قانت قوسىلعان ازىقتىقتىڭ زيانى ەرەكشە كۇشتى، الەمدىك دەنساۋلىق ساقتاۋ ۇيىمى مىنانداي پىكىردى ورتاعا قويدى:
ءۇش جاسقا تولماعان بالالاردىڭ ازىقتىعىنا قانت قوسۋعا تيىم سالۋ كەرەك
ميڭ ۋىن
2020.08.06 16:24 كەلۋ قاينارى : حالىق تورابى
ءتاتتى ءدام بالانىڭ ەڭ جاقسى كورەتىن ءدامى، دەسە دە، دەنساۋلىق ءۇشىن اتا - انالار بالانىڭ ءىشىپ - جەمىن مىقتى ۇستاۋى كەرەك. 7 – ايدىڭ 15 – كۇنى الەمدىك دەنساۋلىق ساقتاۋ ۇيىمى جاريالاعان تەكسەرۋ مالىمەتىندە بىلاي دەلىنگەن: ولار 2016 - جىلدان 2017 - جىلعا دەيىن ۇلى بريتانيا، دانيا، يسپانيانىڭ قالالارىنداعى بوبەكتەر ازىق - تۇلىگىنەن ۇلگى الىپ تەكسەرگەن، تەكسەرۋ بارىسىندا، ءبىر ءبولىم ازىق – تۇلىك وندىرەتىن ساۋداگەرلەردىڭ ازىق - تۇلىككە جانشىلعان جەمىس سياقتىلاردى قوسىپ، قانت قۇرامىن ارتتىرعانىن بايقاعان. ەگەر ۇنەمى وسى تاعامداردى تۇتىنسا، نارەستەدە تىسىنە قانقۇرت ءتۇسۋ، سەمىرۋ، سياقتى كوپ ءتۇرلى دەنساۋلىققا زياندى جاعدايلار تۋىلادى، ازىق – تۇلىك وندىرەتىن ساۋداگەرلەردىڭ 3 جاستان تومەنگى بالالارعا ارنالعان ازىق - تۇلىكتەرگە قانت قوسۋىنا تيىم سالۋدى ۇسىنىس ەتتى.
بۇل رەتكى قانتتى شەكتەۋ ارەكەتى تۇڭعىش رەت بولىپ وتىرعان جوق. 2015 ـ جىلى الەمدىك دەنساۋلىق ساقتاۋ ۇيىمى «ەرەسەكتەر مەن بالالاردىڭ قانت ءسىمىرۋ مولشەرى جەتەكشىسىندە» ادامدارعا قانتتىڭ ءسىمىرىلۋ مولشەرىن ءومىر بويى شەكتەۋدى ۇسىنىس ەتكەن، ال، بۇل جولى 3 جاسقا تولماعان بالالاردى قانت قانتتان شەكتەپ وتىر، مۇنداعى باستى سەبەپ قانت وسى جاس شاماسىنداعى بالالاردىڭ دەنساۋلىعىنا ءتىپتى دە زور ىقپال جاسايدى. الەمدىك دەنساۋلىق ساقتاۋ ۇيىمى ازىق - تۇلىك وندىرەتىن ساۋداگەرلەردىڭ نارەستەلەردىڭ ازىق - تۇلىگىنە قانت نەمەسە ءتاتتى دامدەندىرگىشتەردى قوسپاۋىن ۇسىنىس ەتتى، ەگەر قۇرامىندا قانت نەمەسە جەمىس شىرىنى سياقتى قانت قۇرامى بار سۋسىندىقتار بولسا ءسوزسىز بەلگى جاپسىرىپ، ونىڭ 3 جاستان تومەنگى بالالارعا ۇيلەسپەيتىندىگىن ەسكەرتۋ كەرەك. الەمدىك دەنساۋلىق ساقتاۋ ۇيىمى بالالاردىڭ ازىق - تۇلىگىنە قاراتقان جەتەكشىلىكتى جاڭالاپ، مۇشە ەلدەردىڭ وسىنى پايدالانىپ زاڭ شىعارۋىنا مۇمكىندىك جاساپ، بالالاردىڭ شەكتەن تىس ارتىق قانت قۇرامىن سىمىرۋىنەن ساقتاندىرادى.
ەندەشە، قانت قۇرامدى ازىق - تۇلىكتەر بوبەكتەردىڭ دەنساۋلىعىنا قانداي زيان سالادى ؟
1. تىسىنە قانقۇرت تۇسەدى. جۇڭگو – جاپونيا دوستىق شيپاحاناسى اۋىز قۋىسى مەديتسينا ورتالىعىنىڭ مەڭگەرۋشىسى شۇي باۋحۋا بىلاي دەپ تانىستىردى: 3 جاستان تومەنگى بالالاردىڭ ءتىسى ءسۇت تىسكە جاتادى، ءسۇت ءتىستىڭ دەمينەراليزاتسيالانۋ (ءتىس كىرەۋكەسىندەگى كالتسي، فوسفوردىڭ ءتۇسۋى) دارەجەسى ءبىرشاما تومەن بولادى. ءتاتتى تاعامدار اۋىز قۋىسىنا كىرگەننەن كەيىن، باكتەريا زات الماستىرۋ ارقىلى قانت قىشقىلىن شىعارادى، ال قىشقىل ءتىستىڭ دەمينەراليزاتسيالانۋ كەلتىرىپ شىعارىپ، قانقۇرت قۋىسىن قالىپتاستىرادى.
2. تاماق تالعاۋعا، قورەكتىك جەتىسپەۋشىلىككە اپارىپ سوعادى. ءتاتتى ءدام ۇلكەن ميدىڭ دوفامين ءبولىپ شىعارۋىنا تۇرتكى بولىپ، ادامداردىڭ ءدام تۇينەگىن تاماشا سەزىمگە بولەيدى. 3 جاسقا تولماعان بالالاردىڭ ءدامدى سەزىنۋ تۇيسىگى دامۋ، جەتىلۋ كەزەڭىندە بولعاندىقتان، ءتاتتى دامىنەن اۋىز تيگەننەن كەيىن «كوڭىلدى سەزىنەدى» دە، بارا - بارا باسقا ءتاتتى ءدامى جوق تاعامدارعا قىزىقپايتىن بولادى. ۋاقىت ۇزارعاننان كەيىن، بالالار تاماق تالعاپ، قورەكتىك جەتىسپەۋشىلىك جاعدايى كەلىپ شىعادى.
3. وڭاي سەمىرەدى. ءتاتتى تاعامداردى كوپ جەگەننەن كەيىن بالالار سەمىرەدى، ەگەر ۋاعىندا شەكتەلمەسە، بالالاردا ەرجەتكەننەن كەيىن سەمىزدىك، قانتتى نەسەپ اۋرۋى قاتارلى زات الماسۋ اۋرۋىنىڭ تۋىلۋ قاتەرى باسقالاردان جوعارى بولادى.
4. الىستان كورمەۋ جاعدايى تۋىلادى. ءتاتتى تاعامداردى تەجەۋسىز تۇتىنسا، قانداعى كالتسيدىڭ قويۋلىعى تومەندەيدى، كوز تور قابىعىنىڭ سەرپىمدىلىك كۇشى السىرەپ، كوز الماسىنىڭ جەتىلۋىنە ىقپال جاساپ، الىستان كورە الماۋ سالىستىرماسىن بىرتىندەپ ارتتىرادى.
5. ومىرلىك تاماقتانۋ ادەتىنە ىقپال جاسايدى. ءتاتتى تاعامداردى تىم كوپ تۇتىنسا، بالالاردىڭ اسقا تابەتىن شەكتەپ، بالا ءومىر بويى قانتقا يەك سۇيەيتىن بولادى. ازىق - تۇلىكتىڭ بىركەلكى بولماۋىن كەلتىرىپ شىعارىپ، دەنەنىڭ جەتىلۋى مەن اقىل - پاراساتتىڭ جەتىلۋىنە ىقپال جاسايدى، بالانىڭ اقاۋسىز تاماقتانۋ ادەتىن بۇزىپ، كوپتەگەن الدىن – الۋعا بولمايتىن ماسەلەلەر تۋىندايدى.
«ادامنىڭ بالا كەزدەگى ادەتى ٶمىر بويى وزگەرمەۋى مۇمكىن،»
ازاتتىق ارميا باس شيپاحاناسى 3 ـ مەديتسينا ورتالىعىنىڭ مەڭگەرۋشىسى، حورەكتىك شيپاگەرى ليۋ چيڭچۇن بىلاي دەدى: بالالاردىڭ نارەستە كەزى قاتىقسىز تاماقتانۋ ادەتىن جەتىلدىرۋدىڭ ماڭىزدى ساتىسى، قانت قوسپاۋ، دامدەندىرگىشتى از قوسۋ بالانىڭ دەنساۋلىعىنا پايدالى بولىپ قالماستان، ولاردىڭ ۇقساماعان تابيعي ازىقتىقتاردىڭ ءدامىن قابىلداۋ دەڭگەيىن جوعارىلاتۋعا پايدالى، سول ارقىلى تاماق تالعاۋ حاۋىپ - قاتەرىن تومەندەتەدى.
ليۋ چيڭچۇن مىناداي ۇسىنىس بەردى: ءۇش جاستان تومەنگى بالالارعا تاماق ىستەگەن كەزدە اتا - انالار مۇمكىندىكتىڭ بارىنشا اۋەلگى ءدامىن ساقتاۋى كەرەك، از مولشەردە وسىمدىك مايىن قوسۋدان سىرت، ەڭ جاقسىسى تۇز، قانت جانە دامدەندىرگىشتەردى ازىراق قوسۋ كەرەك. قوسىمشا ازىقتىققا لايىقتى مولشەردە تالشىقتى جەمەكتىكتەردى قوسسا بولادى، تالشىقتى جەمەكتەر ءتىستىڭ بەتىن تازالاپ، قانقۇرتتىڭ الدىن الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
