- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىر ءىش جەيدەنى 30 جىل كيگەن «ۇنەمشىلدىك ۇلگىسى» ءبىر جولدا ميلليون يۋان پارا العان
2015.04.10 13:53 كەلۋ قاينارى : حالىق تورابى
ول كەدەي وتباسىندا تۋىلعان، تۇرمىستا وتە ۇنەمشىل، ۇنەمشىلدىگى سول، ءبىر ءىش جەيدەنى 30 جىل كيسە دە ۇستىنەن تاستاۋعا قيماعان، سويتە تۇرا، ءبىر جولدا ميلليون يۋان سىرىڭكەلىكتى قالتاسىنا سالعان.
ول ادامنىڭ ەسىمى ساۋ پەي – ۋ، 58 جاستا، بۇرىن شينجياڭ تۇرپان ايماقتىق سۋ يگىلىگى مەكەمەسىنىڭ باستىعى، ايماقتىق پارتكوم حاتشىلار باستىعىنىڭ ورىنباسارى، ايماقتىق دۇنيە جۇزىلىك بانكەدەن قارىز اقشا الۋ وبيەكتىسىن اتقارۋ كەڭسەسىنىڭ مەڭگەرۋشىسى بولعان.
بيىل 25 – ناۋرىزدا فۋكاڭ قالالىق حالىق سوتى پارا الۋ قىلمىسى بويىنشا ساۋ پەي – ۋدى 10 جىلدىق مەرزىمدى قاماق جازاسىنا ۇكىم ەتتى ءارى وعان 100 مىڭ يۋان اقشالاي ايىپ سالدى. ساۋ پەي – ۋ قىلمىسىن مويىنداپ، جوعارىلاپ ارىزدانبايتىنىن ءبىلدىردى.
كەدەي وتباسىندا تۋىلىپ، ەڭبەگىمەن كوزگە تۇسكەن، تۇرمىستا اسا ۇنەمشىل، ەجەلدەن بەرى ەت جەمەيدى
2014 – جىلى تامىزدا شينجياڭ فۋكاڭ قالالىق حالىق پروكۋراتۋراسىنىڭ قياناتشىلدىققا قارسى تۇرۋ مەكەمەسى تۇرپان ايماقتىق دۇنيە جۇزىلىك بانكەدەن قارىز اقشا الۋ وبيەكتىسىن اتقارۋ كەڭسەسىنىڭ مەڭگەرۋشىسى، ايماقتىق سۋ ىستەرى مەكەمەسىنىڭ باستىعى ساۋ پەي – ۋدىڭ پارا الۋ قىلمىسى تۋرالى سانجى وبلىستىق پروكۋراتۋرا بەرگەن ءجىپ ۇشتارىن تاپسىرىپ الادى. سول جىلى 3 – قىركۇيەكتە ساۋ پەي – ۋدى پارا الۋ قىلمىسى بويىنشا قولعا الۋ بەكىتىلەدى. تەكسەرۋ ناتيجەسىنە قاراعاندا، ساۋ پەي – ۋ قىزمەت قولايلىلىعىنان پايدالانىپ، 2 ميلليون 510 مىڭ يۋان پارا العان بيىل اقپان ايىنا دەيىن ونىڭ پاراعا العان ءبىر ميلليون 940 مىڭ يۋان اقشاسى قايتارىپ الىندى.
فۋكاڭ قالالىق پروكۋراتۋرانىڭ قياناتشىلدىققا قارسى تۇرۋ مەكەمەسىنىڭ باستىعى جاڭ لۋدىڭ ايتۋىنشا، تەكسەرۋ بارىسىندا ساۋ پەي – ۋدىڭ تۇرمىستا توتەنشە ۇنەمشىل ادام ەكەنىن بايقاعان، ۇستىندەگى ءىش جەيدەسىن ول جاڭا قىزمەتكە قاتىناسقان كەزدە العان، 30 جىل بويى ۇستىنەن تاستاماعان، ادەتتە ءۇش ۋاقىت وتە قاراپايىم تاماقتانادى، مۇلدە ەت جەمەيدى ەكەن.
ساۋ پەي – ۋدىڭ ايتۋىنشا، ول شانشيدىڭ يۇيلين قالاسىنداعى كەدەي ديقان وتباسىندا ومىرگە كەلگەن، اپەكەلى – ءىنىلى 7 اعايىندى، ول ۇلدىڭ ۇلكەنى، بالا كۇنگى تۇلكى قۇرساق كەزدەرى ەسىنەن كەتپەستەي ورناعان. كەيىن ول اپەكەسىنە ارقا سۇيەپ، تۇرپان ايماعىنداعى بەلگىلى اۋىل شارۋاشىلىق الاڭىنا كەلىپ ءوندىرىس اترەتىندە جۇمىس ىستەگەن، سول كەزدە ۇنەمى جانىنان كىتاپتى تاستامايتىن، قولى بوساي قالسا بولدى كىتاپقا ۇڭىلەتىن.
1978 – جىلى جوعارى مەكتەپ ەمتيحانىنا قاتىناسقاندا، ساۋ پەي – ۋ سانجى اۋىل شارۋاشىلىق مەكتەبىنىڭ سۋ يگىلىگى كلاسىنا تىزىمدەلگەن ءارى ەمتيحاندا ءبىرىنشى بولىپ مەكتەپكە قابىلدانعان. وقۋ تاۋىسقاننان كەيىن ول تۇرپان اۋداندىق سۋ يگىلىگى مەكەمەسىنە قىزمەتكە بولىنگەن، قاراپايىم تەحنيكتەن 1990 – جىلى مەكەمە باستىعىنىڭ ورىنباسار بولسا، ءبىر جىلدان سوڭ مەكەمەنىڭ باستىعى بولىپ تاعايىندالعان. سودان كەيىن 4 جىلعا جەتپەيتىن ۋاقىت ىشىندە ول ايماقتىق سۋ يگىلىگى مەكەمەسى باستىعىنىڭ ورىنباسارى لاۋازىمىنا يە بولعان، تاعى ءتورت جىل ىشىندە ايماقتىق سۋ يگىلىگى مەكەمەسىنىڭ باستىعى بولىپ مىندەت وتەگەن، كەيىن ايماقتىق پارتكوم حاتشىلار باستىعىنىڭ ورىنباسارى جانە تۇرپان ايماقتىق دۇنيە جۇزىلىك بانكەدەن قارىز الۋ وبيەكتىسىن اتقارۋ كەڭسەسىنىڭ مەڭگەرۋشى سىندى مىندەتتەردى قوسىمشا اتقارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
