- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءار ۇلت حالقى بەرەكە - بىرلىككە كەلىپ، زورلىقتى كۇش لاڭكەستىك قىلمىستارىمەن باتىل كۇرەسەيىك
امۋدين نياز
2014.05.27 16:51 كەلۋ قاينارى : ءتاڭىرتاۋ تورابى
22 - مامىر كۇنى تاڭەرتەڭ ءۇرىمجى قالاسىنىڭ سايباق رايونى باقشا سولتۇستىك كوشەسىندەگى تاڭعى بازاردا اۋىر زورلىقتى كۇش لاڭكەستىك دەلوسى تۋىلىپ، 39 ادام ءولىپ، 94 ادامنىڭ جارالانعانىن ەستىگەندە، قاتتى تىكسىندىم! تۇلا بويىمدى كەك كەرنەپ، زورلىقتى كۇش لاڭكەستەرىنە نالەت ايتتىم. بۇل جاڭا جۇڭگو قۇرىلعاننان بەرى شينجياڭدا تۋىلعان تاعى ءبىر رەتكى جيرەنىشتى زورلىقتى كۇش لاڭكەستىك دەلوسى، ولاردىڭ ماقساتى − ادامزاتتىڭ بەيبىت ءومىرىن ءبۇلدىرۋ. وسى ورايدا، قازا بولعان جازىقسىز جاندارعا قايعىلى ازا بىلدىرەمىن، قازا بولعانداردىڭ وتباسىنداعىلارعا شىنايى كوڭىل ايتىپ، جارالانعانداردان شىن جۇرەكتەن حال سۇرايمىن!
زورلىقتى كۇش لاڭكەستەرى ءار ۇلت حالقىنىڭ ورتاق جاۋى. باقشا سولتۇستىك كوشەسىندەگى تاڭعى بازار توڭىرەكتەگى جۇرتشىلىقتىڭ ساۋدا جاساسىپ، تۇرمىسقا كەرەكتى زاتتار ساتىپ الاتىن ورتاسى، ولار قاراپايىم دا اق كوڭىل ەڭبەكشىلەر، سوندىقتان جازىقسىز جانداردى قىناداي قىرعان وسى زورلىقتى كۇش لاڭكەستەرىنە نالەت ايتۋعا ءتيىسپىز. ءبىز ءبارىمىز دە ادامبىز، ادام قاشاندا ءتۇرلى - ءتۇستى سەبەپپەن بۇل دۇنيەگە قوش ايتادى. ادام جاسى جەتىپ باقيلىق بولسا، تۋىس - تۋعاندارى سابىردان جازباي، مايىتپەن دۇرىستاپ قوشتاسىپ، ازا بىلدىرەدى. ايتسە دە ولار قانقۇيلى سودىرلاردىڭ قولىنان جازىم بولىپ، كوزدى اشىپ - جۇمعانشا ومىردەن ءوتىپ كەتسە، تۋىس - تۋعاندارىنىڭ اۋىر قايعىعا باتاتىنى داۋسىز.
سوندىقتان ادامگەرشىلىكتەن بەزگەن لاڭكەستەرگە مەيلىنشە نالەت جاۋدىرىپ، قارعىس ايتامىز! قان قارىزى جىبەرمەيدى، جازىقسىز جانداردىڭ كەگىن قايتارۋ بۇلجىماس ءىس. «22 - مامىر» اۋىر زورلىقتى كۇش لاڭكەستىك دەلوسىن تۋدىرعان قىلمىس كۇماندىلارى، ءسوزسىز، زاڭ بويىنشا قاتاڭ جازالانۋى كەرەك! بۇل مەنىڭ عانا ەمەس، بارشا حالىق جۇرتشىلىعىنىڭ ورتاق تالابى!
