رايونىمىزداعى قالالاردىڭ تامىز ايىنداعى اۋا ساپاسى تۇڭعىش رەت شىلدە ايىنداعىدان جاقسى بولدى
2017.09.12 10:55 كەلۋ قاينارى : شينجياڭ گازەتى
اۆتونوميالى رايوندىق قورشاعان ورتانى قورعاۋ مەڭگەرمەسىنەن ۇعىسۋىمىزشا، رايونىمىزداعى قالالاردىڭ تامىز ايىنداعى اۋا ساپاسى جاقسى كۇن سانى شىلدە ايىنداعىدان %1.7 ارتىپ،PM10، 5.PM2تىڭ ايلىق ورتاشا قويۋلىعى شىلدە ايىنداعىدان جەكە - جەكە %2.6 جانە %7.7 ازايىپ، اۋا ساپاسى شىلدە ايىنداعىدان جاقسارا تۇسكەن.
بۇرىنعى جىلدارداعى تەكسەرۋ - ولشەۋ ناتيجەلەرىنە نەگىزدەلگەندە، رايونىمىزدىڭ شىلدە ايىنداعى اۋا ساپاسى تۇتاس جىل بويىنشا ەڭ جاقسى بولىپ، شىلدە ايىنان كەيىن اۋا ساپاسى ناشارلاي باستايدى ەكەن. بيىل رايونىمىزداعى قالالاردىڭ تامىز ايىنداعى اۋا ساپاسى شىلدە ايىنداعىدان جاقسى بولۋداي جاعداي تۇڭعىش رەت جارىققا شىققان. ەلىمىزدەگى قورشاعان ورتانى قورعاۋداعى 74 ءتۇيىندى قالانىڭ اۋا ساپاسىن رەتكە تۇرعىزعاندا ءۇرىمجى قالاسى 30 - ورىندى يەلەپ، بىلتىرعى سول تۇستاعىدان 20 قاتار العا ءوتىپ، شىلدە ايىنداعىدان 5 قاتار العا وتكەن.
ۇعىسۋعا قاراعاندا، بيىل تامىز ايىندا رايونىمىزدىڭ اۋا رايى شارت - جاعدايى تىم ءتيىمدى بولماعان. سولتۇستىك شينجياڭدا ءبىر رەت وڭىرلىك شاڭ - توزاڭدى اۋا رايى بولعان، وڭتۇستىك شينجياڭدا ءبىر رەت وڭىرلىك جانە 4 رەت ءىشىنارا وڭىرلىك شاڭ - توزاڭدى اۋا رايى بولىپ، شاڭ - توزاڭدى اۋا رايىنىڭ تۋىلۋ رەت سانى بيىل شىلدەگىدەن، سونداي - اق بىلتىرعى سول تۇستاعىدان كورنەكتى ارتقان. وسىلاي بولا تۇرسا دا، سولتۇستىك شينجياڭداعى 12 قالانىڭ اۋا ساپاسى جاقسى كۇن سانى شىلدە ايىنداعىدان %3.9 ارتقان، PM10،5.PM2تىڭ ايلىق ورتاشا قويۋلىعى شىلدە ايىنداعىدان جەكە - جەكە %10.0 جانە %11.1 ارتقان؛ وڭتۇستىك شينجياڭ مەن شىعىس شينجياڭداعى 7 قالانىڭ اۋا ساپاسى جاقسى كۇن سانى شىلدە ايىنداعىدان %2.4 ازايعان، PM10نىڭ ايلىق ورتاشا قويۋلىعى %2.4 ارتقان، 5.PM2تىڭ ايلىق ورتاشا قويۋلىعى شىلدە ايىنداعىدان %2.6 ازايعان.
تانىستىرۋعا قاراعاندا، قورشاعان ورتانى قورعاۋ مينيسترلىگى تاراتقان «شاڭ - توزاڭدى اۋا رايىنىڭ ىقپالىنا ۇشىرايتىن قالالاردىڭ اۋا ساپاسىن باعالاۋدىڭ تولىقتاما بەلگىلەمەسىنە» (قورشاعان ورتانى قورعاۋ كەڭسەسى باقىلاۋ - تەكسەرۋ ]2016[ 120 - ءنومىرلى) ساي، شاڭ - توزاڭدى اۋا رايىنىڭ ىقپالىن شىعارىپ تاستاعاننان كەيىن، رايونىمىزداعى 19 قالانىڭ تامىز ايىنداعى اۋا ساپاسى جاقسى كۇن سانىنىڭ يەلەيتىن سالىستىرماسى %97.2 بولىپ، بىلتىرعى سول تۇستاعىدان %1.3 ارتقان،PM10نىڭ ايلىق ورتاشا قويۋلىعى بىلتىرعى سول تۇستاعىدان %1.7 ارتىپ،5.PM2تىڭ ايلىق ورتاشا قويۋلىعى بىلتىرعى سول تۇستاعىدان %13.0 ازايىپ، اۋا ساپاسى بىلتىرعى سول تۇستاعىدان جاقسارعان. شىلدە ايىمەن سالىستىرعاندا، شاڭ - توزاڭدى اۋا رايىنىڭ ىقپالىن شىعارىپ تاستاعاننان كەيىن، رايونىمىزداعى 19 قالانىڭ اۋا ساپاسى جاقسى كۇن سانى بىلتىرعى سول تۇستاعىدان %4.0 ارتقان،PM10، 5.PM2تىڭ ايلىق ورتاشا قويۋلىعى جەكە - جەكە شىلدە ايىنداعىدان %3.3 جانە %4.8 ازايىپ، اۋا ساپاسى شىلدە ايىنداعىدان جاقسارعان.
اۆتونوميالى رايوندىق قورشاعان ورتانى قورعاۋ مەڭگەرمەسىنىڭ قاتىستى جاۋاپتىسى: شاڭ - توزاڭدى اۋا رايىنىڭ ىقپالىن شىعارىپ تاستاعاننان كەيىن، رايونىمىزدىڭ اۋا ساپاسى جاقسى كۇن سانىنىڭ يەلەيتىن سالىستىرماسىنىڭ بىلتىرعى سول تۇستاعىدان، شىلدە ايىنداعىدان ارتۋى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ شينجياڭدا تۇرعاننان بەرى رايونىمىزدىڭ جەر - جەرىنىڭ اتموسفەرانىڭ لاستانۋىنان ساقتانۋ جانە ونى تىزگىندەۋ قىزمەتىن كۇشەيتكەندىگىنىڭ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى تۇزەتۋگە تابىستاعان اتموسفەرانىڭ لاستانۋىنا قاتىستى، بۇقارانىڭ اڭىسى كۇشتى كورنەكتى ماسەلەلەرگە مەڭزەس رايونىمىزدىڭ بىتىراڭقى، قورشاعان ورتانى لاستايتىن كاسىپورىنداردى زاڭ بويىنشا جونگە سالۋ، شاڭ - توزاڭ، ىس - تۇتەك تۇرىندەگى بىلعانىشتاردى كۇش سالا وڭاۋ، ونەركاسىپ كاسىپورىندارىنىڭ لاستاۋىش زاتتاردى شىعارۋدى ولشەمگە جەتكىزۋىن باقىلاۋ - باسقارۋدى كۇشەيتىپ، ەلەكتر كاسىپورىندارىنىڭ لاستاۋىش زاتتاردى شىعارۋدى ەڭ تومەنگى شەككە ءتۇسىرۋدى ىلگەرىلەتۋ شارالارىن بەلسەنە قولدانىپ، كورنەكتى ونىمدىلىككە قول جەتكىزۋىنىڭ ناتيجەسى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
