- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وقۋشىلار ديكلاماتسيا تاسىلىمەن 22-مامىر كۇنگى زورلىقتى كۇش لاڭكەستىك شابۋىل جاساۋ دەلوسىنا نالەت جاۋدىردى
2014.05.29 13:46 كەلۋ قاينارى : شينجياڭ حالىق راديو ستانسياسى تورابى
24-مامىر تۇستەن بۇرىن، شينجياڭ كوركەمونەر ينيستيتۋتىنداعى ءار ۇلت وقۋشىلارى وزدەرى دايىنداعان تۋىندى «زورلىقتى كۇش لاڭكەستەرى زاۋالعا بەت الدىڭدار!» دەگەن تاقىرىپتاعى ولەڭىن وقىدى. ولار ديكلاماتسيا تاسىلىمەن 22-مامىر كۇنگى زورلىقتى كۇش لاڭكەستىك شابۋىل جاساۋ دەلوسىنا نالەت جاۋدىردى. تۇستەن بۇرىن ساعات 12 دە شينجياڭ كوركەمونەر ينيستيتۋتى مۋزىكا زالىنىڭ ساحناسىندا، ءار ۇلتتان قۇرام تاپقان جۇزدەگەن وقۋشى بۇكىل ىنتا-پەيىلىمەن ديكلاماتسياعا جاتتىقتى، بۇل وقۋشىلار جازعان «زورلىقتى كۇش لاڭكەستەرى زاۋالعا بەت الدىڭدار!» دەگەن ولەڭ ەدى. شينجياڭ كوركەمونەر ينيستيتۋتى جاستار وداعى كوميتەتىنىڭ ورىنباسار شۋجيى راحمانجان جۇما وسى رەتكى ديكلاماتسيا قيمىلىن ۇيىمداستىرۋشى. ول بىلاي دەدى:« 22-مامىردا ءۇرىمجى قالاسىنىڭ باقشا سولتۇستىك كوشەسىندە زورلىقتى كۇش لاڭكەستىك وقيعاسى تۋىلعاننان كەيىن شينجياڭ كوركەمونەر ينيستيتۋتىنداعى وقىتۋشىلار مەن وقۋشىلاردىڭ زىعىردانى قايناپ، ساباقتاستار تۇرلىشە تاسىلمەن بۇل وقيعا جونىندە پوزيتسياسىن ءبىلدىرىپ، مۇنى سيپاتى توتەنشە اۋىر زورلىقتى كۇش لاڭكەستىك وقيعاسى دەپ تانىدى، ءارى بۇلىكشىلەرءار قانداي ءبىر ۇلتقا ۋاكىلدىك ەتە المايدى دەپ قارادى. وسى وقيعا تۋىلعاننان كەيىن ينيستيتۋتتىڭ ابزالدىلىعىنان پايدالانىپ ساباقتاستاردى ۇيىمداستىرىپ، «زورلىقتى كۇش لاڭكەستەرى زاۋالعا بەت الدىڭدار!» دەگەن ولەڭدى جازىپ شىقتىق، سونان تۇتاس ينيستيتۋتتاعى ءار ۇلتتان، ۇقساماعان كاسىپتەگى ساباقتاستار بىرلىكتە وسى ولەڭدى وقۋعا جاتتىقتى. ءبىز وسىنداي تاسىلمەن زورلىقتى كۇش لاڭكەستىك ارەكەتتەرىن ايىپتادىق. زورلىقتى كۇش لاڭكەستەرىنىڭ ءبىزدىڭ تىنىش تا ىنتىماقتى تاماشا تۇرمىسمىزدى بۇلدىرە المايتىندىعىنا، ءار ۇلت حالقىنىڭ بىرلىكتە كورىكتى شينجياڭ قۇرۋ سىندى تاماشا سەنىمىن مۇقالتا المايتىندىعىنا كامىل سەنەمىز».شينجياڭ كوركەمونەر ينيستيتۋتىنىڭ ديكتورلار كلاسىندا وقيتىن ۇيعۇر ستۋدەنت ءاليجان يىلحام ديكلاماتسياشىلار قوسىنى اراسىندا ءار ۇلت ساباقتاستارىمەن بىرگە وقىتۋشى ريزا بولعانعا دەيىن قايتا-قايتا جاتتىعۋ جاسادى. ول: «مەنىڭشە وسى ولەڭ شينجياڭ كوركەمونەر ينيستيتۋتىنداعى بارلىق ستۋدەنتتەردىڭ جۇرەك جاردى لەبىزى، وسى ولەڭدى وقۋ بارىسىندا لاڭكەستەرگە ەرەكشە كەكتەندىم، زورلىقتى كۇش لاڭكەستەرىنىڭ باۋىرلاستارىمىزعا، تۋىس-تۋعانىمىزعا، دوستارىمىزعا زيانكەستىك جاساعانىنا قاتتى قايعىردىم، زورلىقتى كۇش لاڭكەستەرىنە سىلەيتە سوققى بەرۋ كەرەك. ورتالىقتىڭ شەشىمى مەن قولدانعان شاراسىنا قۋاندىم، شينجياڭنىڭ بولاشاعىنىڭ بارعان سايىن نۇرلى بولاتىنىنا كامىل سەنەمىن»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved