اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى اشىلدى
2018.02.09 10:38 كەلۋ قاينارى : شينجياڭ گازەتى
چىن چۋانگو، شوكىرات زاكىر ءسوز سويلەدى
شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين ماجىلىسكە قاتىناستى
اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى 7 - اقپاندا اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۋىل - قىستاقتاردى كوركەيتۋ ستراتەگياسىن ورنالاستىرىپ، اتقارىپ، كەزەكتەگى جانە بۇدان بىلايعى ءبىر مەزگىلدەگى اۋىل شارۋاشىلىعى، اۋىل - قىستاق، شارۋالار قىزمەتىنە ورنالاستىرۋ جاسادى.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين قاتارلىلار ماجىلىسكە قاتىناستى. ءماجىلىس اۆتونوميالى رايوندىق پارتكومنىڭ، حالىق ۇكىمەتىنىڭ «ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتاردى كوركەيتۋ ستراتەگياسىن اتقارۋ جونىندەگى پىكىردى» دايەكتىلەندىرۋ تۋرالى اتقارۋ پىكىرىن (تالقى نۇسقاسى) تالقىلادى.
ءماجىلىس مىنالاردى اتاپ كورسەتتى: باس شۋجي شي جينپيڭ ورتالىقتىڭ اۋىل - قىستاق قىزمەتى ماجىلىسىندە سويلەگەن ماڭىزدى سوزىندە پارتيا 18 - قۇرىلتايىنان بەرگى ەلىمىزدىڭ اۋىل شارۋاشىلىعىنىڭ، اۋىل - قىستاقتارىنىڭ دامۋدا قول جەتكىزگەن تاريحي تابىستارىن، تۋىلعان تاريحي وزگەرىستەرىن جاپپاي قورىتىندىلادى، اۋىل شارۋاشىلىعى، اۋىل - قىستاق، شارۋالار قىزمەتىنە قالاي قاراۋ، قالاي مامىلە جاساۋ، قالاي ويداعىداي يگەرۋ جونىندەگى ماڭىزدى ماسەلەلەرگە عىلمي جاۋاپ قايتاردى، اۋىل - قىستاقتاردى كوركەيتۋ ستراتەگياسىن اتقارۋدىڭ كەلەلى ءمانىن، جەتەكشى يدەياسىن، جالپى تالابىن، باستى ماقساتىن جانە ءتۇيىندى مىندەتىن تەرەڭدەي باياندادى، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىعىن كۇشەيتۋدى جانە جاقسارتۋدى ايرىقشا دارىپتەدى، حالىقتى وزەك ەتكەن دامۋ يدەياسىن تولىق ايگىلەدى، ديالەكتيكالىق ماتەرياليزمنىڭ، تاريحي ماتەرياليزمنىڭ تۇرعىسىن، كوزقاراسىن، ءادىسىن جالپى مازمۇنعا توعىستىردى، وتە كۇشتى ستراتەگيالىق، يدەيالىق، كورەگەندىك، جەتەكشىلىك سيپاتقا يە، اۋىل - قىستاقتاردى كوركەيتۋ ستراتەگياسىن اتقارۋدىڭ ارەكەت باعدارناماسى، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ ءتۇبىرلى ولشەمى. ءبىز مۇقيات ۇيرەنىپ، ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن باتىل بىرلىككە كەلتىرىپ، لي كىچياڭ زۇڭليدىڭ، ساياسي بيۋرونىڭ تۇراقتى مۇشەسى ۋاڭ ياڭنىڭ ناقتى ورنالاستىرۋىنا ساي، پارتيا ورتالىق كوميتەتىنىڭ اۋىل - قىستاقتاردى كوركەيتۋ ستراتەگياسىن اتقارۋداعى ستراتەگيالىق ماقساتىن ويداعىداي ۇعىنۋىمىز، ويداعىداي تياناقتاندىرۋىمىز كەرەك.