بىلتىر 31 - شىلدەدە اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 3 - ءماجىلىسى «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ نەگىزگى زاڭ مەن زاڭداردىڭ بەدەلىن باتىل قورعاپ، زورلىقتى كۇش لاڭكەستىك قىلمىسىنا زاڭ بويىنشا قاتاڭ سوققى بەرۋ جونىندەگى قارارىن» ماقۇلدادى، مۇنىڭ 3 - تارماعىندا: «زورلىقتى كۇش لاڭكەستىك قىلمىستىق ارەكەتتەرىنە زاڭ بويىنشا قاتاڭ سوققى بەرىپ، پارتيا مەن مەملەكەتتىڭ ءدىندى باسقارۋ جاعىنداعى زاڭ - ەرەجەلەرى مەن ساياساتتارىن جاپپاي اتقارىپ، ءار ۇلت حالقىنىڭ ءدىني سەنىمىن جانە ورىندى ءدىني قيمىلداردى زاڭ بويىنشا قورعاپ، زاڭسىز ءدىني قيمىلداردى زاڭ بويىنشا شەكتەپ، ءدىني ۇشقارى يدەيالاردىڭ سىنالاپ كىرۋىنە باتىل قارسى تۇرىپ، دىننەن پايدالانىپ بولشەكتەۋ، ءبۇلدىرۋ ارەكەتتەرىمەن جانە زورلىقتى كۇش لاڭكەستىك قىلمىستىق ارەكەتتەرىمەن اينالىسۋعا قاتاڭ سوققى بەرىپ، ءدىننىڭ قالىپتى ءتارتىبىن قورعاۋ كەرەك» دەپ ايقىن اتاپ كورسەتىلگەن.
سيپاتى ەرەكشە اۋىر زورلىقتى كۇش لاڭكەستىك دەلوسى زورلىقتى كۇش لاڭكەستەرىنىڭ ادامزاتقا، قوعامعا، وركەنيەتكە قارسى قانقۇيلى تابيعاتى مەن جاۋىز كەسپىرىن تاعى ءبىر رەت ايپاراداي اشىپ تاستاپ، ەلىمىزدىڭ ءىشى - سىرتىنداعى جاۋ كۇشتەردىڭ ارانداتۋ، جەلىكتىرۋ ارەكەتتەرىن ەشقاشان توقتاتپاعانىن قايتالاي ءتۇسىندىردى. ولار بار ايلا - شارعىسىمەن كەدەرگىلىك جاساپ، اڭگىمە شىعارىپ، بىلىقپالىق تۋدىردى، قانقۇيلى تاسىلدەر قولدانىپ، جازىقسىز جانداردى زاقىمدادى، ولار شينجياڭداعى ءار ۇلت حالقىنىڭ ورتاق جاۋى. زورلىقتى كۇش لاڭكەستىك ارەكەتتەرى شينجياڭداعى ءار ۇلت حالقىنىڭ ىنتىماعىنا، قوعامنىڭ ورنىقتىلىعىنا ىقپال جاسايتىن وراسان زور ناقتى قاتەر. ءبىزدىڭ زورلىقتى كۇش لاڭكەستىگىنە قارسى كۇرەسىمىز ۇلت ماسەلەسى دە، ءدىن ماسەلەسى دە ەمەس، وتاننىڭ بىرلىگى مەن ۇلتتاردىڭ ىنتىماعىن قورعاۋ جولىنداعى ولىسپەي - بەرىسپەيتىن ساياسي كۇرەس. زورلىقتى كۇش لاڭكەستەرىنىڭ حالىقپەن اشىقتان - اشىق جاۋلاسىپ، ۇلتتاردىڭ ۇلى ىنتىماعىن قاساقانا ءبۇلدىرىپ، ءار ۇلت جۇرتشىلىعىنىڭ ءتۇبىرلى مۇددەسىنە اۋىر قاتەر ءتوندىرۋى اۆتونوميالى رايونىمىزداعى ءار ۇلت حالقىنىڭ قارعىسىنا ۇشىرادى، قىلمىستىلار قانشا قاتىگەز، جاۋىز بولعانمەن، ولارعا، ءسوزسىز، سىلەيتە سوققى بەرىلەدى.
