ارميانى قۇدىرەتتەندىرۋگە جەتەكشى بولدى، قۇرىش قوسىن اسقاق ايبىنىن ايگىلەدى
− ءتوراعا شي جينپيڭنىڭ جاڭا داۋىردەگى اسكەري جاتتىعۋعا باسشىلىق ەتۋىنەن، ىلگەرىلەتۋىنەن ەستەلىك
2020.11.26 16:05 كەلۋ قاينارى : شينجياڭ گازەتى
□ شينحۋا اگەنتتىگىنىڭ تىلشىلەرى لي شۋەيۇڭ، لي شۋانلياڭ، مەي شىشيۇڭ، ازاتتىق ارميا گازەتىنىڭ تىلشىلەرى في شىيان، چيان زۇڭياڭ
كۇز اياعى، تاۋى مەن سۋى ءوزارا جاراسىپ، كورىك تالاستىرعان چاۋشاننىڭ بايتاق دالاسىندا ارميانى قۇدىرەتتەندىرىپ، جاتتىعۋعا جۇمىلدىرۋدىڭ ءداۋىر دابىلى قاعىلدى.
2020 - جىلى 10 - ايدىڭ 13 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چاۋشان وڭىرىندە تۇراتىن تەڭىز ارمياسىنىڭ قۇرلىق قوسىنىن كوزدەن كەشىردى. بۇرىننان ”كوگىلدىر وتتا شىڭدالعان وتكىر قىلىش“ دەگەن اتقا يە تەڭىز ارمياسىنىڭ قۇرلىق قوسىنى الدىندا، ءتوراعا شي جينپيڭ اسكەري جاتتىعۋدى قاداعالاپ، ماڭىزدى نۇسقاۋ بەردى −
”سوعىس ارقىلى جاتتىعۋعا جەتەكشىلىك ەتۋگە تاباندى بولىپ، مىندەت ارقىلى جەتەكتەۋدى كۇشەيتىپ، باعىتتامالى سيپاتتى، قارسىلاسۋ سيپاتتى جاتتىعۋدى كۇشەيتىپ، اسكەري ءبولىمدى قيىن، قاتاڭ ورتادا ىسىلدىرۋ جانە شىنىقتىرۋ كەرەك. سوعىس جۇرگىزۋ نازارياسى، جاتتىعۋ ۇلگىسى، مىندەتتى جىكتەۋ سياقتى جاقتاردا جاڭالىق اشۋدى ىلگەرىلەتىپ، جاتتىعۋ دەڭگەيى مەن ناقتى سوعىستىق قۋاتىن جوعارىلاتۋ كەرەك“.
باس قولباسشىنىڭ اسقاق، پارمەندى ۇندەۋى حالىق ارمياسىنىڭ اسكەر جاتتىقتىرۋ الاڭىندا تاعى ءبىر رەت اسقاقتاپ، جاڭا داۋىردەگى اسكەري جاتتىعۋعا باعدار كورسەتتى.
مەملەكەت قۇدىرەتتەنۋ ءۇشىن، ءسوز جوق، ارميانى قۇدىرەتتەندىرۋ، ارميانى قۇدىرەتتەندىرۋ ءۇشىن، ءسوز جوق، جاتتىعۋعا جۇمىلۋ كەرەك. پارتيا 18 - قۇرىلتايىنان بەرى تولقىن تۋلاعان نانحاي اسكەري پورتىنان مۇز قۇرسانعان تەرىستىك وڭىرگە دەيىن؛ شار تاراپقا بۇيرىق بەرىپ، شەشىم جاسايتىن قولباسشىلىق ورتالىقتان ايبىندى دا ارىندى اسكەر جاتتىقتىرۋدىڭ ءبىرىنشى شەبىنە دەيىن... ارميامىزدىڭ باس قولباسشىسى ءار جولى اسكەري بولىمدەرگە بارىپ تەكسەرۋ - زەرتتەۋ جۇرگىزگەندە، اسكەر جاتتىقتىرىپ سوعىسقا دايىندالۋدى باسا دارىپتەپ، اسكەري جاتتىعۋعا ايرىقشا نازار اۋدارىپ، وراسان زور ىنتا - ىقىلاس كورسەتىپ كەلەدى؛ زۇركىدەگى مايداندىق اسكەري پاراتتان نانحاي تەڭىز ايدىنىنداعى اسكەري پاراتتى كوزدەن كەشىرىپ، اسكەري جاتتىعۋعا جۇمىلدىرۋ جينالىسىن اشىپ، جاتتىعۋ بۇيرىعىن جاريالاعانعا دەيىن، ءتوراعا شي جينپيڭ ءداۋىردىڭ دامۋى مەن ستراتەگيالىق جالپى جاعداي تۇرعىسىنان اسكەري جاتتىعۋ جونىندە ءبىرسىپىرا ماڭىزدى بايىمداۋلار ورتاعا قويىپ، ءبىرسىپىرا ماڭىزدى شەشىمدەر جاساپ، ءبىرسىپىرا ماڭىزدى ارەكەتتەرگە قولباسشىلىق ەتىپ، بۇكىل ارميانىڭ ناقتى سوعىس ارقىلى اسكەر جاتتىقتىرۋ جولىنا نىق قاداممەن جەتەكشىلىك ەتتى.
