- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، شينجياڭ قوعامىنىڭ ورنىقتىلىعى مەن باياندى تىنشتىعىن اناعۇرلىم ىلگەرلەتۋ قىزمەتىن اقىلداستى
2014.05.28 16:08 كەلۋ قاينارى : شينجياڭ حالىق راديو ستانسياسى تورابى
ج ك پ ورتالىق كوميتەتىنىڭ ساياسي بيۋروسى 26-مامىر ءماجىلىس اشىپ، شينجياڭ قوعامىنىڭ ورنىقتىلىعى مەن باياندى تىنشتىعىن اناعۇرلىم ىلگەرلەتۋ قىزمەتىن اقىلداستى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى. ماجىلىستە بىلاي دەپ قارالدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. شينجياڭنىڭ دامۋى مەن ورنىقتىلىعى تۇتاس ەلىمىزدىڭ رەفورما، دامۋ، ورنىقتىلىق جالپى جاعدايىمەن، وتاننىڭ تۇتاستىعىمەن، ۇلتتار ىنتىماعىمەن، مەملەكەتتىڭ حاۋىپسىزدىگىمەن قاتىستى. قازىر شينجياڭنىڭ دامۋ جاعدايى جاقسى، قوعامدىق جالپى جاعداي ورنىقتى. ءاماليات، ورتالىقتىڭ شينجياڭ قىزمەتى جونىندەگى ماڭىزدى ساياساتى مەن باعىتىنىڭ دۇرىس ەكەنىن سپاتتادى. سونىمەن بىرگە، شينجياڭنىڭ بولشەكتەۋشىلىككە قارسى تۇرۋ كۇرەسىنىڭ ۇزاق ۋاقىتتىلىعى، كۇردەلىلىگى، قيانكەسكىلىگىن جەتە ءتۇسىنىپ، شينجياڭ قوعامىنىڭ ورنىقتىلىعىن قورعاۋ مەن باياندى تىنشتىقتى جۇزەگە اسىرۋداعى ماڭىزدىلىعى مەن كوكەيتەستىلىگىن جىعا تانىپ، شينجياڭ قىزمەتىنىڭ شىعار ءتۇيىنى مەن تابان تىرەر تياناعىن قوعامنىڭ ورنىقتىلىعىنا جانە باياندى تىنىشتىققا شوعىرلاندىرۋ كەرەك. تۇتاس پارتياداعى جولداستار شينجياڭ قوعامىنىڭ ورنىقتىلىعىن قورعاۋ مەن باياندى تىنىشتىقتى ىسكە اسىرۋدىڭ پارتيامىزدىڭ شينجياڭدى باسقارۋ تاكتيكاسىنىڭ باعدارى جانە نىساناسى ەكەندىگىن، شينجياڭداعى ءار ۇلت كادىرلارى مەن بۇقاراسىنىڭ كوكەيتەستى تىلەگى، شينجياڭنىڭ سەكىرمەلى دامۋىنىڭ ماڭىزدى كەپىلى ەكەندىگىن جەتە تانۋى كەرەك. ۇلتتىق بولشەكتەۋ ارەكەتتەرىنە باتىل قارسى تۇرىپ جانە زاڭ بويىنشا قاتاڭ سوققى بەرىپ، ۇلتتار ىنتىماعى مەن وتان تۇتاستىعىن قورعاۋ قاجەت. زورلىقتى كۇش لاڭكەستىك ارەكەتتەرىنە سىلەيتە سوققى بەرۋدى كەزەكتەگى كۇرەستىڭ ءتۇيىنى ەتىپ، ءدىني ۇشقارى كۇشتەردىڭ جالبىزبالاپ كىرۋى مەن تارالۋىن جانە زورلىقتى كۇش لاڭكەستىك ارەكەتتەرىن تەجەپ، ۇزاق مەرزىمدىك شايقاس جاساۋ بەكىمىنە كەلىپ، ءسوزسىز جەڭۋ سەنىمىن بەكەمدەپ، شينجياڭنىڭ باياندى تىنىشتىعىنا قاتىستى ءتۇرلى قىزمەتتەردى تىڭعىلىقتى ويداعىداي ىستەۋ كەرەك. ماجىلىستە بىلاي دەپ اتاپ كورسەتىلدى: جاڭا جاعدايداعى شينجياڭ قىزمەتىن