شي جينپيڭ مەن پىڭ لييۋان بريكس ەلدەرىنىڭ جانە بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ كەڭەس ماجىلىسىنە ۇسىنىس ەتىلگەن ەلدەردىڭ باسشىلارىن جانە ولاردىڭ حانىمدارىن، سيلى قوناقتاردى قارسى الدى
2017.09.06 13:21 كەلۋ قاينارى : شينجياڭ گازەتى
شينحۋا اگەنتتىگىنىڭ 4 - قىركۇيەكتە شيامىننەن بەرگەن حابارى. مەملەكەت ءتوراعاسى شي جينپيڭ مەن حانىمى پىڭ لييۋان 4 - قىركۇيەكتە شيامىن حالىقارالىق ءماجىلىس ورتالىعىندا قوناعاسى بەرىپ، بريكس ەلدەرىنىڭ جانە بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ كەڭەس ماجىلىسىنە ۇسىنىس ەتىلگەن ەلدەردىڭ باسشىلارىن جانە ولاردىڭ حانىمدارىن، سيلى قوناقتاردى قارسى الدى.
قىركۇيەكتىڭ باسىندا شيامىندا تەڭىز سامالى ەسىپ، اعاش جاپىراقتارى جايقالىپ تۇر. شىعىس تەڭىز جاعاسىنا ورنالاسقان شيامىن حالىقارالىق ءماجىلىس ورتالىعىندا مەملەكەت تۋى جەلبىرەپ، گۇل - بايشەشەكتەر قۇلپىرىپ، توڭىرەكتەن كەلگەن قوناقتاردى كۇتۋدە.
كەشكى ساعات 6دان 25 مينۋت مولشەرىندە، بريكس ەلدەرىنىڭ جانە بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ كەڭەس ماجىلىسىنە ۇسىنىس ەتىلگەن ەلدەردىڭ باسشىلارى جانە ولاردىڭ حانىمدارى ىركەس - تىركەس جەتتى. شي جينپيڭ مەن پىڭ لييۋان سيلى قوناقتارمەن ءبىر - بىردەن قول الىسىپ، سالەمدەستى. شي جينپيڭ مەن پىڭ لييۋان ءار ەل باسشىلارىمەن جانە ولاردىڭ حانىمدارىمەن ۇلكەن سيا سۋرەت «دۇنيە جۇزىلىك مادەنيەت مۇراسى − گۋلاڭيۇي» الدىندا سۋرەتكە ءتۇسىپ، ەستەلىك قالدىردى.
شام جايناعان قوناعاسى زالى قادىرلى دوستارعا تولدى. قوناق قارسى الۋدىڭ ويناقى مۋزيكاسى ورىندالىپ، شي جينپيڭ مەن پىڭ لييۋان سيلى قوناقتارمەن بىرگە قوناعاسى زالىنا كىردى.
شي جينپيڭ ءسوز سويلەپ، جۇڭگو ۇكىمەتى مەن جۇڭگو حالقى اتىنان باسشىلار مەن سيلى قوناقتاردى قۇشاق جايا قارسى الاتىندىعىن ءبىلدىردى. شي جينپيڭ بىلاي دەپ اتاپ كورسەتتى: شيامىن − ەكونوميكاسى قارىشتاپ دامىعان، حالقى الاڭسىز تىرشىلىك ەتكەن، سىرتقى قارىم - قاتىناس ءجيى، وسىزاماندانعان، حالىقارالانعان ءىرى قالا، جۇڭگونىڭ سىرتقا ەسىك اشقان تەرەزەسى جانە جاڭالىق اشا دامىعان وشاعى. بۇگىن بريكس ەلدەرىنىڭ جانە بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ كەڭەس ماجىلىسىنە ۇسىنىس ەتىلگەن ەلدەردىڭ باسشىلارى شيامىندا باس قوسىپ، سەلبەستىكتى ورتاق اقىلداسىپ، وسى ءبىر عالامات قالاعا ادەمى اڭگىمە قالدىردى.
شي جينپيڭ بىلاي دەپ اتاپ كورسەتتى: بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ۇلى، قاجىرلى، اقىل - پاراساتتى حالقى بار؛ ولار كەدەيلىكتەن، مەشەۋلىكتەن قۇتىلىپ، باقىتتى تۇرمىس كەشىرۋگە تالپىنعان؛ ادىلدىك پەن تۋراشىلدىققا قول جەتكىزىپ، بەيبىتشىلىك پەن دامۋعا ۇزبەي ۇمتىلىس جاساعان. ارامىز الىس بولعانىمەن، ورتاق ارمان مەن تالپىنىس ءبىزدى جاقسى دوس، جاقسى سەرىك ەتتى. بازارى جاڭادان گۇلدەنگەن ەلدەر مەن دامۋ ۇستىندەگى ەلدەر جونىنەن العاندا، ءبىر جاعادان باس، ءبىر جەڭنەن قول شىعارىپ، ءوزارا قايىرىمدىلىق جاساپ، قول ۇستاسا ىلگەرى تارتساق، ءتىپتى كوپ «سارى توپىراقتى التىنعا اينالدىرۋداي» دامۋ حيكمەتتەرىن جاساپ، حالقىمىزدى باردام تۇرمىسقا كەنەلتە الامىز.
شي جينپيڭ مىنانى باسا دارىپتەدى: بۇگىن بريكس ەلدەرى باسشىلارىنىڭ شيامىنداعى كەزدەسۋى ءساتتى ءوتتى، ناتيجەسى سۇبەلى بولدى. ەرتەڭ ءبىز تاعى بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ كەڭەس ءماجىلىسىن وتكىزىپ، حالىقارالىق دامۋ سەلبەستىك جوسپارىن اقىلداسامىز. شيامىنداعى كەزدەسۋدىڭ تىڭ سەلبەستىك ەسىگىن، دامۋ ەسىگىن اشىپ، بريكس ەلدەرى سەلبەستىگىنىڭ ەكىنشى «التىن 10 جىلدىعىن» قارسى الىپ، بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ نۇرلى بولاشاعىن باستاۋدى ءۇمىت ەتەمىن.
قوناعاسىدان كەيىن شي جينپيڭ مەن پىڭ لييۋان سيلى قوناقتارمەن بىرگە ميننان ۇلكەن تەاترحاناسىنا بارىپ، «بولاشاققا جەلكەن جايۋ» تاقىرىبىنداعى كوركەمونەر ساۋىق كەشىن تاماشالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
