ۇيقىنىڭ وسىنشاما كوپ سىرى بار بولعانى ما؟ بۇرىن ساباق جاتتاۋىمنىڭ نەگە اقىرىن بولعانىن ەندى ءبىلدىم
يان حان، دۋان حۇيجياۋ
2020.08.10 14:56 كەلۋ قاينارى : حالىق تورابى
ادام ءومىرىنىڭ شامامەن ۇشتەن ءبىر بولەگى ۇيقىمەن وتەدى، ادامنىڭ ورتاشا عۇمىرى 70 جاس دەپ ەسەپتەسەك، وندا ومىرىمىزدە 23 جىلدى ۇيقىعا ارنايمىز. الايدا، تۇرمىس ريتىمىنىڭ تەزدەۋىنە، قوعامدىق قىسىمنىڭ ۇزدىكسىز ارتۋىنا بايلانىستى، قولفونداعى ويىندار، قىسقا كەسكىن، الەۋمەتتىك قارىم – قاتىناس قيمىلدارى، كوفە قاتارلى ايرىقشا ەلىتكىش فاكتورلار ادامداردىڭ ۇيىقتايتىن ۋاقىتتارىنىڭ ءبىر بولەگىن يەلەنۋدە. دۇنيە جۇزىلىك دەنساۋلىق ساقتاۋ ۇيىمىنىڭ ساندى دەرەكتەرگە تەكسەرۋ جۇرگىزۋىنە قاراعاندا، دۇنيە ءجۇزى بويىنشا %27 ادامنىڭ ۇيقىسىنان كىلتيپان شىققان، جۇڭگودا ۇيقى قاشۋعا شالدىققانداردىڭ مولشەرى %38.2 كە دەيىن جەتكەن. ۇزاق ۋاقىت بويى ۇيقىنىڭ جەتكىلىكسىز بولۋى ادام دەنەسىىنە بارىنشا زياندى، ەندەشە، كىناراتسىز ۇيقى دەگەن نە؟ ۇيقىنىڭ قانداي رولدارى بار؟
ءتىرى ورگانيزمدەر جونىنەن الىپ ايتقاندا، تۇرلىىشە توپتاردىڭ ۇيىقتاۋ ۋاقىتى دا تۇرلىشە بولادى. مىسالى، ازىقتىق تىزبەكتىڭ تومەنگى بولىمىندەگى جىلقى، سيىر سياقتى حايۋاناتتاردىڭ ۇيىقتايتىن ۋاقىتى ءبىرشاما قىسقا بولادى؛ جارعانات كۇنىنە شامامەن 20 ساعاتىن تۇگەل ۇيقىمەن وتكىزەدى؛ ال، ادامزات نەگىزىنەن كۇنىنە 8 ساعاتتاي ۇيىقتاۋى قاجەت؛ جاستارعا قاجەتتى ۇيقى مولشەرى ەرەسەكتەرگە قاراعاندا ءبىر ساعات ارتىق بولادى، شامامەن 9 – 10 ساعات اينالاسىندا بولادى.
ۇيقى ۋاقىتىنىڭ ۇزىن – قىسقالىعى ۇيقىنىڭ ساپاسىنا ۋاكىلدىك ەتپەيدى، ۇيقى پەريودى مەن مەزەتى ۇزدىكسىز وزگەرىستە بولادى. ۇيقىنى زەرتتەۋ ماماندارىنىڭ ادامنىڭ كوز قاراشىعىنىڭ قوزعالىسى ارقىلى باقىلاۋ بارىسىندا بايقاۋىنشا، ۇيقى كوز قاراشىعى تەز قوزعالمايتىن ۇيقى جانە كوز قاراشىعى تەز قوزعالاتىن ۇيقى دەپ بولىنەدى. كوز قاراشىعى تەز قوزعالمايتىن ۇيقى ۇيىقتاي باستاعان مەزگىل، سەرگەك ۇيىقتاۋ مەزگىلى، ورتاشا دارەجەدەگى ۇيىقتاۋ مەزگىلى جانە قانىپ ۇيىقتاۋ مەزگىلى دەپ بولىنەدى. كوز قاراشىعى تەز قوزعالمايتىن جانە كوز قاراشىعى تەز قوزعالاتىن ۇيقى مەزگىلى ءبىرتۇتاس ۇيقى پەريودىن قالىپتاستىرادى. ادام كەشتە ۇيقىعا باس قويعان كەزدە، ۇيقى پەريودى كوز قاراشىعى تەز قوزعالاتىن ۇيقى مەزگىلى مەن كوز قاراشىعى تەز قوزعالمايتىن ۇيقى مەزگىلى ەكەۋىنىڭ 4 – 5 رەت كەزەكپەن اۋىسۋىنان قۇرالادى. ۇيقىنى زەرتتەۋ ماماندارىنىڭ زەرتتەۋ ناتيجەسىنە قاراعاندا، ءتۇس كورۋ كوز قاراشىعى تەز قوزعالاتىن ۇيقى مەزگىلىندە تۋىلادى. تەك كوز قاراشىعى تەز قوزعالمايتىن ۇيقى مەزگىلىندەگى قاتتى ۇيىقتاۋ مەرزىمى عانا قانىپ ۇيىقتاعان ۇيقى ەسەپتەلەدى.
ۇيقىنىڭ نەگىزىنەن ءۇش ءتۇرلى رولى بولادى. بىرىنشىدەن، ۇيقتاۋ بارىسىندا ادام دەنەسى زات الماستىرۋدى ورىندايدى، ۇيقى ارقىلى ەنەرگيانى ۇنەمدەپ، دەنە قۋاتىن ونان ارى قالپىنا كەلتىرەدى؛ ەكىنشىدەن، جەتكىلىكتى ۇيقى باۋىردىڭ ۋىتتى ايداۋىن ىلگەرىلەتۋمەن بىرگە، ادام دەنەسىندە كوپتەگەن انتيدەنەلەردى دە بىرىكتىرىپ، دەنەنىڭ يممۋنيتەت قۋاتىن ارتتىرۋعا كومەكتەسەدى؛ ۇشىنشىدەن، پسيحولوگيا ماماندارىنىڭ بايقاۋىنشا، قىسقا مەزىمدىك ەستە ساقتاۋدىڭ ۇزاق مەرزىمدىك ەستە ساقتاۋعا وزگەرۋى ۇيقى بارىسىندا اتقارىلادى. سوندىقتان، ەگەر كەيبىر بىلىمدەردى ۇيىقتار الدىندا جۇيەلى تۇردە رەتتەيتىن بولساق، ۇيقى ارقىلى بۇل بىلىمدەردى ەستە ساقتاۋدىڭ مۇمكىندىگىن ارتتىرۋعا بولادى.
سۇحبات قابىلداعان مامان: بەيجيڭ دەنە تاربيە داشۋەسى پسيحولوگيا شۋەيۋانىنىڭ دوتسەنتى شاۋ يۇڭسۇڭ
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
