاساپىراندىققا ءتۇسىردى.
ەندەشە، حالىقارالىق لاڭكەستەردىڭ ايقۇلاقتانعان اپتىعىن قالاي باسۋعا بولادى؟
لاڭكەستىككە قارسى تۇرۋدا ەڭ الدىمەن لاڭكەستىكتەن ساقتانۋعا نازار اۋدارۋ، ياعني لاڭكەستىكتىڭ ورشۋىنەن بارىنشا ساقتانۋ كەرەك.
- مەملەكەتتىڭ ءبىر تۇتاستىعىن ساقتاۋ، ۇكىمەت مەملەكەتتىڭ بارلىق تەرريتورياسىن ءونىمدى تۇردە مەڭگەرۋى، لاڭكەستىكتىڭ ءومىر سۇرۋىنە وراي قالدىرماۋى كەرەك.
كەزەكتە كوپتەگەن ەلدى لاڭكەستىك مازالاۋدا، الايدا ودان اۋعانىستان، پاكيستان، يراق، سيريا، يەمەن، نيگەريا سياقتى ەلدەر ەڭ اۋىر زارداپ تارتىپ وتىر. «ءال – حايدا» ۇيىمى، تاليباندار، «ءسىلام مەملەكەتى»، «بوكو» سياقتى بۇگىنگى دۇنيەدە ەڭ ۇشقىنداپ تۇرعان لاڭكەستىك ۇيىمدار اتالعان ەلدەردە ابدەن قۇتىرىنعان، ولاردىڭ قۇرىعى كورشى ەلدەر مەن الىس ايماقتارعا دەيىن جەتىپ وتىر.
اۋعانستاننىڭ كەڭەس وداعىنا قارسى قارۋلى كۇشتەرى كەڭەس وداعى سۇعاناقتىق جاساپ كىرگەن كەزدە بوي كوتەرگەن، ال تاليبان كەڭەس وداعىنا قارسى ۇقساماعان قارۋلى كۇشتەردىڭ ىشكى سوعىسىندا باس كوتەرگەن. «ءال – حايدا» ۇيىمى دا اۋعانىستاندا قۇرىلعان. ساياسي تىلەكتىڭ ۇقساپ كەتۋىنە بايلانىستى اتالعان ۇيىم كەزىندە اۋعانستان بيلىگىن مەڭگەرگەن تاليباننىڭ قورعاۋىندا بولىپ، تەز دامىدى. 2001 – جىلى ا ق ش سياقتى باتىس ەلدەرى «لاڭكەستىككە» قارسى تۇرۋ دەگەن اتپەن اۋعانستان سوعىسىن قوزعاپ، تاليبان ۇستەمدىگىن اۋداردى. الايدا ون نەشە جىلعا جالعاسقان سوعىستا تاليبان السىرەمەستەن، كەرىسىنشە ايرىقشا جاندانا ءتۇستى، ول ءالى دە اۋعانستانداعى ەڭ ۇلكەن ۇشقارى قارۋلى ۇيىم ەسەپتەلەدى.
«ءسىلام مەملەكەتى» ۇيىمى «ءال - حايدا» ۇيىمىنىڭ يراقتاعى بولىمشەسىنەن قۇرالعان بولىپ، ونىڭ دامىپ ۇلعايۋىنىڭ ءتۇبىرلى سەبەبى: ا ق ش قوزعاعان يراق سوعىسى مەن شەتەل كۇشتەرىنىڭ ءالى كۇنگە دەيىن تولاستاماي كەلە جاتقان سيريانىڭ ىشكى سوعىسىنا كيلىگۋىنەن بولىپ وتىر. 2003 - جىلى سادام اكىمياتى اۋدارىلعاننان كەيىن، يراقتىڭ ەل ىشىندەگى ءدىني توپتار اراسىنداعى قاقتىعىس بارىنشا ۋشىعىپ، حاۋىپسىزدىك جاعدايى بارىنشا ناشارلادى. بۇل لاڭكەستىكتىڭ قايتا ورشۋىنە ءتيىمدى ورتا جاراتىپ بەردى. 2011 - جىلى ا ق ش اسكەري قوسىندارىنىڭ يراقتان شۇعىل شەگىنۋى - يراقتىڭ ەل ءىشى حاۋىپسىزدىك جاعدايىن ونان ارى ۋشىقتىرىپ، سوڭىندا «ءسىلام مەملەكەتى» ۇيىمىنىڭ باس كوتەرۋىنە اپارىپ سوقتى. جاقىنعى بىرنەشە جىلدا شەتەل كۇشتەرىنىڭ اسكەري ىستەرگە جانامالاي جانە تىكەلەي كيلىگۋى سەبەبىنەن يراقتىڭ كورشىلەس ەلى سيريا اۋىر بولشەكتەنۋ جاعدايىنا دۋشار بولىپ، «ءسىلام مەملەكەتى» ۇيىمى سيريا تەرريتورياسىن اناعۇرلىم زور تىرشىلىك ورىسىنە اينالدىردى.