ارميامىزدىڭ باس قولباسشىسى ارميانى قۇدىرەتتەندىرۋگە جەتەكشىلىك ەتىپ، وقۋ - جاتتىعۋدىڭ ءبىرىنشى شەبىندە قۇرىش قوسىندار جەر قايىستىردى. قولباسىلاردان جاۋىنگەرلەرگە دەيىن، ورگاننان نەگىزگى ساتىعا دەيىن، اسكەري بولىمنەن مەكتەپتەرگە دەيىن، بۇكىل ارمياداعىلار جوعارىدان تومەنگە دەيىن بۇيرىقتى ەستي سالا اتتانىسقا كەلىپ، بۇيرىق بويىنشا قيمىلداپ، ناقتى سوعىستىق جاتتىعۋدى، بىرلەسىپ سوعىس جۇرگىزىپ، بىرلەسىپ جاتتىعۋدى تەرەڭدەي ىلگەرىلەتىپ، سىناپ تەكسەرۋ سيپاتىنداعى، قارسىلاسۋ سيپاتىنداعى جاتتىعۋدى كۇشەيتىپ، توتەنشە جاعداي، سوعىستىق جاعداي بويىنشا جاتتىعۋدى كۇشەيتىپ، قاراۋىل ورىندارىندا اسكەر جاتتىقتىرىپ جۇيەلەۋدى، جالپىلاي سىناپ تەكسەرۋ بويىنشا جۇمىلدىرۋدى، جۇيەلىك سوعىس جۇرگىزۋ وقۋ - جاتتىعۋىن باستى تۇتقا ەتكەن بۇقارالىق اسكەر جاتتىقتىرۋ، ونەر سىناسۋ قيمىلىن كەڭىنەن ورىستەتتى... ۇلى داريانىڭ تۇستىگى مەن تەرىستىگىندەگى اسكەر جاتتىقتىرۋ الاڭدارىندا سوعىس دابىلى جورىققا شاقىرىپ، تۇس - تۇستان شايقاس ءتۇتىنى جالىنى كوتەرىلىپ، قۇرىش قوسىن جەر اپشىسىن قۋىرىپ، اسكەري كەمەلەر جۇيتكىپ، شايقاس قىراندارىنىڭ گۇرىلى اسپاندى جاڭعىرتىپ، جاڭا داۋىردە قاۋىرت اسكەر جاتتىقتىرۋدىڭ ايبىنى اسقاق كارتيناسى قۇلاشىن كەڭ جايىپ كەلەدى.
التىن كۇزدە پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى بەيجيڭدە اشىلدى. جالپى ءماجىلىس پارتيا مەن مەملەكەت ىستەرى جونىندە جالپى بەتتىك ورنالاستىرۋ جاسادى، مەملەكەت قورعانىسى مەن ارميا قۇرىلىسى جونىندە دە تىڭ تالاپتار قويدى −
”شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ... ماشينالانۋدىڭ، ينفورماتسيالانۋدىڭ، زەردەلىلەنۋدىڭ توعىسا دامۋىن جەدەلدەتىپ، اسكەر جاتتىقتىرىپ سوعىسقا دايىندالۋدى جالپى بەتتىك كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قابىلەتىن جوعارىلاتىپ، 2027 - جىلى ارميا قۇرىلعاندىعىنىڭ 100 جىلدىعى كۇرەس نىساناسىنىڭ جۇزەگە اسۋىنا شىنايى كەپىلدىك ەتۋ كەرەك“.
100 جىلدىقتى كوزدەي وتىرىپ جوبا كەسكىندەپ، اسقاق ايبىنمەن، ارشىندى قاداممەن تاعى دا جورىققا اتتاندى. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ پارمەندى باسشىلىعىندا، جاڭا داۋىردەگى اسكەري جاتتىعۋ ارميا قۇرىلعاندىعىنىڭ 100 جىلدىق كۇرەس نىساناسىنا قاراي ۇدەرە قادام تاستاۋدا.(شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
