- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىل-قىستاقتا جەكەلىك ءۇي سالۋدى ارناعا ءتۇسىرۋ كەزەك كۇتتىرمەيتىن كەلەلى مىندەت
2015.02.15 16:01 كەلۋ قاينارى : شينجياڭ حالىق راديو ستانسياسى تورابى
ەلىمىزدە شارۋاشىلىقتىڭ ۇشقان قۇستاي دامۋى مەن بۇقاراعا باعىتتالعان ءتيىمدى ساياساتتىڭ بىرتىندەپ تياناقتانۋىنا وراي، بۇقارانىڭ قالتاسى قالىڭداپ، ولار تۇرعىن ءۇي شارت-جاعدايىن جاقسارتۋعا ءمان بەرە باستادى. مەملەكەتتىڭ جاڭاشا اۋىل-قىستاق قۇرىلىسى مەن اۋىل-قىستاقتاعى كونە، حاۋىپتى ۇيلەردى وزگەرتۋدى زور كۇشپەن جەبەۋىنە ىلەسە، اۋىل-قىستاقتا ءۇي سالۋدىڭ قىزۋ ورلەۋى كوتەرىلدى. قاز-قاتار تىزىلگەن كورىكتى دە ءساندى ۇيلەر جاڭاشا اۋىل-قىستاققا تىڭ اجار قوستى. الايدا ۇزاقتان بەرى، بۇقارا تۇرعىن ءۇيىن وزدەرى سالىپ الۋدى نەگىز ەتۋ، اۋىل-قىستاقتا قۇرىلىس تۇيىندەرى كوپ ءارى بۇقارانىڭ قۇرىلىس سالۋ جونىندەگى ءبىلىمى، حاۋىپسىزدىك تانىمى تومەن بولۋ سياقتى سەبەپتەر مەن نەگىزگى جاۋاپتى اكىمشىلىك تاراۋدىڭ باسقارۋى دارمەنسىز بولۋى سەبەبىنەن، اۋىل-قىستاقتا جەكەلىك ءۇي سالۋدا قالىپسىز دامۋ جاعدايى، ادامدى الاڭداتاتىن حاۋىپسىزدىك كىناراتتارى جارىققا شىقتى.
سونىمەن، جەر-جەردىڭ اۋىل-قىستاعىندا جەكەلەر وزدەرىنە ءۇي سالۋ بارىسىندا جانە سالعان ۇيىنە كوشىپ كىرگەننەن كەيىن، تۋىلعان شىرعالاڭ قۇلاعىمىزعا ەمىس-ەمىس شالىناتىن بولدى. چۇڭچيڭ قالاسىن مىسالعا الساق، 2011-جىلى يۇنياڭ اۋدانىنداعى قۇرىلىس سالۋ تەحنيكاسىنان حابارسىز بىرنەشە «اۋىل شەبەرى» بىرلىكتە قارادۇرسىندىكپەن ءۇي سالعاندىقتان، ءۇي قۇلاۋ شىرعالاڭى تۋىلىپ، 4 ادام ءولىپ، 2 ادام جارالانعان. بۇقارانىڭ وزدەرىنە سالعان قۇرىلىستارىندا حاۋىپسىزدىك كومەسكى قاتەرى بارعان سايىن كوبەيۋدە، ەگەر مۇنى دەركەزىندە جونگە سالماسا نەمەسە ءونىمدى الاستاماسا، بۇقارانىڭ باس اماندىعى مەن مال-مۇلىك حاۋىپسىزدىگىنە اۋىر قاتەر توندىرەتىنى داۋسىز.
