توعىزتاراۋ اۋدانىنىڭ اعارسىن اۋىلىنان تەكەس اۋدانىنا دەيىنگى تاس جول نىسان قۇرىلىسىندا رەسمي جۇمىس باستالدى
2017.05.23 14:38
جۋىقتا مەملەكەت تاس جولى 431 - لەنياسىنىڭ توعىزتاراۋ اۋدانى اعارسىن اۋىلىنان تەكەس اۋدانىنا دەيىنگى تاس جول نىسان قۇرىلىسىندا رەسمي جۇمىس باستالدى. بۇل جول جاسالىپ بولعاننان كەيىن تەكەس اۋداننىڭ قۇجىرتى موڭعۇل ۇلتتىق اۋىلىنان قاراتوعاي اۋىلىنا دەيىنگى 100 مىڭنان استام شارۋانىڭ ءجۇرىپ - تۋرۋىنا وراسان زور قولايلى بولادى. ناقتى ساناققا نەگىزدەلگەندە، وسى جولدىڭ جالپى ۇزىندىعى 73.128 كيلومەتر بولىپ، مۇنىڭ ىشىندە جاڭادان جاسالاتىن جولدىڭ ۇزىندىعى 40 كيلومەتر، قايتادان جاسالاتىن جولدىڭ ۇزىندىعى 33.128 كيلومەترگە جەتىپ، اۋداننىڭ قاتىناس تاسىمال ىستەرىنىڭ اقاۋسىز دامۋىن پارمەندى جەبەيدى ەكەن.
بۇل جونىندە جۇڭگو قاتىناس تاسىمالى 3- ۇشاق تاسىمالى ىستەرى قۇرىلىس مەكەمەسى شەكتى سەرىكتىگىنىڭ نىسان ديرەكتورى حى فىڭ تىلشىگە: «ءبىز قازىر توعىزتاراۋ اۋدانىنان تەكەس اۋدانىنا دەيىنگى تۇتاساتىن تاس جول نىسان قۇرىلىسىن رەسمي باستادىق ءارى بۇل تاس جول نىسان قۇرىلىسى تەكەس اۋدانى جونىنەن العاندا، ءتۇيىندى ءىرى نىسان ءارى توتەنشە ماڭىزدى حالىق تۇرمىسى ينجەنەرياسى سانالادى. سوندىقتان ءبىز باستان - اياق ساپاعا، حاۋىپسىزدىككە كەپىلدىك ەتە وتىرىپ، جەرگىلىكتى ورىنداردىڭ قاتىناس ورنىقتىلىعىن جاقسارتۋ العى شارتى استىندا بەلگىلەنگەن جۇمىس مەرزىمى بويىنشا وسى نىساندى ۋاعىندا ءساتتى تامامداۋعا كۇش سالامىز»، - دەدى.
وسى نىسان قۇرىلىسىنىڭ اتقارىلۋى تەكەس اۋدانىنداعى ءار ۇلت بۇقاراسىنىڭ بەلسەندىلىگىن قوزعاپ، ولارعا زور قۋانىش سيلادى. بۇل جونىندە قۇجىرتى موڭعۇل ۇلتتىق اۋىلىنىڭ تۇرعىنى جي گۋاڭحۋا تىلشىگە: «بۇل تاس جول نىسانىنىڭ جۇمىس باستاۋى ءبىزدى قاباعات قۋانىشقا شومدىردى. بۇرىن ءبىز ءوزىمىز تۇرعان اۋىلدان قاراتوعاي اۋىلىنا تۋىسشىلاي بارۋ ءۇشىن كوپتەگەن ويلى - شۇڭقىر جولدى باسىپ، جول ازابىن تارتىپ، قاتتى قينالاتىنبىز. مىنە، ەندى جول جاساۋ جۇمىسى دا باستالدى، ءبىز بۇدان كەيىن الاڭسىز جۇرەتىن بولدىق، بارىنەن دە ماڭىزدىسى كوپتەن بەرگى اڭساعان ارمانىمىز اقىرى ىسكە اساتىن بولدى»، - دەدى.
وسى مەملەكەت تاس جولى 431 - لەنياسى توعىزتاراۋ اۋدانىنىڭ اعارسىن اۋىلىنىڭ تۋداۋان قىستاعىنان باستالىپ، تەكەس اۋداننىڭ قاراتوعاي قالاشىعى، قارادالا قالاشىعى، تەكەس جىلقى فەرماسى، قۇجىرتى موڭعۇل ۇلتتىق اۋىلى، سونداي - اق اۋدان قالاشىعىنىڭ بەسىنشى ايلانباسىنا دەيىن تۇتاسادى ەكەن. وسى جولدىڭ جالپى ۇزىندىعى 73.128 كيلومەتر بولسا، مۇنىڭ ىشىندە موڭعۇلكۇرە شەكاراسىنا دەيىنگى جول 23.9 كيلومەتر، ال تەكەس اۋدانىنا دەيىنگى جول 49.23 كيلومەتر بولىپ، بۇل نىسان مەجەمەن 30 ايدا تولىعىمەن تامامدالادى ەكەن. وسى تاس جولدىڭ جاسالۋى تەكەس اۋدانىنداعى اۋىل مەن اۋىل اراسىنداعى، قالاشىق پەن قالاشىق اراسىنداعى جول ارالىعىن كورنەكتى قىسقارتىپ، بۇل اۋداننىڭ قاتىناس تاسىمال ىستەرىنىڭ دامۋىندا بەلسەندى رول اتقارادى ەكەن.
بۇل جونىندە اۋداندىق قاتىناس تاسىمالىن باسقارۋ مەكەمەسى ساپانى باقىلاپ- باسقارۋ پۋنكتىنىڭ ورىنباسار باستىعى اسقار تىلشىگە: «بۇل تاس جول تەكەس اۋدانى مەن توعىزتاراۋ اۋدانى جونىنەن العاندا ماڭىزدى مانگە يە، 2- دارەجەلى تاس جول قۇرىلىس نىسانى سانالادى. وسى تاس جولعا جالپى 590 ميلليون يۋان قارجى اجىراتىلدى. بۇل نىسان اياقتاعاننان كەيىن جولدىڭ ناشار بولۋى، جول ارالىعىنىڭ الىس بولۋى سياقتى ماسەلەلەر ءونىمدى شەشىلەدى، بيىل ءبىز ەڭ اۋەلى وسى نىسانعا ساياتىن قاراتوعاي قالاشىعىنىڭ ەشكىلىك تاۋى باۋرايىنداعى وتىرىقتانۋ تۇيىنىنە دەيىنگى 31 كيلومەتر جول بولەگىن كۇن ىلگەرى جاساپ، وسى اۋماقتاعى حالىقتىڭ دەركەزىندە پايدالانۋىنا تاماشا وراي جاراتپاقشىمىز»، - دەدى. ىرىسالى سىلاميا ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