ءماجىلىس مىنالاردى اتاپ كورسەتتى: اۋىل - قىستاقتاردى كوركەيتۋ ستراتەگياسىن اتقارۋدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە بولعان باسشىلىعىن كۇشەيتىپ، ورنىقتىلىق بارىسىندا ىلگەرىلەۋ قىزمەتىنىڭ نەگىزگى اۋەنىنەن جازباي، جاڭا دامۋ ۇستانىمىن بەرىك ورناتىپ، جوعارى ساپالى دامۋ تالابىن تياناقتاندىرىپ، «بەستى ءبىر تۇلعالاندىرۋ» جالپى ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، اۋىل شارۋاشىلىعى، اۋىل - قىستاق، شارۋالار ماسەلەلەسىن ويداعىداي شەشۋدى اسا ماڭىزدى ورىنعا قويۋعا، اۋىل شارۋاشىلىعىن، اۋىل - قىستاقتاردى الدىمەن دامىتۋعا تاباندى بولىپ، كاسىپتەرى گۇلدەنگەن، ەكولوگيالىق قونىسى جايلى، اۋىل سالتى وركەنيەتتى، جونگە سالۋى ۇتىمدى، تۇرمىسى ىرعىن بولۋ جالپى تالابى بويىنشا، قالا، اۋىلداردى توعىسپالى دامىتۋ ءتۇزىلىسىن، مەحانيزمىن جانە ساياسات جۇيەسىن ورناتىپ، اقاۋسىزداندىرىپ، اۋىل - قىستاقتاردىڭ ەكونوميكالىق قۇرىلىسىن، ساياسي قۇرىلىسىن، مادەنيەت قۇرىلىسىن، قوعامدىق قۇرىلىسىن، ەكولوگيالىق وركەنيەت قۇرىلىسىن جانە پارتيا قۇرىلىسىن ءبىر تۇتاس ىلگەرىلەتىپ، اۋىل - قىستاقتاردى جونگە سالۋ جۇيەسىنىڭ جانە جونگە سالۋ قابىلەتىنىڭ وسىزاماندانۋىن، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن جەدەل ىلگەرىلەتىپ، جۇڭگوشا سوتسياليستىك اۋىل - قىستاقتاردى كوركەيتۋ جولىنان جازباي، اۋىل شارۋاشىلىعىنىڭ ءۇمىتتى كاسىپ سالاسىنا اينالۋىنا، شارۋالاردىڭ باۋرامدى كاسىپپەن شۇعىلدانۋىنا، اۋىل - قىستاقتاردىڭ الاڭسىز تىرشىلىك ەتەتىن كورىكتى مەكەنگە اينالۋىنا مۇمكىندىك جاساۋ كەرەك. پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، بۇكىل ەلمەن بىرگە اۋىل - قىستاقتاردى كوركەيتۋدى ىلگەرىلەتىپ، جۇڭگوشا سوتسياليستىك اۋىل - قىستاقتاردى كوركەيتۋ جولىنان بۇلجىماۋ كەرەك. اۋىل - قىستاق قىزمەتىن پارتيا باسقارۋعا، باس نىسانا ارقىلى ءبىر تۇتاس جەتەكشىلىك ەتۋگە، اۋىل شارۋاشىلىعىن، اۋىل - قىستاقتاردى الدىمەن دامىتۋعا، شارۋالاردىڭ سۋبيەكتتىك ورنىنا، اۋىل - قىستاقتاردى جاپپاي كوركەيتۋگە، قالا، اۋىلداردىڭ توعىسپالى دامۋىنا، ادام مەن تابيعاتتىڭ جاراسىمدى بولۋىنا، جەرگىلىكتى جاعدايعا قاراي شارا قولدانۋعا، ءتارتىپ بويىنشا ىلگەرىلەتۋگە تاباندى بولۋ كەرەك.