بىلتىر ماۋسىمنان بەرى «ءسىلام مەملەكەتى» ۇيىمى يراقتىڭ باتىسى مەن سولتۇستىگى جانە سيريانىڭ شىعىسىنداعى ۇلان - بايتاق تەرريتوريانى باسىپ الدى، ولار قازىر يراق استاناسى باعدات قالاسىنا 20 كيلومەترگە دەيىن تاياپ قالدى. كەزەكتە، «ءسىلام مەملەكەتى» قارۋلى كۇشتەرىنىڭ سانى 10 مىڭ ادامنان 100 مىڭ ادامعا دەيىن كوبەيىپ، 300 مىڭ شارشى كيلومەتر اۋماقتى مەڭگەرۋىنە الىپ وتىر.
لاڭكەستىككە قارسى تۇرۋدا قالام مەن قارۋدان قاتار پايدالانىپ، ۇستىنەن جانە تۇبىرىنەن وڭاپ، حالىقارالىق ىنتىماقتاستىقتى كۇشەيتىپ، ۇزاققا سوزىلاتىن شايقاسقا ويداعىداي دايىندالۋ كەرەك.
تۇبىرىنەن الىپ ايتقاندا لاڭكەستىك ۇيىمدار كوپ جاقتى اسكەري سوققىعا ۇشىراسا دا ۇقساس ءومىر سۇرە الادى ءارى كۇشەيە الادى. مۇنىڭ باستى سەبەبى: از ساندى بۇقارا ۇشقارى يدەيامەن وڭاي ۋلاناتىندىقتان، اتالعان ۇيىمداردى قولدايدى ءارى وعان قاتىناسادى.
اۋعانستان مەن پاكيستاننىڭ ءبىر قىدىرۋ شالعاي شەكارا رايوندارىنىڭ ەكونوميكاسى ءبىرشاما مەشەۋ، وقۋ – اعارتۋ دەڭگەيى تىم تومەن. ۇشقارى ەلەمەنتتەر وسى رايوندا ۇزاق ۋاقىت ىرگە تەۋىپ، ۇشقارى يدەيانى ۇزدىكسىز تاراتىندىقتان جەرگىلىكتى بۇقارا ولاردىڭ الداپ - ارباۋىنا وڭاي تۇسەدى. لاڭكەستىك قيمىلداردىڭ ەڭ ايقۇلاقتاناتىن جەرى يەمەن، يراق، سيريا سياقتى مەملەكەتتەردىڭ ەكونوميكاسى مەن دامۋى ءبىرشاما مەشەۋ. مۇندا ايرىقشا اتاپ وتۋگە ءتيسىتىسى يەمەن مەملەكەتى، ول اراب الەمىندەگى جانە دۇنيە جۇزىندەگى ەڭ كەدەي مەملەكەتتەردىڭ ءبىرى بولىپ، 24 ميلليون جان سانىنىڭ جارىمنان كوبى ءسىڭىرى شىققان كەدەيلەر.
بۇدان تىس، «ءال - حايدا»، تاليبان، «ءسىلام مەملەكەتى»، «بوكو» سياقتى ۇشقارى ۇيىمدار كەزەكتە، ەل ارالىق قيمىل جاساپ، جان تۇرشىگەرلىك دەلولار تۋدىرۋدا، بۇل ۇيىمدارعا سوققى بەرۋدە ءار ەل، ءسوزسىز، ءوزارا سايكەسىپ، ورتاق ارەكەتكە كەلۋى كەرەك. ءبىر مەملەكەتتىڭ اتالعان ۇيىمداردى جويۋعا قۋاتى جەتپەگەن جاعدايدا قاتىستى مەملەكەتتەردىڭ يەلىك ۇقىعىنا قۇرمەت ەتۋدى العى شارت ەتىپ، كوپتەگەن مەملەكەتتەردىڭ كۇش-قۋاتىنان جان-جاقتى پايدالانۋ قاجەت.
وسى جاقتاعى ەڭ ءبىر بەلسەندى شارا ەسەپتەلەتىنى: چاد كولى اڭعارى كوميتەتىنە مۇشە ەلدەر (كامەرۋن، نيگەريا، نيگەر، چاد) جانە بەنين سياقتى مەملەكەتتەر اقپاننىڭ 7-كۇنى كامەرۋننىڭ استاناسى ياۋندە قالاسىندا 8 مىڭ 700 ادامنان قۇرالعان ارناۋلى اسكەري قوسىن ۇيىمداستىرىپ، «بوكو» لاڭكەستىك ۇيىمىنا ورتاق سوققى بەرەتىندىگىن جاريالادى. وسىعان ۇقساس، «ءسىلام مەملەكەتى» ۇيىمىنا ءونىمدى سوققى بەرۋدە قاتىستى مەملەكەتتەردىڭ ءوز باسىن كۇيىتتەيتىن كوزقاراستان ارىلىپ، بەلسەنە سايكەسىپ، ورتاق ارەكەتكە كەلىپ، بىرىككەن كۇش قالىپتاستىرۋى، اسىرەسە، ا ق ش - تىڭ شەشۋى رولىن ساۋلەلەندىرۋى توتەنشە قاجەتتى. (شينحۋا اگەنتتىگى)
كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