بەرتىنگى جىلدارى زورلىقتى كۇش لاڭكەستىك دەلولارى ىركەس - تىركەس تۋىلدى. زورلىقتى كۇش لاڭكەستەرى نەگە قايتا - قايتا پالە شىعارىپ، قوعامنىڭ ورنىقتىلىعىن بۇلدىرە بەرەدى؟ ادام ولتىرسە، شىنىمەن، جانناتقا كىرە مە؟ ءىسلام ءدىنىنىڭ قاسيەتتى كىتابى «قۇران كارىمدە»: كىم كىسى ولتىرمەگەن نەمەسە جەر جۇزىندە بۇزاقىلىق قىلماعان بىرەۋدى ولتىرسە، وندا شىنايى تۇردە بارلىق ادامدى ولتىرگەنمەن جانە كىم ونى تىرىلتسە، بارلىق ادامدى تىرىلتكەنمەن تەڭ، - دەلىنگەن. «قۇران كارىمدە» تەرىس ۋاعىزداردان اۋلاق بولۋ دا ايتىلىپ، سەنىم قاعيدالارىنان اۋىتقۋدىڭ كۇنا ەكەنى اتاپ كورسەتىلگەن. جازىقسىز جانداردى قىناداي قىرعان زورلىقتى كۇش لاڭكەستەرى تيتتەي دە شىمىرىكپەستەن وزدەرىن «مۇسىلمان» اتايدى ەكەن، ءبىراق ولاردىڭ جاۋىزدىعىن مۇسىلماندىققا جاتقىزۋعا بولا ما؟! ولار ءدىندى جەلەۋ ەتىپ، ادامزاتتىڭ بەيبىتشىلىگىنە قارسى تۇرىپ، ىلگەرى وركەنيەتتى كەرى شەگىندىرمەك بولعاندار. ولاردىڭ ارەكەتتەرى اۋعانستان سياقتى ەلدەردىڭ قازىرگى مەشەۋ جاعدايىن كوز الدىمىزعا اكەلىپ، 17 - عاسىردا شينجياڭدا بيلىك جۇرگىزگەن يشانداردى ەسىمىزگە سالدى، ولاردىڭ قارا تۇنەك ۇستەمدىگى ۇلتىمىزدىڭ مادەنيەتىن نەشە ءجۇز جىل كەرى شەگىندىردى، ونداي ۇرەيلى زاماننىڭ قايتا ورالۋىن استە تىلەمەيمىز. سوندىقتان ءبىز بەرەكە - بىرلىككە كەلىپ، زورلىقتى كۇش لاڭكەستەرىنە باتىل سوققى بەرۋىمىز كەرەك.
زورلىقتى كۇش لاڭكەستەرىمەن كۇرەس − ولىسپەي - بىتىسپەيتىن كۇرەس، ول وسىمەن اياقتاپ قالمايدى. حالىقاراداعى «ءۇش ءتۇرلى كۇشتىڭ» كوزى جويىلماي، شينجياڭداعى «ءۇش ءتۇرلى كۇش»، اسىرەسە، ءدىني ۇشقارىلار استە تىنىش جاتپايدى. وسى ورايدا، بۇكىل شينجياڭداعى ءار ۇلت حالقىن، ۇيعۇر باۋىرلاستارىمدى ءدىن تونىن جامىلعان، دىننەن پايدالانىپ ۇلت ارازدىعىن تۋدىرعان ايتىلمىس «ءدىني قايراتكەرلەردەن»، ءدىني ۇشقارىلاردان ەرەكشە قىراعى بولۋعا ۇندەيمىن.
قوعامنىڭ ورنىقتىلىعى مەن حالىقتىڭ بەيمارال ءومىرىن ساقتاۋ ءۇشىن ۇكىمەت تاراۋلارىنىڭ عانا كۇشىنە سۇيەنۋگە بولمايدى، ءار ۇلت جۇرتشىلىعىنىڭ سەزگىرلىگى مەن قىراعىلىعى دا ەرەكشە ماڭىزدى. سەرگەك، قىراعى بولساق، كوزىمىز وتكىر، قۇلاعىمىز ساق بولادى دا، جاۋعا وڭاي - وسپاق الدانبايمىز جانە الدىمەن قارمانىپ، جاۋدى تاس - تالقان ەتە الامىز. «شينجياڭ گازەتى»
(اۆتور اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى مەڭگەرۋشىسى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
