شي جينپيڭ كاتماندۋعا جەتتى
نەپالداعى مەملەكەت ىستەرى ساپارىن باستادى
2019.10.14 15:18 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 12 - كۇنى كاتماندۋدان بەرگەن حابارى (تىلشىلەر جوۋ شىڭپيڭ، حۋاڭيىن جيازى). مەملەكەت ءتوراعاسى شي جينپيڭ 10 - ايدىڭ 12 - كۇنى ارناۋلى ۇشاقپەن كاتماندۋعا جەتىپ، نەپالداعى مەملەكەت ىستەرى ساپارىن باستادى.
جەرگىلىكتى ۋاقىت تۇستەن كەيىن ساعات 4 تەن 55 مينۋت مولشەرىندە، ارناۋلى ۇشاق كاتماندۋ تريبحۋان حالىقارالىق اۋەجايىنا جەتتى. شي جينپيڭ ۇشاق ەسىگىنەن شىققاندا، نەپالدىڭ زۇڭتۇڭى بانداري قىزى ۋشامەن بىرگە ۇشاق باسپالداعىنىڭ جانىندا تۇرىپ ىقىلاسپەن قارسى الدى. ۋشا شي جينپيڭگە گۇل ۇسىندى. قۇرمەت قاراۋىلى قىزىل كىلەمنىڭ ەكى جاعىنا ءتىزىلىپ، ىززەتپەن قاراپ قۇرمەت ءبىلدىردى.
بانداري اۋەجايدا شي جينپيڭگە ارناپ نەپالدىڭ قويۋ ۇلتتىق ەرەكشەلىگىنە يە قارسى الۋ سالتىن وتكىزدى. نەپالدىڭ ورىنباسار زۇڭتۇڭى پۋ - ىن، زۇڭليى ولي، فەدەراتسيالىق پارلامەنت فەدەراتسيالىق پالاتاسىنىڭ ءتوراعاسى تيميلسينا، سونداي - اق كاتماندۋدىڭ بيلىك كەڭسەسىنىڭ بارلىق مۇشەلەرى قاتىناستى. شي جينپيڭ سول جەرگە جەتكەندە بانداري الدىنان شىعىپ قارسى الدى. نەپال ءوسپىرىمى شي جينپيڭگە گۇل ۇسىندى. ەكى ەلدىڭ مەملەكەت باسشىلارى سالتانات مىنبەسىنە شىقتى. اسكەري وركەستر جۇڭگو مەن نەپال ەكى ەلدىڭ مەملەكەت ءانىن ورىندادى، 21 قۇرمەت ساليۋتى اتىلدى. شي جينپيڭ بانداريدىڭ سەرىك بولۋىندا قۇرمەت قاراۋىلىن كوزدەن كەشىردى. كوزدەن كەشىرۋ اياقتاعاننان كەيىن، اسكەري وركەستر جۇڭگو مەن نەپال ەكى ەلدىڭ مەملەكەت ءانىن تاعى ورىندادى. شي جينپيڭ نەپال جاقتىڭ نەگىزگى مانساپتىلارىمەن ءبىر - بىرلەپ قول الىستى، بانداري جۇڭگو جاقتان بىرگە ساپارلاي بارعاندارمەن ءبىر - بىرلەپ قول الىستى. جەرگىلىكتى كوركەمونەرشىلەر ۇلتتىق كيىم كيىپ، ءان ايتىپ، ءبي بيلەپ، شي جينپيڭدى ەرەكشە ىقىلاسپەن قارسى الاتىندىقتارىن ءبىلدىردى. نەپالدىڭ ءوسپىرىم بالالارى جۇڭگو مەن نەپال ەكى ەلدىڭ مەملەكەت تۋىن بۇلعاپ، حانزۋ تىلىندە ”شي اتاي سالەمەتسىز بە! سىزبەن كەزدەسكەنىمىزگە توتەنشە قۋانىشتامىز! ءسىزدى سۇيەمىز!“ دەپ الاقايلادى.
