ورتالىق ءتارتىپ تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 8 ماسەلەنى جاريالادى
2018.02.09 15:58 كەلۋ قاينارى : حالىق تورابى
«حالىق گازەتى»، 8 – اقپان، بەيجيڭ (ءتىلشى جياڭ جيە). ورتالىق ءتارتىپ تەكسەرۋ كوميتەتى تاياۋدا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 8 ماسەلەنى جاريالادى. بۇل ماسەلەلەلەر تومەندەگىلەر:
مەملەكەتتىك پوچتا مەكەمەسىنىڭ پارتگرۋپپا مۇشەسى، ورىنباسار مەكەمە باستىعى ليۋ جۇن قاتارلىلاردىڭ باسقارۋشى، قىزمەت وتەۋشى كاسىپورىنداردىڭ قوناعاسىلارىنا قاتىناسۋ، تارتۋلارىن قابىلداۋ ماسەلەسى.
قوعام حاۋىپسىزدىگى مينيسترلىگى كەڭسەسى ساناق باسقارماسىنىڭ بۇرىنعى ورىنباسار باسقارما باستىعى پىڭ كىنىڭ ۇكىمەت ءىسىن ءادىل جۇرگىزۋگە ىقپال جەتكىزۋى مۇمكىن بولعان ساياحات ورنالاستىرۋىن قابىلداۋ، جەكەلەردىڭ كوڭىل اشۋ ورىندارىنا بەلگىلەمەگە قايشى كەلىپ بارۋ سياقتى ماسەلەلەرى.
فۋجيان ولكەلىك ۇكىمەتتىڭ قارجىلاندىرۋ نىسانىن باعالاۋ ورتالىعىنىڭ بۇرىنعى پارتگرۋپپا مۇشەسى، باس ەكونوميسى جىڭ ليڭنىڭ تەكسەرىپ – زەرتتەۋ ورايىنان پايدالانىپ ۇكىمەت اقشاسىمەن ساياحاتتاۋ ماسەلەسى.
چۇڭچيڭ قالاسى چيجياڭ رايونى اۋىل شارۋاشىلىق كوميتەتىنىڭ ورىنباسار مەڭگەرۋشىسى جاڭ زايبين قاتارلىلاردىڭ قىزمەت كۇنىندەگى تۇسكى دەمالىستا بەلگىلەمەگە قايشى كەلىپ اراق ءىشۋ، جۋانتاڭ قالاشىق پارتكومنىڭ ورىنباسار شۋجيى ۋ گاۋچياڭ قاتارلىلاردىڭ ۇكىمەت قىزمەتىندە بەلگىلەمەگە قايشى كەلىپ قوناق قابىلداۋ ماسەلەسى.
سانشي ولكەسى ۋ - شياڭ اۋداندىق حالىق قۇرىلتايى تۇراقتى كوميتەتىنىڭ بۇرىنعى پارتگرۋپپا شۋجيى، مەڭگەرۋشىسى حاۋ بيڭحۇڭنىڭ ۇلىنىڭ ۇيلەنۋ تويىنان پايدالانىپ داۋلەت جيۋ ماسەلەسى.
يۇننان ولكەسى ياۋ – ان اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋ دۇڭ قاتارلىلاردىڭ بەلگىلەمەگە قايشى كەلىپ ۇكىمەت اقشاسىمەن ءىشىپ – جەۋ ماسەلەسى.
جۇڭگو پوچتا امانات بانكەسى جىجياڭ ولكەلىك بولىمشە بانكەسى كەڭسەسىنىڭ بۇرىنعى مەڭگەرۋشىسى جاۋ شياۋحۇڭ قاتارلىلاردىڭ بەلگىلەمەگە قايشى كەلىپ ۇكىمەت اقشاسىمەن قىمبات اق اراق ساتىپ الۋ ماسەلەسى.
لياۋنيڭ ولكەسى داليان قالاسى قۇبىر سۋى توبى قۇبىر تورابىن تەكسەرۋ شەكتى سەرىكتىگىنىڭ باس القاسى شيا جۇننىڭ ءىسساپارعا شىعۋ ورايىنان پايدالانىپ ساياحاتتاۋ سياقتى ماسەلەلەرى.
ورتالىق ءتارتىپ تەكسەرۋ كوميتەتىنىڭ قاتىستى جاۋاپتىسى مىنالاردى اتاپ كورسەتتى: جوعارىدا اتالعان 8 ماسەلە ءارى پارتيا، ۇكىمەت ورگاندارىنا، ءارى كاسىپورىن، ءىسورىندارعا سايادى، وندا جاڭا ماسەلە، جاڭا قۇبىلىس تا بار، جاڭا بەتالىس، جاڭا بەينە دە بار، ونىڭ ۇستىنە مەرەكە، دەمالىس كۇندەرى اعىمعا قارسى كەلىپ، تارتىپكە قايشىلىق جاساۋ جايتتەرى دە بار، مۇنىڭ ءوزى «ءتورت بۇرىس ستيلدەگى» توڭمويىندىق، قايتالانبالىق ەرەكشەلىكتى، قايتا تۋىندايتىن كومەسكى قاتەرگە نەمقۇرايدى قاراۋعا بولمايتىنىن، ستيل قۇرىلىسىنىڭ ماڭگى جالعاساتىنىن تاعى ءبىر رەت ۇعىندىردى. ءار دارەجەلى باسشى كادرلار وسىدان تەرەڭ ساباق الىپ، ۇنەمدى، تەجەمدى بولۋعا دەن قويىپ، ستيلدى جاقسارتۋدى پارتيالىلىق جاقتان تاربيەلەنۋدى كۇشەيتىپ، پارتيالىلىق جاقتان شىنىعۋداعى ناقتى ارەكەتكە اينالدىرىپ، وزىندىك ساقتىق قۋاتىن ۇزدىكسىز نىعايتىپ، پارتيانىڭ تاماشا ءداستۇرى مەن ستيلىن كوكەيگە ۇيالاتىپ، ارەكەتتە بەينەلەپ، كۇندەلىكتى داعدىعا جانە سانالىلىقتىڭ نەگىزىنە اينالدىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
