باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى سويلەگەن ماڭىزدى ءسوزى رايونىمىزدا قىزۋ اڭىس قوزعادى—
قاشان دا اۋەلگى ماقساتتان اينىماي، بۇلجىماي بورىش ارقالايىق
2020.01.13 13:50 كەلۋ قاينارى : شينجياڭ گازەتى
1 - ايدىڭ 8 - كۇنى باس شۋجي شي جينپيڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا ماڭىزدى ءسوز سويلەپ، بىلاي دەپ باسا دارىپتەدى: ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ۇنەمى يدەيا - ساياسي جاقتان دەنساۋلىق تەكسەرىپ، ۇزدىكسىز تۇردە ءوزىنىڭ اۋەلگى ماقساتىن قاداعالاپ، اۋەلگى ماقساتىنان اينىماي، ۇزدىكسىز تۇردە بورىشتان بۇلجىماي، بورىش ارقالاپ، قاي - قاشان دا اۋەلگى ماقساتتا بەرىك بولۋعا، بورىشتى ارقالاۋعا تاربيەلەۋ، جەتەكتەۋ كەرەك. رايونىمىزداعى ءار ۇلت پارتيا مۇشەلەرى، كادرلار جابال مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ىشكەرىلەي ءتۇسىنىپ، نەگىزگى تاقىرىپتىق تاربيەنىڭ ناتيجەسىن بەكەمدەپ، كەڭەيتىپ، اۋەلگى ماقسات پەن بورىشتى قايراتتانا العا باساتىن، ءورىس اشا جاڭالىق اشاتىن رۋح جىگەرگە جانە دەن قويا قاجىرلىلىقپەن ىستەيتىن، شىنايى يگەرىپ، ناقتى ىستەيتىن تۇپكىلىكتى قوزعاۋشى كۇشكە ونان ارى اينالدىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا پارمەندى كۇش - قۋات توپتايمىز.
يدەيا - ساياسي جاقتا سىننان وتەمىز جانە شىڭدالامىز
”باس شۋجي شي جينپيڭ ’قالىڭ پارتيا مۇشەلەرى، كادرلار يدەيا - ساياسي جاقتا سىننان ءوتتى جانە شىڭدالدى‘ دەپ اتاپ كورسەتتى، بۇل جونىندە مەنىڭ اسەرىم تەرەڭ“. اقسۋ ايماقتىق ۇلت، ءدىن ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى الىمجان يگانباي بىلاي دەدى: اۋەلگى ماقساتتان اينىماۋدىڭ، بورىش ارقالاۋدىڭ يدەيالىق سانالىلىعى مەن ارەكەت سانالىلىعىن شىنايى كۇشەيتىپ، بۇقارامەن ىشكەرىلەي ارالاسۋعا، بۇقارا اراسىنا بارۋعا، بۇقارامەن بايلانىس ورناتۋعا، بۇقارامەن ىنتىماقتاسۋعا، بۇقاراعا قىزمەت وتەۋگە تاباندى بولىپ، ءار ۇلت بۇقاراسىن پارتيانىڭ توڭىرەگىنە تىعىز ىنتىماقتاستىرۋىمىز كەرەك.
”ءبىز مىندەت جاۋاپكەرشىلىگىنەن جازباي، كەدەيلەردى سۇيەمەلدەۋ، حالىق تۇرمىسى، قورشاعان ورتانى قورعاۋ سياقتى ءتۇيىندى سالالارداعى ’ايىقپاس اۋرۋ، كەتپەس كەسەلدەر‘دى كۇش سالا رەتتەپ، جونگە سالىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ويداعىداي شەشۋىمىز كەرەك“، - دەدى التاي ايماقتىق پارتكومنىڭ مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ ۋىنگۋاڭ.