ءتوراعا شي جينپيڭنىڭ اۆتوكولىك اترەتى اۋەجايدان شىعىپ قالا رايونىنا قاراي جول تارتتى، جولدا قوناق قابىلداۋ ءۇشىن ارناۋلى سالىنعان اشىق قىزىل رەڭدى دوعال قاقپالاردان ءوتتى، قاقپالارعا ”جۇڭحۋا حالىق رەسپۋبليكاسىنىڭ ءتوراعاسى شي جينپيڭ مىرزانى قىزۋ قارسى الامىز“، ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتايمىز“، ”جۇڭگو - نەپال دوستىعى جاساسىن“، ”چومولاڭما شىڭىنىڭ ەتەگىنە، بۇددا اتاسىنىڭ مەكەنىنە كەلگەندىگىڭىزدى قارسى الامىز“ دەگەن سياقتى ۇراندار جازىلعان. كوشەنىڭ ەكى جاعىنا ءتوراعا شي جينپيڭنىڭ جانە بانداري زۇڭتۇڭنىڭ ۇلكەن سۋرەتى ىلىنگەن. جول شەتىندە تۇرعان جەرگىلىكتى ورىننىڭ نەشە ون مىڭ بۇقاراسى نەشە كيلومەترگە دەيىن سوزىلعان، ولار جۇڭگو مەن نەپال ەكى ەلدىڭ مەملەكەت تۋىن بۇلعاپ، داڭعارا قاعىپ، بارابان سوعىپ، شىن ىقىلاسپەن الاقايلاپ، ەڭ قۇرمەتتى قوناقتى قىزۋ قارسى الدى.
شي جينپيڭ نەپال حالقىنا جۇڭگو حالقىنىڭ ىقىلاستى سالەمى مەن ىزگى تىلەگىن جەتكىزدى. شي جينپيڭ بىلاي دەپ اتاپ كورسەتتى: جۇڭگو مەن نەپالدىڭ تاۋ - سۋى جالعاسقان، ۇرپاقتار بويى تاتۋ ءوتىپ كەلەدى.
ديپلوماتيالىق قارىم - قاتىناس ورناتقان 64 جىلدان بەرى، ەكى ەل بەيبىت قاتار تۇرۋدىڭ 5 پرينسيبىن بەرىك ۇستانىپ، ءداستۇرلى دوستىقتى جالعاستىرىپ، ۇقساماعان تۇزىمدەگى جانە ۇلكەن - كىشى ەلدەردىڭ ءوزارا قۇرمەت ەتۋىنىڭ، تەپە - تەڭدىك نەگىزىندە سيلاسۋىنىڭ ۇلگىسىن ورناتتى. مەن نەپال باسشىلارىمەن دوستىق جونىندە اقتارىلا اڭگىمەلەسىپ، سەلبەستىك جونىندە تىلدەسۋدى كۇتەمىن. وسى رەتكى ساپار ارقىلى جۇڭگو - نەپال قارىم - قاتىناسىن جوعارىلاتىپ، ەكى ەلدىڭ ۇلاسۋىن - تۇتاسۋىن كۇشەيتىپ، ەكى ەل حالقى ءۇشىن ءتىپتى دە كوپ ىرىس - قۇت كەلۋدى ءۇمىت ەتەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى وسى ۇشاقپەن بىرگە كەلدى.
جۇڭگونىڭ نەپالداعى باس ەلشىسى حوۋ يانچي دە اۋەجايعا بارىپ قارسى الدى.
شي جينپيڭ جۇڭگو - ءۇندىستان باسشىلارىنىڭ 2 - رەتكى بەيرەسمي ءديدارلاسۋىن اياقتاتقاننان كەيىن چەننايدان اتتانىپ، كاتماندۋعا كەلدى. جەرگىلىكتى ورىنداعى قىرۋار وقۋشى، بۇقارا شي جينپيڭنىڭ اۆتوكولىك اترەتىنىڭ اۋەجايعا باراتىن جولدىڭ ەكى جاعىنا شوعىرلانىپ، قىزۋ مەرەيمەن ۇزاتىپ سالدى. ءۇندىستان تاميل نادۋ شتاتىنىڭ شتات باستىعى پەرويت قاتارلى جوعارى دارەجەلى ءمانساپتىلارى اۋەجايدا اتتاندىرىپ سالدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