ماجىلىستە مىنالار باسا دارىپتەلدى: اۋىل - قىستاقتاردى كوركەيتۋ ينجەنەرياسىنىڭ قىزمەت ءتۇيىنىن كورنەكتىلەندىرىپ، اۋىل - قىستاقتاردى كوركەيتۋ ستراتەگياسىن تىڭعىلىقتى تۇردە العا ىلگەرىلەتۋ كەرەك. ءبىرىنشى، قالا، اۋىلدىڭ توعىسپالى دامۋىن كۇش سالا ىلگەرىلەتىپ، قالا، اۋىلدىڭ توعىسپالى دامۋىنىڭ اۋقىمدى بەتالىسىنا بەيىمدەلىپ، جاڭاشا قالا - قالاشىقتاندىرۋ مەن اۋىل - قىستاقتاردى كوركەيتۋدى تەڭ يگەرۋگە تاباندى بولىپ، ونەركاسىپ ارقىلى اۋىل شارۋاشىلىعىن تولىقتاۋعا، قالالار ارقىلى اۋىل - قىستاقتاردى جەتەكتەۋگە تاباندى بولىپ، قالا، اۋىلدىڭ توعىسپالى دامۋ ءتۇزىلىسى مەن مەحانيزمىن جەتىلدىرىپ، نەگىزدىك قۇرىلعىلاردىڭ اۋىل - قىستاقتارعا ورىستەۋىن، الەۋمەتتىك قىزمەت كورسەتۋدىڭ اۋىل - قىستاقتارعا قانات جازۋىن، اناعۇرلىم كوپ فاكتوردىڭ اۋىل - قىستاققا اعىلۋىن دەمەپ، ونەركاسىپ پەن اۋىل شارۋاشىلىعى ءبىرىن - ءبىرى جەبەپ، قالالار مەن اۋىلدار ءبىرىن - ءبىرى تولىقتىرىپ، جاپپاي توعىسىپ، قاتار گۇلدەنەتىن جاڭاشا ونەركاسىپ، اۋىل شارۋاشىلىعى جانە قالا، اۋىل قاتىناسىن ورناتۋعا قۇلشىنۋ كەرەك. ەكىنشى، اۋىل - قىستاقتاردىڭ نەگىزگى شارۋاشىلىق ءتۇزىمىن كۇش سالا بەكەمدەۋ، كەمەلدەندىرۋ كەرەك. اۋىل - قىستاق جەرىنىڭ كوللەكتيۆ مەنشىكتە بولۋىنا، وتباسى شارۋاشىلىعىنىڭ نەگىزدىك ورنىنا، جەردى كوتەرمەگە بەرۋ − الۋ قاتىناسىن ورنىقتىرۋعا تاباندى بولىپ، اۋىل - قىستاقتاردىڭ مەنشىك ءتۇزىمىن كەمەلدەندىرىپ، اۋىل - قىستاق فاكتور بازارىنىڭ ۇلەستىرۋ مەحانيزمىن كەمەلدەندىرىپ، اۋىل - قىستاقتاردى كوركەيتۋگە تۇزىمدىك كەپىلدىك ازىرلەۋ كەرەك. ءۇشىنشى، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن كۇش سالا تەرەڭدەتۋ كەرەك. ساپالى اۋىل شارۋاشىلىعىن، جاسىل اۋىل شارۋاشىلىعىن وركەندەتۋگە تاباندى بولىپ، اۋىل شارۋاشىلىعىنىڭ ءتۇسىمنىڭ ارتۋىن باعدار ەتۋدەن ساپانى كوتەرۋدى باعدار ەتۋگە بۇرىلىس جاساۋىن ىلگەرىلەتىپ، وسى زامانعى اۋىل شارۋاشىلىعىنىڭ سالالىق جۇيەسىن، ءوندىرىس جۇيەسىن، شارۋاشىلىق جۇيەسىن جەدەل قالىپتاستىرىپ، ارتىقشىلىعى بار ەرەكشە اۋىل شارۋاشىلىعىن جەتىلدىرىپ، اۋىل شارۋاشىلىعىن سالالاندىرىپ باسقارۋدى كۇشەيتىپ، اگروتەحنيكالاردىڭ جاڭالانۋىن ىلگەرىلەتىپ، اۋىل - قىستاقتاردا 1 -، 2 -، 3 - كاسىپتەردىڭ بىرلەسە دامۋىن ىلگەرىلەتۋ كەرەك. ءتورتىنشى، اۋىل - قىستاقتاردىڭ جاسىل دامۋىن كۇش سالا ىلگەرىلەتۋ كەرەك. تۇنىق سۋ، جاسىل تاۋ − باعا جەتپەس بايلىق دەگەن ۇستانىمدى بەرىك ورناتىپ، دامۋدىڭ قادامى ءسال باياۋلاسا دا، ەكولوگيالىق ورتانى قۇرباندىققا شالۋعا جول بەرمەي، ەكولوگيالىق قىزىل سىزىق پەن تومەنگى شەكتەن اتتاماي، جاسىل دامۋدى باعدار ەتۋدى كۇشەيتىپ، اۋىل شارۋاشىلىق سالاسىنداعى ەكولوگيالىق ءونىم جانە ەكولوگيالىق قىزمەتپەن قامداۋدى، اۋىل - قىستاق ورتاسىن وڭاۋدى كۇشەيتىپ، اۋىل - قىستاقتاردىڭ جاراتىلىستىق بايلىعىنىڭ جەدەل قۇندانۋىن ىلگەرىلەتىپ، تاماشا ەكولوگيالىق ورتانى حالىق تۇرمىسىنىڭ ارتۋ نۇكتەسى، اۋىل - قىستاقتاردى كوركەيتۋدىڭ سۇيەنىشى ەتۋ كەرەك. بەسىنشى، اۋىل - قىستاقتاردا حالىق تۇرمىسىن قامتاماسىز ەتۋ دەڭگەيىن كۇش سالا جوعارىلاتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ءتۇيىندى يگەرۋگە، ولقىلىقتاردى تولىقتاۋعا، وسال تۇستاردى كۇشەيتۋگە تاباندى بولىپ، حالىق جۇرتشىلىعى ەڭ كوڭىل بولەتىن، ەڭ تىكە، ەڭ ناقتى مۇددە ماسەلەسىن ارقاۋ ەتىپ، ءىستى بىردەن - بىردەن تىندىرىپ، جۇمىستى جىلدان - جىلعا ۇدەتۋ كەرەك. اۋىل - قىستاق ەڭبەككۇشتەرىن جۇمىسقا ورنالاستىرۋدى باسا يگەرىپ، اۋىل -قىستاقتىڭ وقۋ - اعارتۋ ءىسىن الدىمەن دامىتىپ، اۋىل - قىستاقتاردىڭ ەمدەۋ - دەنساۋلىق ساقتاۋ دەڭگەيىن جوعارىلاتىپ، اۋىل - قىستاقتاردىڭ قوعامدىق قامتاماسىزداندىرۋ جۇيەسى قۇرىلىسىن كۇشەيتىپ، اۋىل - قىستاق جۇرتشىلىعىنىڭ تۇرمىسىن شىن مانىندە جاقسارتۋ كەرەك. التىنشى، اۋىر كەدەي وڭىرلەردە كەدەيلىكتەن قۇتىلدىرۋدان قامال الۋ شايقاسىن كۇش سالا جۇرگىزۋ كەرەك. كەدەيلىكتەن قۇتىلدىرۋدان قامال الۋ مەن اۋىل - قىستاقتاردى كوركەيتۋ جونىندەگى ساياساتتاردىڭ ۇشتاسۋىن، مەحانيزمدەردىڭ بىرىگۋىن جانە قىزمەتتەردىڭ ءبىر تۇتاس جوسپارلانۋىن جاقسى يگەرىپ، اۋىر كەدەيلىكتى نازارعا الىپ، كەدەيلىكتەن قۇتىلدىرۋ ولشەمىن قاتايتىپ، ولشەمدى تومەندەتپەۋ ءارى اسپاققا اسىلماۋ كەرەك، ءادىس - شارالاردىڭ دالمە - ءدال اتقارىلۋىن كۇشەيتىپ، جاۋاپكەرشىلىكتىڭ تياناقتانۋىن ىلگەرىلەتىپ، كەدەي حالىقتىڭ كوزەۋلى ۋاقىتتا كەدەيلىكتەن قۇتىلۋىنا كەپىلدىك ەتىپ، اۋىل - قىستاقتاردى كوركەيتۋگە بەرىك نەگىز قالاۋ كەرەك. جەتىنشى، اۋىل - قىستاق مادەنيەتىنىڭ مارقايۋىن كۇش سالا ىلگەرىلەتۋ كەرەك. ماتەريالدىق وركەنيەت پەن رۋحاني وركەنيەتتى بىردەي يگەرۋگە تاباندى بولىپ، اۋىل - قىستاق يدەيا - ءمورال جانە الەۋمەتتىك مادەنيەت قۇرىلىستارىن كۇشەيتىپ، ەسكى سالت - داستۇرلەردىڭ جاڭارۋىن ىلگەرىلەتىپ، اۋىل - قىستاقتاردىڭ يدەولوگيالىق حاۋىپسىزدىگىن قورعاپ، وركەنيەتتى اۋىل سالتىن، تاماشا وتباسى ءداستۇرىن، جۇرەككە جاقىن حالىقتىق عۇرىپتى باۋلىپ، شارۋالاردىڭ بەرەكە - بىرلىگىن نىعايتىپ، قوعامدا جاقسى سالت قالىپتاستىرىپ، اۋىل - قىستاق وركەنيەتىنىڭ جاڭا بەينەسىن جارقىراتۋ كەرەك. سەگىزىنشى، اۋىل - قىستاقتاردى جونگە سالۋ جۇيەسىن كۇش سالا جاڭالاۋ كەرەك. اۋىل - قىستاقتاردى جونگە سالۋدىڭ پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن قامتاماسىز ەتىلەتىن وسى زامانعى جۇيەسىن ورناتىپ جانە اقاۋسىزداندىرىپ، اۋىل - قىستاق نەگىزگى ساتى پارتيا ۇيىمدارى قۇرىلىسىن كۇشەيتىپ، اۋىل - قىستاقتاردى جونگە سالۋ مەحانيزمىن كەمەلدەندىرىپ، تىنىش اۋىل - قىستاق قۇرىلىسىن مىقتاپ يگەرىپ، اۋىل - قىستاق قوعامىنىڭ تىرشىلىك تىنىسىنا تولى، جاراسىمدى، ءتارتىپتى بولۋىن ىلگەرىلەتۋ كەرەك. توعىزىنشى، ءتۇزىلىس پەن مەحانيزمدى كۇش سالا جەتىلدىرۋ، كەمەلدەندىرۋ كەرەك. شينجياڭنىڭ ءىس جۇزىندەگى جاعدايىنا تىعىز ۇشتاستىرىپ، اۋىل - قىستاقتاردىڭ وركەندەۋىنە تۇساۋ بولىپ وتىرعان تۇزىلىستىك - مەحانيزمدىك اقاۋلاردى جويىپ، اۋىل شارۋاشىلىعى جانە اۋىل - قىستاق رەفورمالارىن شىنايى تەرەڭدەتىپ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرىپ، اۋىل - قىستاقتاردىڭ حالىققا قولايلى قىزمەت كورسەتۋ جۇيەسىن اقاۋسىزداندىرىپ، اۋىل - قىستاقتاردىڭ بايلىق فاكتورىن قۇلشىنا جانداندىرىپ، قالىڭ شارۋالاردىڭ بەلسەندىلىگى مەن جاسامپازدىعىنا قوزعاۋ سالىپ، قوعامنىڭ اۋىل شارۋاشىلىعىن قولداۋعا، دەمەۋگە، گۇلدەندىرۋگە كۇش جۇمىلدىرۋىنا مۇمكىندىك جاساۋ كەرەك.