شينجياڭ قازىنا - ەكونوميكا داشۋەسى مەكتەپتىڭ رەسمي ميكروبلوگى، مەكتەپ اۋلاسىنداعى LED ەكرانى ارقىلى ءسوزدىڭ تۇتاس ءماتىنىن جانە حاباردى دەرەۋ جالعاپ تاراتتى. شينجياڭ قازىنا - ەكونوميكا داشۋەسى پارتكومىنىڭ شۋجيى گى گو بىلاي دەدى: ”مەكتەپ پارتكومى نازاردى نەگىزگى تاقىرىپقا، نەگىزگى جەلىگە ۇزدىكسىز شوعىرلاندىرىپ، ونەگە كورسەتىپ ادام تاربيەلەۋدى ءتۇبىرلى مىندەت ەتىپ، نەگىزگى تاقىرىپتىق تاربيەدەن قاۋلاعان ىستىق ىنتانى مەكتەپتىڭ ءمان - مازمۇن قۇرىلىسىن، ءمان - مازمۇندىق دامۋىن ىلگەرىلەتۋدىڭ قۋاتتى قوزعاۋشى كۇشىنە اينالدىرىپ، مەكتەپ ىستەرىنىڭ تاعى دا تىڭ ساتىعا كوتەرىلۋىن ۇزدىكسىز ىلگەرىلەتەدى“.
ءىس تىندىرىپ، ناتيجە شىعاراتىن رۋح - جىگەردى بارىنشا سەرپىلتەمىز
قاشقار ايماقتىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگان پارتكومىنىڭ ارناۋلى مىندەتتەگى ورىنباسار شۋجيى، 4 - دارەجەلى تەكسەرۋ - زەرتتەۋشى چىن حايۋىن بىلاي دەدى: ”ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ كادرى رەتىندە، مەن باس شۋجيدىڭ تالابى بويىنشا، باتىل بولۋدى، ءىس تىندىرۋدى الدىڭعى ورىنعا قويۋدى ورىنداپ، باتىلدىقپەن جاۋاپكەرلىك ارقالاپ، شەبەرلىكپەن ءىس تىندىرىپ، ۇلكەن دۇرىس، ۇلكەن بۇرىس الدىندا ايقىن پوزيتسيا بىلدىرەمىن، قايشىلىق الدىندا قيىندىقتان تايسالماي باتىلدىقپەن العا ۇمتىلامىن، داعدارىس الدىندا باتىل كەۋدە كەرىپ العا شىعامىن، اعاتتىقتار الدىندا جاۋاپكەرشىلىكتى باتىل ارقالايمىن، بۇرىس ستيل، تەرىس پيعىلمەن باتىل كۇرەس جۇرگىزەمىن“.
تارباعاتاي ايماقتىق اكىمشىلىك مەكەمەسى كەڭسەسىنىڭ شاعانتوعاي اۋدانى جيەك قالاشىعى ورتا جيەك سولتۇستىك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى لي شينرۇڭ بىلاي دەدى: ”ءبىز نەگىزگى تاقىرىپتىق تاربيەنىڭ ناتيجەسىن حالىق ءۇشىن ناقتى ءىس ىستەۋگە تياناقتاندىرىپ، بۇقارانىڭ قاجەتىن بەلسەنە شەشتىك. 2019 - جىلى قىستاعىمىز سىرتتان ساۋداگەر شاقىرىپ، 6 ميلليون يۋاننان استام قارجى ەنگىزىپ، ءۇي قۇستارىنىڭ بالاپاندارىن شىعارۋ، جىلىجاي قالتقىلارى، كەپتىرىلگەن كوكونىستەردى وڭدەۋ، قالپىن وزگەرتپەي ساقتايتىن قويما سياقتى 5 كاسىپ نىسانىنا جۇمسادىق، سونداي - اق بارلىعىن سىرتقا كوتەرمەگە بەردىك، بۇل قىستاق كوللەكتيۆىنىڭ كىرىسىن جىلىنا 200 مىڭ يۋاننان استام ارتتىرا الادى“.