ويداعىداي ىستەۋدە ءسوزجوق جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلىمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن ىشكەرلەي ۇيرەنىپ جانە دايەكتىلەندىرىپ، ورتالىقتىڭ شينجياڭ قىزمەتى جونىندەگى ماڭىزدى ساياساتى باعىتىن باتىل اتقارىپ، قوعام ورنىقتىلىعى مەن باياندى تىنشتىق سىندى باس نىسانانى ارقاۋ ەتىپ، شينجياڭنىڭ باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرلەتۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، ۇلتتار ىنتىماعىن ىلگەرىلەتۋ، ءدىني ۇشقارى يدەيانىڭ تارالۋىن تەجەۋ سياقتىلاردى ءتۇيىن ەتىپ،شينجياڭدى زاڭ بويىنشا باسقارۋعا جانە ىنتىماقتاسىپ شينجياڭدى كوركەيتۋگە تاباندى بولىپ، ىنتىماقتى دا جاراسىمدى، گۇلدەنىپ كوركەيگەن، مادەنيەتتى العا باسقان، حالىق تىنىش تا الاڭسىز تىرشلىك ەتەتىن سوتسياليستىك شينجياڭدى كۇش سالا قۇرۋ كەرەك. ماجىلىستە بىلاي دەپ باسا دارىپتەلدى: پارتيانىڭ ۇلت ساياساتىن جاپپاي دايەكتى اتقارىپ، ۇلتتار ىنتىماعىن ءار ۇلت حالقىنىڭ جان تامىرى دەپ ءبىلىپ،ونى شينجياڭ قىزمەتىنىڭ ءار جاعىمەن تۇتاستىرىپ، ۇلتتار ىنتىماعى قىزمەتىن كۇشەيتىپ جانە وعان جاڭالىق ەنگىزىپ، قوس ءتىل وقىتۋىن پارمەندى ىلگەرلەتىپ، ءار ۇلت توعىسقان قوعامدىق قۇرىلىم مەن الەۋمەتتىك ورتا قۇرىپ، ءار ۇلتتىڭ قارىم-قاتىناس جاساۋ، پىكىرلەسۋ، ارالاسۋىن جەبەپ، تەرەزەسى تەڭ، ىنتىماقتى، ءوزارا كومەكتەسەتىن، جاراسىمدى سوتسياليستىك ۇلت قاتىناسىن بەكەمدەۋ كەرەك. پارتيانىڭ ءدىن قىزمەتىنىڭ نەگىزگى باعىتىنا تاباندى بولىپ، زاڭدى قيمىلداردى قورعاۋعا، زاڭسىز قيمىلداردى شەكتەۋگە، ۇشقارىلىقتى تەجەۋگە، جالبىزبالاپ كىرۋدى توسۋعا، قىلمىستى ارەكەتتەرگە سوققى بەرۋگە تاباندى بولىپ، وتانشىل ءدىني قايراتكەرلەردى تاربيەلەۋ-باۋلۋ تەبىنىن ارتتىرىپ، ءدىننىڭ جاراسىمدىلىعىن كۇش سالا ىلگەرىلەتۋ كەرەك. ماجىلىستە مىنالار اتاپ كورسەتىلدى: حالىق تۇرمىسىن جاقسارتۋدى ارقاۋ ەتىپ عىلىمي دامۋدى جەبەپ، كاسىپتەندىرۋدى ماڭداي الدى ورىنعا قويۋدا تاباندى بولىپ، بىردە-ءبىر ادامى كاسىپتەنبەگەن وتباستارىنان كەم دەگەندە ءبىر ادامدى كاسىپتەندىرۋ؛ وقۋ-اعارتۋدى الدىمەن دامىتۋدا تاباندى بولىپ، شينجياڭداعى ءار دارەجەلى ءتۇرلى مەكتەپتەردىڭ وقىتۋ ساپاسىن جاپپاي جوعارىلاتىپ، ەگىن-مال شارۋاشىلىق رايوندارى مەن شەت شالعاي رايونداردا جاتاقتى مەكتەپ قۇرىلىسىن كۇشەيتىپ، وڭتۇستىك شينجياڭداعى ورتا مەكتەپتەردە اقىسىز وقىتۋدى