بۇقارانىڭ وزدەرىنە ءۇي سالۋى جونىندە مەملەكەتتىك كەڭەس 1993-جىلدىڭ وزىندە «قىستاق پەن شوعىرلى قالاشىقتىڭ قۇرىلىس جوباسىن باسقارۋ ەرەجەسىن» جاريالاسا، قۇرىلىس مينيسترلىگى دە قاتىستى قۇجات جاريالاپ، قۇرىلىس تاراۋلارىنان بۇقارانىڭ وزدەرىنە سالعان ءۇيىن قاتاڭ باقىلاۋدى تالاپ ەتتى. الايدا، ءىشىنارا جەرگىلىكتى ۇكىمەت تاراۋلارى قاتىستى سايكەستىرۋ شاراسىن دەركەزىندە شىعارماعاندىقتان، بۇقارا وزدەرىنە ءۇي سالۋ بارىسىندا حاۋىپسىزدىك كىناراتتارى اۋىق-اۋىق تۋىلىپ وتىر.
وسىعان وراي مەن مىناداي ۇسىنىس قويماقپىن:
بۇقارا وزدەرىنە ءۇي سالۋىنداعى حاۋىپسىزدىك پەن باسقارۋدى ارناعا ءتۇسىرىپ، اۋىل-قىستاقتىڭ جاعدايىنا ساي كەلەتىن قۇرىلىس ساپاسىن باقىلاۋ-باسقارۋ ءتۇزىمىن ورناتۋ قاجەت. اۋىل-قىستاقتا تۇرعىن ءۇي سالاتىن جەرگىلىكتى باسقارۋشىلار مەن دارىندىلاردى تاربيەلەپ، قاتىستى زاڭ، زاڭ-ەرەجەلەردى قاتاڭ اتقارۋ كەرەك. قۇرىلىس سالۋدىڭ حاۋىپسىزدىك، جاۋاپكەرلىك جۇيەسىن قۇرىپ، اۋىل-قالاشىقتا بۇقارانىڭ وزدەرىنە ءۇي سالۋىنىڭ حاۋىپسىزدىك جاۋاپكەرلىگىن باقىلاۋدى اۋىل-قالاشىقتىڭ نىسانالى جاۋاپكەرلىگىنە كىرگىزىپ، نىسانالى جاۋاپكەرلىگىن باعالاپ وتىرۋ قاجەت.
فينانس قۇرىلىمدارىنىڭ قارىز اقشا بەرۋىن سيلاۋ ءتۇزىمىن ورناتىپ، بۇقارانىڭ قارجى جەتىسپەۋ قيىنشىلىعىن باسەڭدەتىپ، كونە قۇرىلىس ماتەريالدارىنىڭ قايتالاي پايدالانىلۋىنىڭ الدىن الۋ كەرەك. بۇقارانىڭ وزدەرىنە ءۇي سالۋىندا شىرعالاڭ تۋىلسا، تولەم تولەۋى قيىنعا سوعاتىنى سياقتى تۇيىندەردى ەسكەرىپ، اۋىل-قىستاققا ۇيلەسەتىن زورلىقتى تۇردە قامسىزداندىرۋعا قاتىناستىرۋ ءتۇزىمىن اتقارىپ، ءۇي سالعىزاتىن وتباسى نەمەسە ءۇيدى كوتەرمەگە الۋشى ءۇي سالاتىن قۇرىلىس جۇمىسكەرلەرىنىڭ باس اماندىعىن توسىن شىرعالاڭنان قامسىزداندىرۋعا قاتىناستىرىپ، شىرعالاڭ تۋىلا قالسا، دەركەزىندە ەكونوميكالىق جاقتان تولەم بەرۋگە كەپىلدىك ەتۋ قاجەت.
ۇگىت تەبىنىن كۇشەيتىپ، بۇقاراعا ءۇي سالدىرۋ بارىسىندا قۇرىلىستىڭ ساپاسى مەن حاۋىپسىزدىگىن قاتاڭ قاداعالاۋدى، كونە ۇيلەرىن شاعۋ، وزگەرتۋ جانە سالۋ بارىسىندا تولىمدىلىعى بار قۇرىلىس سالۋشى ورىنداردى ۇسىنىس ەتىپ، ادامنىڭ باس اماندىعى مەن مال-مۇلىك اماندىعىنا شىنايى كەپىلدىك ەتۋ كەرەك.
اۋدارعان: ساعىنبەك رابات ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
