- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇمارپازدىقتىڭ قۇيىنا باتپايىق
مەيرانبەك قالياسقار ۇلى
2015.02.13 13:45
_ الگى ەرمەكبايدىڭ ەكىنشى ۇلى تاعى اجىراسپتى، بەتىم ـ اي، سولارعا نە جەتپەي جاتىر دەسەڭشى، ـ دەيدى ءبىر تويدا ساركىدىر تارتقان ايەل دوڭگەلەك ۇستەلدە قاسىنداعى قارا تورى كەلىنشەككە.
_ «كوتەرە الماعان شوقپار باسقا دا، ارتقا دا تيەدى» دەگەن سول، ايتپەسە، ەكەۋى دە ۇكىمەت كادرى ەمەس پە، ـ دەپ ءسوز قىستىرعان قارا تورى كەلىنشەك سويلەپ كەتتى.
_ كەلىنشەگىندە كىنا جوق، وتباسى، بالا دەپ قۇراق ۇشقانىنان باسقا ونىڭ نە جازىعى بار، باياعى ونىڭ تاماشا وتباسىن ويران ەتكەن تاعى سول قۇمارپازدىق پەن كۇيەۋىنىڭ ورىنسىز ويىن ـ كۇلكىسى عوي، ـ دەپ بارىپ توقتادى.
_ قابات ءۇي ايەلىنە قاراپ، ول دالادا قالىپتى عوي. قازىر زاڭ كەمەلدى ەمەس پە؟ انا ـ بالالاردىڭ ۇقىق ـ مۇددەسىن قورعاۋدى باستى ورىنعا قويعاندىقتان بالادا ايەلىنە قاراپتى، ـ دەپ ءسوز قىستىرا قالدى وڭ بەتىندە ءبيدايداي مەڭى بار اققۋباشا كەلىنشەك الدىنداعى تالەنكەدە تۇرعان جەمىس ـ جيدەكتەرگە قولىن سوزىپ جاتىپ.
سۇيىكتى وقىرمانىم، مەن وسى ءبىر قىسقا ديالوكتاردى نەگە قىستىرىپ وتىر دەپ ويلاپ وتىرعان بولاسىزدار. مەن وسى قىسقا قايىرىمداردان تاعى ءبىر وتباسىنىڭ ويران بولعانىن، ءبىر انانىڭ ءتىرى جەسىر، ءبىر بالانىڭ ءتىرى جەتىم قالعانىن ءبىلدىم.
ەندىگى ءسوز قۇمارپازدىق دەيتىن الاپاتتىڭ ارقانىنا ماتالىپ، قۇيىنا باتقاندار توڭىرەگىندە ازداپ وي وربىتۋدى ءجون ساناپ وتىرعان جايىم بار. حالقىمىز: «ايتۋشى دا ايىپ جوق، تىڭداۋشى عيبىرات السىن» دەگەن ەمەس پە. بۇل كۇندەرى بۇرىن كوپ دۇركىن ايتىلعان، تالاي ـ تالاي ماقالالار جازىلىپ، اق جەم بولعان «اراقكەشتىك» دەيتىن الاپاتتىڭ بەتى قايتىپ، بەرتىنگى جىلداردان بەرى «قۇمارپازدىق» دەيتىن جاڭا ىندەت قالا مەن دالادا جاپپاي ەتەك الدى.
جاقسىلىقتان گورى، پايداسىز، بەرەكەنىڭ بەتىن جىرتىپ، ادامدىقتان ازدىراتىن قايداعى ءبىر قاڭسىقتى تەز قابىلداۋعا ءبىزدىڭ كەيبىر جاستارىمىز ەرەكشە ىسىلعان عوي. سونىمەن، باسقا ۇلتتار الدەقاشان بويىن اۋلاققا سالىپ، قۇمارپازدىقتىڭ زيانىن الدەقاشان تانىپ جەتىپ، قۇمارعا بويدارىن اۋلاق سالعان. «قۇمارپازدىق» دەيتىن قۇردىمىنا قىرىق قۇلاش قۇرىق بويلامايتىن ىرىگەن ىندەت ءبىزدىڭ جاستارىمىزدىڭ كوڭىل كوتەرەتىن، ءبىرىن ـ ءبىرى ىزدەپ ءجۇرىپ اقشا تىگىپ قالتارىستاردا قاربىتىپ قالۋدى كوزدەيتىن ءبىر توپ ويلامسىز جاستارىمىزدىڭ قاتارى كۇن ساناپ مولايىپ، باسىنداعى باسپاناسىن، استىنداعى اۆتوكولىگىن، الدىنداعى ءتورت تۇلىگىن، يەلىگىندەگى جەرىن كەپىلگە قويىپ، ءتىپتى كەيبىرى بانكە قارىزىن قۇمارعا تىگىپ، تاقىر جەرگە وتىرعانىن كوزىمىزبەن كورىپ، جاعامىزدى ۇستاپ، الاپاتتىڭ الىس كەتۋىن تىلەگەن ەدىك. ءبىراق، سول قۇمارپازدىقتىڭ تورىنا شاتىلعان جاستارىمىز قولىنان شىعىپ كەتكەن اقشاسى مەن دۇنيە مۇلكىن قايتارىپ الامىن دەپ جانىن سالا جانتالاسقانىمەن، قۇمعا قۇيعان سۋداي عايىپ «قايتپاسقا» كەتكەن اقشا مەن دۇنيەنىڭ ايلانىپ كەلۋى «ارىستاننىڭ اۋىزىنان، تۇرىكپەننىڭ تۇبىنەن» الۋدان بەتەر ەكەنىن ءبىلىپ، كۇن وتكەن سايىن قۇماردىڭ، قارىزدىڭ قۇيىنا باتا بەرەسىڭ...
بۇرىن سان رەت (وزىمدە بارمىن) قازاقتىڭ تويى كوبەيىپ بىزگە ۇلكەن اپات اكەلدى دەپ ايعايلاعان ەدىك. ارينە، بۇل دا ورىنسىز ايتىلعان ەمەس ـ تى. ءبىز ورىنسىز شاشىلعان، باسى ارتىق تويلارىمىزدىڭ كوبەيگەنىن اشىنا اۋىزعا العان بولاتىنبىز. ەندى ويلاسام، مىنا قۇمارپازدىق قۇردىمعا كەتىرەتىن تراگەديا جولى ەكەن. قۇماردىڭ قۇيىنا باتىپ، وتباسىن ويران ەتىپ، باۋىر ەتى بالاسىن مەن اسىل جارىن تەنتىرەتىپ جۇرگەن ويلامسىز جاستارىمىزعا ايتارىمىز تاعى سول: ەسىڭدى جي ازامات، وتباسىم ويران بولماسىن، ۇرپاعىم ونەگەلى بولسىن دەسەڭ بەرەكەنىڭ بەسىگىن شايقالتپاي، ادامدىق ارىڭا داق سالماي، ۇلتىڭنىڭ نامىسىن، اتا ـ اناڭنىڭ تابىسىن اياعىڭا تاپتاماي، ادالدىقپەن، تابان ەت ماڭداي تەرىڭمەن نۇرلى بولاشاعىڭدى تابا ءبىل دەگىمىز كەلەدى ءسوز سوڭىندا.
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