ماجىلىستە مىنالار تالاپ ەتىلدى: اۋىل - قىستاقتاردى گۇلدەندىرۋ ستراتەگياسىنا ۇيىمدىق باسشىلىقتى كۇشەيتىپ، اۆتونوميالى رايونىمىزدىڭ جاڭا داۋىردە اۋىل - قىستاقتاردى كوركەيتۋ ىستەرىنىڭ جاڭا داستانىن قۇلشىنا جازۋ كەرەك. ءبىرىنشى، جاۋاپكەرشىلىكتى قاتاڭ تياناقتاندىرۋ، ءار دارەجەلى پارتكومدار مەن ۇكىمەتتەر اۋىل - قىستاقتاردى كوركەيتۋدى جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدىڭ اسا ماڭىزدى ءتۇيىنى ەتىپ، ماڭداي الدى ورىنعا قويۋى، اۋىل - قىستاقتاردى كوركەيتۋگە باسشىلىق ەتۋدىڭ پارتكوم ءبىر تۇتاس باسشىلىق ەتۋ، ۇكىمەت جاۋاپتى بولۋ، پارتكومنىڭ اۋىل - قىستاق قىزمەت تاراۋى ءبىر تۇتاس سايكەستىرۋ ءتۇزىلىسىن ورناتىپ، 5 دارەجەلى شۋجيلەر جۇمىلا يگەرۋگە، پارتكوم مەن ۇكىمەتتەردىڭ ءبىرىنشى باسشىلارى تىكە مەڭگەرۋگە تاباندى بولۋ كەرەك. ەكىنشى، كادرلار قوسىنىن كۇشەيتۋ، ءار دارەجەلى پارتكوم مەن ۇكىمەتتەردەگى نەگىزگى باسشى كادرلار اۋىل شارۋاشىلىعى، اۋىل - قىستاق جانە شارۋالار قىزمەتىنەن حابارلى بولۋى، اۋىل شارۋاشىلىعى، اۋىل - قىستاق جانە شارۋالار قىزمەتىن يگەرە ءبىلۋى كەرەك، جۇمىس ءبولىسى بويىنشا جاۋاپتى بولاتىن باسشىلار اۋىل شارۋاشىلىعى، اۋىل - قىستاق جانە شارۋالار قىزمەتىنىڭ مايتالمانى بولىپ، تاربيەلەۋ جوسپارىن جاساپ جانە اتقارىپ، اۋىل شارۋاشىلىعىنان حابارلى، اۋىل - قىستاقتاردى سۇيەتىن، شارۋالارعا قامقور بولاتىن اۋىل - قىستاق قىزمەت قوسىنىن قۇلشىنا قالىپتاستىرۋ كەرەك. ءۇشىنشى، ۇسىنىلىممەن قامتاماسىز ەتۋدى كۇشەيتۋ، قازىنا الدىمەن قامتاماسىز ەتەتىن، فينانس ءتۇيىندى تۇردە بەيىمدەلەتىن، قوعام بەلسەندى تۇردە ات سالىساتىن كوپ تاراپتى ۇسىنىلىم جۇيەسىن جەدەل قالىپتاستىرىپ، ۇسىنىلىم تەبىنىنىڭ ۇزدىكسىز ارتۋىنا، جالپى مولشەرىنىڭ ۇزدىكسىز كوبەيۋىنە كەپىلدىك ەتۋ كەرەك. ءتورتىنشى، جوبامەن جەتەكشىلىك ەتۋگە تاباندى بولۋ، شينجياڭنىڭ وڭىرلىك جاعدايى مەن ءارءتۇرلى وڭىرلەردىڭ ەرەكشەلىگىنە نەگىزدەلىپ، اۆتونوميالى رايوننىڭ اۋىل - قىستاقتاردى كوركەيتۋ جوباسى مەن ارناۋلى جوباسىن ويداعىداي جاساپ، كورەگەندىلىك پەن جۇيەلىلىكتى ايگىلەۋمەن بىرگە، اۋىل - قىستاقتاردى كوركەيتۋ مىندەتىنىڭ ۇزاق مەرزىمدىلىگىن جىعا تانىپ، تاريحي توزىمدىلىكتى ساقتاۋ كەرەك. بەسىنشى، تاماشا راي قالىپتاستىرۋ، ۇگىت تەبىنىن كۇشەيتىپ، اۋىل - قىستاقتاردى كوركەيتۋگە بارلىق ادام كوڭىل بولەتىن، قولداۋ كورسەتەتىن، ات سالىساتىن قانىق راي قالىپتاستىرۋ كەرەك.