”نەگىزگى تاقىرىپتىق تاربيەدە ىلە پەداگوگيكا داشۋەسى ’ۇيرەنۋ جاعىندا كومەكتەسۋ - جەتەكشىلىك ەتۋ، يدەيالىق جاقتا تۇيتكىلدەردى ءتۇسىندىرۋ، تۇرمىستىق جاقتا قيىنشىلىقتارىن شەشۋگە كومەكتەسۋ، زاڭ - ءتۇزىم جاعىندا تۇسىندىرۋگە كومەكتەسۋ، پسيحيكالىق جاقتان كومەكتەسىپ جەتەلەۋ، كاسىپ جاعىندا كومەكتەسىپ جوسپارلاۋ‘ سياقتى شارالار ارقىلى وقۋشىلار ءجىتى قاداعالاپ وتىرعان ماسەلەلەر مەن ءۇمىت - تىلەكتەرىنە ىرىقتىلىقپەن جاۋاپ قاتتى“، - دەدى ىلە پەداگوگيكا داشۋەسىنىڭ وقىتۋشىسى ما چۇنچۇن، - ”بىلتىردان بەرى، مەكتەپتەگى وقىتۋشىلار وقۋشىلار ءۇشىن جالپى 325 يگى ءىس، ناقتى ءىس ىستەپ، 57 قايشىلىقتى، داۋ - شاردى شەشتى“.
ءتۇزىم تانىمىن كۇشەيتىپ، ءتۇزىمدى باتىل قورعايمىز
”باس شۋجي شي جينپيڭ ’اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، پارتيانىڭ ىشكى ءتۇزىمىن كەمەلدەندىرىپ جانە دامىتىپ، باياندى مەحانيزم قالىپتاستىرۋ كەرەك‘ دەپ اتاپ كورسەتتى“، - دەدى بۇراتالا موڭعۇل اۆتونوميالى وبلىسى ەكولوگيالىق قورشاعان ورتا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ماقسىرجاپ، - ”كەلەسى قادامدا، ءبىز ەكولوگيالىق قورشاعان ورتا فاكتورلارىنىڭ ءبۇلىنۋ تۇرلەرىنىڭ دەڭگەيىن بەكىتۋدى ارناعا ءتۇسىرۋ سياقتى جاقتاردا قىزمەت سەرپىنىن ارتتىرىپ، ەكولوگيالىق ورتاعا تولەم بەرۋ جانە ەكولوگيالىق ورتاعا سالعان زياندى تولەۋ ءتۇزىمىن تياناقتاندىرىپ، ەكولوگيالىق ورتانى قورعاۋدى بار كۇشپەن ويداعىداي ىستەيمىز“.
حىجيڭ اۋدانى كىرعۇت اۋىلدىق پارتكومنىڭ شۋجيى سۇڭ جيانجۇن بىلاي دەدى: بيىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەتىن، ”13 - بەسجىلدىق“ جوبا اياقتالاتىن جىل، مىندەت داڭقتى ءارى جاپالى. باس شۋجي شي جينپيڭنىڭ ماڭىزدى ءسوزىنىڭ رۋحى بويىنشا، قاشاندا ماسەلەلەرگە باعىتتاي وتىرىپ، قاشاندا ماسەلەلەردى قاداعالاي وتىرىپ تۇزەتىپ، كەدەيلىكتەن ارىلتۋدان قامال الۋ جەتىستىكتەرىنىڭ تاريحتىڭ سىنىنان وتۋىنە شىنايى كەپىلدىك ەتەمىز.
حوتان پەداگوگيكالىق ارناۋلى ماماندىق مەكتەبى پارتكومىنىڭ شۋجيى لي گولياڭ بىلاي دەدى: ”مەن باستاماشى بولا وتىرىپ ءتۇزىم تانىمىن كۇشەيتىپ، سانالى تۇردە ءتۇزىمدى ارداقتاپ، ءتۇزىمدى قاتاڭ اتقارىپ، ءتۇزىمدى باتىل قورعاپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىنىڭ تياناقتانۋىن، ناقتى اتقارىلۋىن ىلگەرىلەتىپ، تاڭداۋ جاساۋ، قۇبىلتۋ، قاز - قالپىندا اتقارماۋ قۇبىلىستارىن باتىل تيىپ، جوعارى ولشەممەن، قاتاڭ تالاپپەن بايان−دى مەحانيزمنىڭ ناقتىلانۋىن، تياناقتانۋىن ىلگەرىلەتەمىن“.
(تىلشىلەرىمىز ءپاريزات ابدۇل، شيا چيڭ، جاڭ تيڭ، جاۋ شييا، ەرىكتى تىلشىلەر تاڭ حۋارۇڭ، ۋاڭ جىحىڭ، ياڭ جيڭي، ليۋ ۋىنحۋا، ساۋ يگۋاڭ، حان ليڭ، جاڭ پەيچي جازعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
