- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇمىسشى – قىزمەتكەرلەرگە ماتەريالدىق يگىلىك بۇيىمدارىن تاراتۋ ەرەجەسى جاريالاندى
قالىپتى ماتەريالدىق يگىلىك بۇيىمدارى تاراتىلعانى ءجون
2015.02.16 14:47
حالىق تورابى، 16 – اقپان، بەيجيڭ. ءتىلشىنىڭ شينجياڭ ۇيعۇر اۆتونوميالى رايوندىق باس جۇمىسشىلار ۇيىمىنان ۇعىسۋىنشا، اتالعان ۇيىم ءار دارەجەلى جۇمىسشىلار ۇيىمىنىڭ مەرەكە – مەيرامداردا ماتەريالدىق يگىلىك بۇيىمدارىن، حال سۇراۋ بۇيىمدارىن قالاي تاراتۋى جونىندە نۇسقاۋ سيپاتتى پىكىر جاريالاعان ءارى شينجياڭدا ماتەريالدىق يگىلىك بۇيىمدارىن تاراتۋ ولشەمى بۇكىل ەلىمىزدىڭ ورتاشا ورەسىنەن جوعارى بولۋ كەرەك ەكەنىن ايقىن كورسەتكەن.
ۇعىسۋعا قاراعاندا، «اۆتونوميالى رايوندىق باس جۇمىسشىلار ۇيىمىنىڭ ‹مەملەكەتتىك باس جۇمىسشىلار ۇيىمىنىڭ نەگىزگى ساتىلارداعى جۇمىسشىلار ۇيىمىنىڭ قاراجات كىرىس – شىعىسىن باسقارۋدى كۇشەيتۋگە قاتىستى بەلگىلەمەلەرىن› دايەكتى تياناقتاندىرۋ تۋرالى پىكىرى» (تومەندە «پىكىر» دەلىنەدى) قازىر بۇكىل شينجياڭداعى ءار دارەجەلى جۇمىسشىلار ۇيىمىنا جەتكىزىلگەن.
«پىكىردە» نەگىزگى ساتىداعى جۇمىسشىلار ۇيىمىنىڭ مەرەكە – مەيرامداردا ۇيىم مۇشەلەرىنە ازداپ مەرەكەلىك حال سۇراۋ بۇيىمدارىن ۇسىنۋىنا بولاتىنى انىق ايتىلعان ءارى ماتەريالدىق يگىلىك بۇيىمدارىن تاراتۋ ولشەمىن دە انىق جاريالاعان. بۇل ارادا ايتىلعان مەرەكە – مەيرامدار شاعان، كوكشىبىق مەرەكەسى، قاربىز مەرەكەسى، مەملەكەت مەرەكەسى، قۇربان ايت قاتارلى مەملەكەت پەن اۆتونوميالى رايون جاعىنان بەكىتىلگەن زاڭدا بەلگىلەنگەن مەرەكە – مەيرامداردى كورسەتەدى. «مەرەكەلىك حال سۇراۋ بۇيىمدارى»، پرينسيپتىك جاقتان ايتقاندا، جۇڭحۋا ۇلتتارىنىڭ ءداستۇرلى ادەتىنە ۇيلەسەتىن، سونداي – اق، جۇمىسشى – قىزمەتكەرلەردىڭ تۇرمىسىنا قاجەتتى بۇيىمداردى كورسەتەدى، مىسالى: قاراپايىم قوراپتالعان ايكۇلشە، قياق كۇرىش، تۋىلعان كۇن بالكۇلشەسى، كۇرىش، ۇن، ازىقتىق ماي قاتارلى بۇيىمدار.
«پىكىردە» مىنالار دا انىق بەلگىلەنگەن: ۇيىم مۇشەلەرى نەمەسە ولاردىڭ وتباسىنداعىلار ناۋقاس نەمەسە تابيعي اپات سالدارىنان ءبىرشاما اۋىر قيىنشىلىققا جولىققاندا، جۇمىسشىلار ۇيىمى ولارعا بەلگىلى مولشەردە جاردەم قاراجاتىن بەرسە بولادى. مۇنان سىرت، ۇيىم مۇشەلەرىنىڭ تۋىلعان كۇنىندە قاراپايىم تۇردە حال سۇراۋ، ۇيىم مۇشەلەرىن كينو كورۋگە ۇيىمداستىرۋ قاتارلىلاردىڭ بارلىعى جۇمىسشىلار ۇيىمىنىڭ مۇشەلەرى يگىلىكتەنۋگە تيىستى قالىپتى ماتەريالدىق يگىلىك ەسەپتەلەدى.
اۆتونوميالى رايوندىق جۇمىسشىلار ۇيىمى پارتگرۋپپاسىنىڭ شۋجيى، ورىنباسار ءتوراعاسى ۋاڭ جۇننىڭ تىلشىگە ايتۋىنشا، شينجياڭنىڭ جاعدايى باسقا ولكە، اۆتونوميالى رايوندارعا ۇقسامايدى، شينجياڭدا قيىنشىلىعى بار جۇمىسشى – قىزمەتكەرلەردىڭ سانى كوپ، وتە – موتە، شينجياڭداعى از ۇلتتاردىڭ وزدەرىنە ءتان زاڭدا بەلگىلەنگەن مەرەكەلەرى بار، وسى جاعدايلاردى مۇقيات ويلاستىرۋ ارقىلى، شينجياڭدا ماتەريالدىق يگىلىك بۇيىمدارىن تاراتۋ ولشەمى بۇكىل ەلىمىزدىڭ ورتاشا ورەسىنەن جوعارى بەلگىلەنگەن.
اۆتونوميالى رايوندىق باس جۇمىسشىلار ۇيىم شىرىكتەسۋگە قارسى تۇرۋدىڭ تۇپكىلىكتى ءمانى ءۇش ءتۇرلى ۇكىمەت قاراجاتىنان پايدالانۋعا، ءىشىنارا ءمانساپتىلاردىڭ ۇقىقتى ساۋدالاۋىنا، ءمانساپتى ساتۋ مەن ءمانساپتى ساتىپ الۋعا، ءىشىنارا مونوپوليالىق كاسىپورىنداردا ورىن تەۋىپ وتىرعان جوعارى ەڭبەكاقى، جوعارى تۇتىنۋ، جوعارى ماتەريالدىق يگىلىككە، سونداي – اق، ءىشىنارا ورىنداردىڭ «جۇمىسشى – قىزمەتكەرلەرگە ماتەريالدىق يگىلىك تاراتۋ» دەگەن جەلەۋمەن مەملەكەتتىڭ مال – مۇلكىن مەنشىكتەنەتىن شىرىكتەسۋ ارەكەتتەرىنە قارسى تۇرۋ بولىپ، بۇل جۇمىسشى – قىزمەتكەرلەردىڭ قالىپتى ماتەريالدىق يگىلىگىنە قاراتىلماعانىن بىلدىرگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