ماجىلىستە مىنالار تالاپ ەتىلدى: جەر - جەر، تاراۋلار «توعىزعا كۇش سالۋدى» ارقاۋ ەتىپ، ىشكەرىلەي تەكسەرىپ - زەرتتەپ، ءبىر تۇتاس جوسپارلاپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تىڭعىلىقتى ىلگەرىلەتىپ، اۋىل - قىستاقتاردا 1 -، 2 -، 3 - كاسىپتەردىڭ توعىسا دامۋىن بەلسەندىلىكپەن ىلگەرىلەتىپ، اۋىل شارۋاشىلىعى مەن اۋىل - قىستاقتاردىڭ نەگىزدىك قۇرىلعى قۇرىلىستارىن كۇشەيتىپ، اۋىل شارۋاشىلىعى جانە اۋىل - قىستاق رەفورماسىن ۇزدىكسىز تەرەڭدەتىپ، اۋىل - قىستاقتاردىڭ جاسىل دامۋىنا تاباندى بولىپ، اۋىل شارۋاشىلىق ونىمدەرى بازارىنىڭ ءورىسىن كەڭەيتۋ تەبىنىن ارتتىرىپ، اۋىل - قىستاقتاردىڭ نەگىزگى الەۋمەتتىك قىزمەت كورسەتۋ قابىلەتى قۇرىلىسىن ۇزدىكسىز كۇشەيتىپ، كەدەيلىكتەن قۇتىلدىرۋدان قامال الۋدى بار كۇشپەن ىلگەرىلەتىپ، ىرىقتى تۇردە ولشەمگە تۋرالاپ، بەلسەندى تۇردە جۇمىس جۇرگىزىپ، قىزمەتتىڭ ۋاقىت كەستەسى مەن باعدار كارتاسىن كەزەڭ - كەزەڭىمەن كورسەتىپ جانە تياناقتاندىرىپ، مىندەتتەردى ناقتىلاپ جانە اشالاپ، مىندەت ءبولىسىن ايقىنداپ، مىندەتتەردىڭ تياناقتانۋىن مىقتاپ يگەرىپ، اۋىل - قىستاقتاردى كوركەيتۋ ينجەنەرياسىن قۇلشىنا ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا جاڭا، ءتىپتى زور ۇلەستەر قوسۋ كەرەك.
ماجىلىستە ىلە قازاق اۆتونوميالى وبلىسىنىڭ، سانجى حۇيزۋ اۆتونوميالى وبلىسىنىڭ، تۇرپان قالاسىنىڭ، اقسۋ ايماعىنىڭ، قاشقار ايماعىنىڭ قاتىستى جاۋاپتىلارى پىكىر اۋىستىرىپ، لەبىز ءبىلدىردى.
ءماجىلىس تەلەۆيزور - تەلەفون ءماجىلىسى فورماسىندا ءوتتى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى جانە اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونعا (ورتالىق) توتە قاراستى ورىندارداعى نەگىزگى جاۋاپتى جولداستار نەگىزگى زالدا ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
