تەمپەراتۋرا كۇرت تومەندەگەندە جۇقپالى تۇماۋدان قالاي ساقتانۋ كەرەك
جي شىيۇي
2019.11.14 14:29 كەلۋ قاينارى : حالىق تورابى
قىلىشىن سۇيرەتىپ قىس كەلگەن سوڭ، تەمپەراتۋرا سان قۇبىلىپ، جۇقپالى تۇماۋدىڭ تارالۋى جيىلەيدى. ەندەشە، جۇقپالى تۇماۋدان قالاي ساقتانۋىمىز كەرەك؟ جاي تۇماۋ مەن جۇقپالى تۇماۋدىڭ پارقى قانداي؟ بۇگىن سىزگە ءتۇسىندىرىپ وتەمىز.
جۇقپالىق تۇماۋدان ساقتانۋدا التى ءتۇرلى ساقتىق شاراسىن ىستەۋ كەرەك. بىرىنشىدەن، جۇقپالى تۇماۋ ۆاكسيناسىن سالدىرۋ كەرەك. جۇقپالى تۇماۋ ۆيروسىنىڭ ەڭ كورنەكتى ەرەكشەلىگى — وڭاي وزگەرىسكە ۇشىرايتىندىعى، جۇقپالى تۇماۋ ۆاكسيناسىن جىلىنا سالدىرىپ وتىرۋ كەرەك، جۇقپالى تۇماۋ ۆاكسيناسى ادام دەنەسىن جۇقپالى تۇماۋدان %70كە دەيىن قورعاپ، جۇقپالى تۇماۋدىڭ تارالۋىن ءونىمدى تۇردە تەجەيدى؛ ەكىنشىدەن، بولمە ىشىندەگى اۋانى ۇنەمى الماستىرىپ، اۋا الماسۋى ناشار ورىنعا نەمەسە ادام سىعىلىسقان ورىنعا بارۋدان ساقتانۋ كەرەك؛ ۇشىنشىدەن، ءبىرقالىپتى ازىقتانۋعا، سۋدى كوپ ىشۋگە كوڭىل ءبولىپ، مەرزىم سايىن دەنە شىنىقتىرىپ، دەمالىسقا كوڭىل ءبولىپ، دەنەنىڭ قارسىلىق قۋاتىن كۇشەيتۋ كەرەك؛ تورتىنشىدەن، بەتتى، اۋىزدى، مۇرىندى تازالاپ جۋىپ، ۇنەمى تازا ۇستاپ، جۇعىمدالۋ مۇمكىندىگىن ازايتۋ كەرەك؛ بەسىنشىدەن، جۇقپالى تۇماۋ تارالعان ماۋسىمدا ادام كوپ جيىلعان الەۋمەتتىك ورىنعا بارۋدان ساق بولۋ، قاجەت بولعان كەزدە ماسكا تاعۋ ءارى ۇنەمى الماستىرىپ تۇرۋ كەرەك، التىنشىدان، ۇنەمى قول جۋۋ كەرەك، قول جۋۋ — ۆيروستىڭ تارالۋىنان ساقتانۋدىڭ وتە ماڭىزدى تاسىلدەرىنىڭ ءبىرى.
ەندەشە، ادەتتە ءبىز جاي تۇماۋ مەن جۇقپالى تۇماۋدى قالاي پارىقتاۋىمىز كەرەك؟ ادەتتەگى جاعدايدا، جاي تۇماۋ مەن جۇقپالى تۇماۋدىڭ ەكەۋىندە دە مۇرىن ءبىتۋ، جوتەلۋ، جۇتقىنشاعى ءىسۋ، دەنە تەمپەراتۋراسى جوعارىلاۋ قاتارلى اۋرۋ بەلگىلەرى بولادى، جاي تۇماۋدىڭ بەلگىلەرى، نەگىزىنەن، مۇرىن، جۇتقىنشاق، كومەكەي قاتارلى ورىنداردا بايقالادى، جاسىرىن كەزەڭى ءبىرشاما قىسقا بولىپ، اۋرۋ شۇعىل بولمايدى. ادەتتە، دەنە قىزۋى ورلەمەيدى ءارى تۇماۋ بەلگىلەرى بۇكىل دەنەگە جايىلمايدى، نەمەسە، دەنە بولىمسىز قىزىپ، باس اۋىرادى؛ ال، جۇقپالى تۇماۋدىڭ جاسىرىن مەزگىلى 1 – 3 كۇن بولىپ، اۋرۋ شۇعىل بايقالادى، بۇكىل دەنەدەگى اۋرۋ بەلگىلەرى ءبىرشاما اۋىر بولادى، مىسالى، باس اۋرۋ، دەنەسى سىزداپ اۋرۋ، دارمەنسىزدەنۋ قاتارلىلار. جۇقپالى تۇماۋمەن بىرگە قوسىمشا سىرقاتتار دا بايقالادى، مىسالى، وكپە قابىنۋ، جۇرەك بۇلشىق ەتىنىڭ ۆيروس سيپاتىندىق قابىنۋى قاتارلىلار، جۇقپالى تۇماۋ جاي تۇماۋعا قاراعاندا الدە قايدا «سالماقتى» بولادى.
جۇقپالى تۇماۋعا شالدىققان سوڭ قالاي ەمدەۋ كەرەك؟ ەڭ ءبىرىنشى تالعام، ەمحاناعا بارۋ ءارى شيپاگەردىڭ كەڭەسى بويىنشا ەمدەلۋ كەرەك. مۇنان سىرت، ادەتتەگى تۇرمىستا بىرنەشە تۇيىنگە نازار اۋدارۋىمىز قاجەت. بىرىنشىدەن، جۇقپالى تۇماۋعا شالدىققان ادام ويداعىداي دەمالۋى كەرەك، قاتتى شارشاۋىنا بولمايدى، دەمالاتىن جاقسى ورتا جاراتۋ كەرەك. ەكىنشىدەن، سۋدى كوبىرەك ءىشۋ كەرەك، وتە مايلى نەمەسە وڭاي قورىتىلمايتىن تاماق جەمەۋ كەرەك، سۇيىق نەمەسە جارتىلاي سۇيىق تاماق جەپ، كوبىرەك ۆيتامين C تولىقتاۋ كەرەك. ۇشىنشىدەن، ءۇيدىڭ اۋاسىن الماستىرۋعا كوڭىل ءبولۋ كەرەك، وسىلاي بولعاندا، جۇقپالى تۇماۋعا شالدىققانداردىڭ تەزىرەك ساۋىعۋىنا ءتيىمدى بولىپ قالماستان، تۇماۋ تيمەگەن ادامدارعا دا بەلگىلى مولشەردە ساقتىق رولىن اتقارادى. ەگەر وتباسىندا جۇقپالى تۇماۋعا شالدىققان ادام بولسا، تۇماۋ تيمەگەندەر قولىن ۇنەمى جۋىپ، ۇنەمى ديزەنفەكسيالاۋى، تۇماۋ تيگەندەر پايدالانعان قاعازدى ساقتىقپەن ءبىرجاقتى ەتۋ كەرەك، قاعازدى سۋلياۋعا مىقتاپ وراپ، ونان سوڭ لاقتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
