قىراعىلىقتى ارتتىرىپ، دۇرىس پەن بۇرىستى ايقىن ايىرىپ، امەريكا جاقتىڭ پاسىق نيەتىن باتىلدىقپەن اشكەرەلەيمىن جانە سىن تەزىنە الامىن
مەملەكەتتىك ايەلدەر بىرلەستىگىنىڭ بۇرىنعى ورىنباسار ءتوراعاسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى ماينۇر قاسىم
2019.12.27 15:26 كەلۋ قاينارى : شينجياڭ گازەتى
جۋىقتا امەريكا پارلامەنتى قاۋىم پالاتاسى ايتىلمىس ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلدادى. وسى ”زاڭ جوبا“ اق پەن قارانى شاتاستىرىپ، دۇرىس پەن بۇرىستى بىلىقتىرىپ، شينجياڭنىڭ قوعامى جاراسىمدى، ورنىقتى بولعان، ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن، ەكونوميكا، قوعام ءۇرتىس جاقسارعان وبيەكتيۆتىك شىندىقتى ەلەمەي، جۇڭگو ۇكىمەتىنىڭ شينجياڭدى جونگە سالۋ ساياساتى مەن شينجياڭنىڭ ادامدىق ۇقىق جاعدايىن بۇرمالاپ، وعان كۇيە جاعىپ جانە قيسىنسىز جازعىرىپ، امەريكا جاقتىڭ لاڭكەستىككە قارسى تۇرۋ، ادامدىق ۇقىق سياقتى ماسەلەلەردەگى قوس ولشەمىن تاعى ءبىر رەت انىق كورسەتىپ، ونىڭ شينجياڭنىڭ گۇلدەنۋىن، ورنىقتىلىعىن ءبۇلدىرۋ، جۇڭگونىڭ دامىپ، زورايۋىن شاۋجايلاۋ سىندى سۇرقيا نيەتىن ايپاراداي اشتى.
مەن 67 جىلدىق پارتيا ستاجى بار ساقا پارتيا مۇشەسىمىن، ساقا كادرمىن، ومىرلىك زەيىن - زەردەمدى پارتيا ىستەرىنە ارنادىم، دەموكراتيا، زاڭمەن جونگە سالۋ قۇرىلىسى ىستەرىنە ارنادىم، ايەلدەر مەن بالالار ىستەرىنە ارنادىم. مەن جۇڭگو كوممۋنيستىك پارتياسى بولماسا، شينجياڭنىڭ تاريحي زور وزگەرىستەرى بولمايتىندىعىن، شينجياڭداعى ءار ۇلت حالقىنىڭ بۇگىنگى باقىتتى تۇرمىسى بولمايتىندىعىن انىق بىلەمىن. اسىرەسە، پارتيا 18 - قۇرىلتايىنان بەرى، پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، كوپتەگەن حالىققا تيىمدىلىك جاساۋ ساياساتتارىن اتقاردى، شينجياڭ گۇلدەنىپ، ورنىقتى بولىپ، كوركەيە ءتۇسىپ، قول جەتكىزگەن تابىستارى حالىقارالىق قوعامنىڭ جاپپاي القاۋىنا يە بولدى.
شينجياڭ − جۇڭگونىڭ لاڭكەستىككە قارسى تۇرۋداعى، ۇشقارىلىقتى الاستاۋداعى نەگىزگى شايقاس مايدانى. ءبىر مەزگىل ۋاقىتتان بەرى، ”ءۇش ءتۇرلى كۇش“ نەشە مىڭداعان زورلىقتى كۇش، لاڭكەستىك دەلوسىن (وقيعا) تۋدىردى، ولار ءدىن تونىن جامىلىپ، ءدىن جوسىندارىن بۇرمالاپ، جيھات جاساۋدى ۋاعىزداپ، جازىقسىز جۇرتشىلىقتى ماجبۇرلەدى، ءتىپتى، ەشتەڭەدەن حابارسىز ورەندەر مەن بالالاردى دا تەرىس جولعا ءتۇسىردى، ءاسىلى تۇرمىستى قىزۋ سۇيەتىن، سۇلۋلىقتى قىزۋ سۇيەتىن، جارقىندىققا ۇمتىلعان كەيبىر ۇيعۇر ايەلدەرىنىڭ يدەياسىن بۇعاۋلاپ، نيقاپ جامىلىپ، بۇرقا كيۋگە ماجبۇرلەدى، مۇنىڭ بارلىعى ۇيعۇر ۇلتىنىڭ ادەت - عۇرپىمەن مۇلدە جاناسپايدى. ”ءۇش ءتۇرلى كۇش“تىڭ وسىنداي ادامزاتقا قارسى، قوعامعا قارسى، وركەنيەتكە قارسى ارەكەتتەرى شينجياڭداعى ءار ۇلت حالقىنىڭ تىرشىلىك ۇقىعىن، ءومىر ءسۇرۋ ۇقىعىن جانە دامۋ ۇقىعىن اۋىر دارەجەدە اياققا تاپتادى. ءار ۇلت حالقى ولەردەي وشىگىپ، زورلىقتى كۇش، لاڭكەستىك كۇشتەرىنە سوققى بەرۋ ءۇنى كۇشەيدى.