جاپپاي اتقارۋ؛ دامۋدىڭ جەتىستىكتەرىنەن ءار ۇلت جۇرتشىلىعىن يگىلىكتەندىرۋدە تاباندى بولىپ، حالىق تۇرمىسى قۇرىلىسى تەبىنىن ارتتىرىپ، ءار ۇلت جۇرتشىلىعىنا تيىمدىلىك اپەرەتىن ماڭىزدى نىسان قۇرىلىستارىن جەدەل ىلگەرىلەتىپ، بايلىقتى اشىپ پايدالانۋ بارىسىندا جەرگىلىكتى ورىنداعىلاردىڭ قاتىسۋ دارەجەسىن جوعارىلاتۋ، شينجياڭنىڭ سىرتقا ەسىك اشۋ قادامىن جەدەلدەتۋ؛ باياندى دامۋعا تاباندى بولىپ، سۋ توپىراق بايلىعىن ۇيلەسىمدى ۇلەستىرۋگە، بايلىقتان ءونىمدى پايدالانىپ، قورشاعان ورتانى قورعاپ، ەسىكتى ايقارا اشۋ ستراتەگياسىندا تاباندى بولىپ، شينجياڭدا جىبەك جولى ەكونوميكالىق بەلدەۋىندەگى وزەكتى رايون قۇرۋعا كۇش سالۋ كەرەك.ماجىلىستە مىنالار باسا دارىپتەلدى، قوعامدى باسقارۋدى كۇشەيتىپ جانە جاڭالىق جاراتىپ، الدىن الۋ تىزگىندەۋدى كۇشەيتىپ، توراپتى حاۋىپسىز باقىلاپ باسقارىپ، زاڭ-ءتۇزىم ۇگىت تاربيەسىن ىشكەرىلەي ورىستەتىپ، ارناۋلى سوققى بەرۋ ارەكەتىن شوعىرلى ورىستەتىپ، «ءۇش ءتۇرلى كۇشكە» قاتاڭ سوققى بەرۋ جاعدايىن ساقتاپ، لاڭكەستىك ارەكەتتىڭ شينجياڭدا كوپ تۋىلۋ، ۇنەمى تۋىلۋ جانە ىشكى ولكەلەرگە كەڭەيۋ جاعدايىن ءونىمدى تەجەۋ ءتيىس. يديولوگيا سالاسى قىزمەتىن كۇشەيتىپ، سوتسياليستىك وزەكتى قۇن جۇيەسى ارقىلى شينجياڭداعى ءار ۇلت حالقىنا ورتاق رۋحاني مەكەن قۇرىپ، ۇگىت،مادەنيەت، وقۋ-اعارتۋ شەبىن بەرىك يەلەۋ كەرەك.ماجىلىستە بىلاي دەپ ەسەپتەلدى، ەرەكشە شارا قولدانىپ وڭتۇستىك شينجياڭنىڭ دامۋ ىستەرىپ قولداپ، كەدەيلەردى ءتۇيىن ەتكەن حالىق تۇرمىسىن جاقسارتۋ تەبىنىن كۇشەيتۋ قاجەت. بيڭتۋاننىڭ ورنىقتىلىقتى ساقتاۋ شەكارا رايوندى گۇلدەندىرۋ رولى قۇرىلىسىن كۇشەيتىپ، وتاننىڭ تۇتاستىعىن قورعاۋ، ۇلتتار ىنتىماىعىن قورعاۋ، شينجياڭنىڭ ورنىقتىلىعىن قورعاۋداعى ەرەكشە ماڭىزدى رولىن شىنايى ساۋلەلەندىرۋ كەرەك.ماجىلىستە مىنالار باسا دارىپتەلدى، شينجياڭ قىزمەتىن ويداعىداي ىستەۋدىڭ تەتىگى ـــــ پارتيادا، نەگىزى ـــــ مىقتى كادىرلار قوسىنىندا، قاتاڭ نەگىزگى ساتى ۇيىمدىق جۇيەدە، ءونىمدى بۇقارالىق قىزمەت مەحانيزىمىندە. بارتيانىڭ باسشىلىعىن، باسشىلىق القا مەن كادىرلار قۇسىنى قۇرىلىسن، نەگىزگى ساتى ۇيىمى مەن اكىميات قۇرىلىسىن كۇشەيتىپ، كادىرلار ستيلىن شىن مانىندە جاقسارىپ، شينجياڭنىڭ قوعام ورنىقتىلىعى مەن باياندى تىنىشتىعىن بەرىك ساياسي، يدەيا جانە ۇيىمدىق جاقتان كەپىلدىككە يە ەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