زاڭ بويىنشا زورلىقتى كۇش، لاڭكەستىك قىلمىسىنان قاتاڭ ساقتانۋ جانە وعان قاتاڭ سوققى بەرۋ ءۇشىن، مەملەكەتتىك حالىق قۇرىلتايىنىڭ تۇراقتى كوميتەتى «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن» ماقۇلداپ، شينجياڭداعى ءار ۇلت حالقىن قامتىعان بۇكىل ەل حالقىنىڭ باتىل قولداۋىنا يە بولدى، جۇڭگونىڭ لاڭكەستىككە قارسى تۇرۋ قىزمەتى بەرىك زاڭدىق نەگىزگە يە بولدى. نەگىزگى زاڭ، ۇلتتىق وڭىرلىك اۆتونوميا زاڭى سياقتىلارعا نەگىزدەلىپ، شينجياڭنىڭ ءىس جۇزىندىگىمەن ۇشتاستىرىپ، اۆتونوميالى رايوندىق حالىق قۇرىلتايىنىڭ تۇراقتى كوميتەتى «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ءادىسىن»، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسىن» جاريالادى. كەڭشىلىك ەتۋ مەن قاتاڭ جازالاۋعا بىردەي ءمان بەرۋ پرينسيبىن نەگىزگە الىپ، شينجياڭ ”ءبىر جاعىنان، زورلىقتى كۇش، لاڭكەستىك قىلمىستارىنا سوققى بەرۋدى يگەرۋ، ەندى ءبىر جاعىنان، ساقتانۋ جانە تاربيەلەۋ، جەتەكتەۋ قىزمەتىن يگەرۋ“گە تاباندى بولدى، زاڭ بويىنشا از ساندى اۋىر زورلىقتى كۇش، لاڭكەستىك قىلمىستارىنا قاتاڭ سوققى بەرۋمەن بىرگە، قاينارىنان جونگە سالۋعا دەن قويىپ، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرىپ، ۇشقارىلىقتى الاستاۋ قىزمەتىن ورىستەتتى، ءدىني ۇشقارى يدەيامەن جۇعىمدالعان، زاڭعا جەڭىل دارەجەدە قايشىلىق جاساۋ قىلمىسى بار ادامداردى ەڭ جوعارى شەكتە تاربيەلەپ قۇتقاردى.
تاربيەلەۋ - باۋلۋ ورتالىعىندا ۇيرەنۋ ارقىلى تاربيەلەنۋشىلەر مەملەكەتتە ءبىر تۇتاس قولدانىلاتىن ءتىل - جازۋدى يگەرىپ قانا قالماستان، زاڭ تانىمى كۇشەيدى، تاعى ەڭبەك شەبەرلىگىن ۇيرەندى، تۇنەكتەن شىعىپ، ولاردىڭ جۇزدەرىنە كۇن شۋاعىنداي جايدارىلىق قايتادان ءۇيىرىلدى. تاربيەلەۋ - باۋلۋ ورتالىعىندا، بۇرىن قوعامدىق قيمىلدارعا قاتىناسۋدى قالامايتىن ايەلدەر ءۇمىتتى دە سەنىمدى، دەربەس تە ىنتالى بولىپ وزگەردى. وقۋ تاۋىسقاننان كەيىن ولاردىڭ كەيبىرەۋلەرى اجارلاندىرۋ ورنىن، تىگىنشىلىك دۇكەنىن اشىپ، وسى زامانعى ۇستانىممەن تيجارات جانە باسقارۋ جۇرگىزدى؛ كەيبىرەۋلەرى قىستاقتاعى اۋقاتتانۋ شەبەرىنە اينالدى. وسىلاردى كورگەندە مەن شىن كوڭىلىممەن قۋانىشتى سەزىنەمىن.
قازىرگە دەيىن شينجياڭدا ءۇرتىس 3 جىل زورلىقتى كۇش، لاڭكەستىك دەلوسى (وقيعاسى) تۋىلعان جوق. قوعامدا ىزگىلىك اسقاقتاپ، سۇرقيالىق ىعىسىپ، ءار ۇلت بۇقاراسىنىڭ مادەنيەت ساپاسى، زاڭ تانىمى ۇزدىكسىز جوعارىلادى. ءار دارەجەلى ۇكىمەتتەر پارتيانىڭ حالىققا تيىمدىلىك جاساۋ ساياساتتارىن بەلسەنە تياناقتاندىرىپ، لاڭكەستىك پەن ۇشقارىلىقتىڭ سىنالاپ كىرۋىن شەكتەيتىن قورعانىس شەبىن بەرىك ورناتىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى.
دۇرىس پەن بۇرىستى شاتاستىرۋعا بولمايدى، ادىلدىك جۇرت جۇرەگىندە. قازىر شينجياڭنىڭ ەكونوميكاسى باياندى دامىپ، قوعامى جاراسىمدى دا ورنىقتى بولىپ، حالىق تۇرمىسى ۇزدىكسىز جاقسارىپ، ءدىن تاتۋ دا ۇيلەسىمدى بولىپ، ءار ۇلت حالقى تىعىز ىنتىماقتاستى. ايتسەدە، امەريكا جاق مۇنداي نەگىزگى شىندىقتى كورسە دە كورمەسكە سالىندى، ولار گۇلدەنگەن، ورنىقتى شينجياڭدى كورگىلەرى كەلمەي، قۇدىرەتتى سوتسياليستىك جۇڭگونىڭ ەڭسە كوتەرگەنىن كورگىلەرى كەلمەي، اشىقتان - اشىق شىندىقتى ويدان قيىستىرىپ، اق پەن قارانى شاتاستىرىپ، شينجياڭنىڭ لاڭكەستىككە قارسى تۇرۋداعى، ۇشقارىلىقتى الاستاۋداعى وراسان زور قۇلشىنىستارىنا سۇرقيالىقپەن شابۋىلداپ، شينجياڭنىڭ ادامدىق ۇقىق ىستەرىندە قول جەتكىزگەن اسا زور تابىستارىن قاساقانا داتتادى. مۇنداي سۇرقيا دا سۇمپايى ارەكەت شينجياڭداعى ءار ۇلت حالقىن قامتىعان بۇكىل جۇڭگو حالقىنىڭ كوڭىلىنە اۋىر دارەجەدە داق سالدى، مەن مۇنى قاتاڭ ايىپتايمىن، باتىل قارسى تۇرامىن.
شينجياڭ − جۇڭگونىڭ شينجياڭى. مەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ ۇلت ساياساتىنىڭ نۇر شۇعىلاسىندا، شينجياڭ ءار ۇلت حالقىنىڭ بۇكىل ەلدەگى ءار ۇلت حالقىمەن بىرگە ءبىر نيەتپەن ىنتىماقتاساتىندىعىنا، جۇڭگونىڭ ىشكى ىسىنە ارالاسىپ، جۇڭگونىڭ دامۋىنا بوگەت بولاتىن ءارقانداي قاسكۇنەمدىكتىڭ، ءسوز جوق، تۇبەگەيلى تاس - تالقانى شىعاتىندىعىنا، ەشكىمنىڭ دە ءبىزدىڭ كورىكتى شينجياڭدى كوركەيتىپ، وتان ارمانىن بىرگە جۇزەگە اسىرۋداعى بەرىك قادامىمىزدى بوگەي المايتىندىعىنا كامىل سەنەمىن!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
