- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قوعامنىڭ تىنىشتىعى-وتباسىنىڭ باقتى
2014.06.17 15:20 كەلۋ قاينارى : شينجياڭ حالىق راديو ستانسياسى تورابى
ءار قانداي ءبىر ازامات ءوز ەلىندە، اتا مەكەنىندە، تۋىپ وسكەن ورتاسىندا ەسەلى ەڭبەك ەتىپ، حالىق قالاۋىنان شىعىپ، باسقالار ءۇشىن باقىت-بايلىق جاراتا السا، ەلى ءۇشىن ەڭىرەپ تۋعان ەر دەپ سونى ايتۋعا بولادى. سونداي-اق، ولاردىڭ ەل-جۇرتى مەن وتانىنا قوسقان ۇلەسى-ءوز باسىنىڭ ابىرويىن اسقاقتاتىپ عانا قالماستان، ەل-جۇرتىنىڭ، تۋىس-تۋعاندارىنىڭ دا مارقا كوڭىل ماقتانىشى بولارى ايدان انىق بولمىس. دەمەك، مۇنداي قوعامدىق-الەۋمەتتىك ابىرويعا يە بولعان ازاماتتاردىڭ قاي-قايسىنىڭ دا وتباسىنىڭ ءتۇتىنى ءتۇزۋ ۇشىپ، بوساعاسى بەرىك بولىپ، اياۋلى انا وتانىنىڭ ايالى الاقانىندا ءوز ابىرويىن ورناتىپ، شارۋاشىلىعىن شالقىتىپ وتىرعانى ءوز ورتامىزدان كورىنىپ، تابىلىپ جاتادى. مىنە وسىنىڭ ءبارى دە تىنىش ورتا، بەرەكەلى قوعام جانە كەمەلدەنگەن زاڭ-ءتۇزىم مەن وسكەلەڭ قوعامدىق ءمورالدىڭ جەمىستى ناتيجەسىنەن دەرەك بەرەدى. الايدا، دوسىنا قاس ىزدەگەن، ەل ىرگەسىن ىرىتكەن، وتانىنا وپاسىزدىق جاسايتىن، بولشەكتەۋشىلىكپەن شۇعىلدانىپ، بەي-كۇنا ادامداردى شىرقىن بۇزىپ، قاندى وقيعا تۇدىرۋدى جوبالاپ، ساناسى تومەن، مادەنيەتتە مەشەۋ باسقالاردى ايتاقتاپ سالىپ، وزدەرى پەردە ارتىندا جاسىرىنىپ تۇرعان ات توبەلىندەي جالماۋىزداردىڭ جەركەنىشتى قىلىقتارى قاشاندا، جەڭىلىسپەن تىنارى تاريحي دەرەكتەردە دالەلدەنىپ بولعان. دانا حالقىمىز: «وپاسىزعا ويماقتاي ورىن جوق»، «حالقىن قادىرلەمەگەن كومۋسىز قالادى»، «قارعىس العان قان جۇتادى»-دەپ وتان ساتقىندارىن، قان-قۇيلى قاندىقول قانپەزەر ەلەمەنىتتەردى وتكىر تىلمەن بەزەپ، شىنبايىنا باتىرىپ، سىلەيتە سوققى بەرىپ، ارام پيعىلدارىن اشكەرلەپ باس كوتەرتپەستەي ەتىپ قۇيعا باتىرعان. ۇرىمجىدە تۋىلعان «22-مامىر» اۋىر لاڭكەستىك وقيعاسى شىنىندا ادامدى اشىندىرادى جانە كەكتەندىرەدى. ەلىمىز كولەمىندە وسى تەكتەس تۋىلعان وقيعالاردىڭ بارلىعىنا، حالقارالىق ۇيىمدار، ءدىنني قايراتكەرلەر، وتان توپىراعىندا جاساپ جاتقان ءار ۇلت حالقى تۇگەل نالەت جاۋدىرىپ، تۇتاس ادامزاتقا وتاسا المايتىن قانپەزەر، ات توبەلىندەي لاڭكەستەردىڭ تۋدىرىپ وتىرعان بولشەكتەۋشىلدىك ارەكەتى ەكەندىگىن ءار قىرىنان دالەلدەپ وتىرعانى جۇرتقا ايان. مەيلى قاي تۇرعىدان الىپ ايتساق تا، كۇناسىز بەيكۇنا حالىقتىڭ تۇرمىس ورتاسىن ءبۇلدىرىپ، ومىرىنە قاتەر ءتوندىرىپ، وتباسىن ويرانداپ، قايعى-قاسىرەتشەكتىرۋ كىم-كىمنىڭ دە كوڭىلىنە جاقپايدى، اشىندىرادى، وكىندىرەدى، كەكتەندىرەدى. شىنىن ايتقاندا، وسىنداي ءبىر ۇلى وتانىمىز توپىراعىندا، قوي ۇستىنە بوزتورعاي جۇمىرتقالاعان، حالىقى باياشاتتى ومىرگە بەت العان جاعدايدا، ەلىمىزدەگى ءار ۇلت حالقى ءبىر جەڭنەن قول، ءبىر جاعادان باس شىعارىپ، ءبىر نيەت، ءبىر تىلەكتە بولا وتىرىپ، ارشىندى قاداممەن ۇدىرە العا باسۋىمىز كەرەك. باياشات تۇرمىسقا باس بۇيداگەر بولعان جۇڭگو كوممونىستىك پارتياسىنىڭ دانا دۇرىس باسشىلىعى بولعاندا عانا، وتانىمىزداعى ءار ۇلت حالقىنىڭ تۇرمىسى گۇلدەنگەن، ومىرى ءمان مەن سانگە تولعان، باياندى دا، باقىتتى باي تۇرمىس ورتاسى قالىپتاسىپ، بەيبت تە تىنىش ورتامىزدا ۇدىرە العا باساتىندىعىمىز بۇلتارماس شىندىق.ات توبەلىندەي «ۇش ءتۇرلى كۇش» لاڭكەستەرىنىڭ ساناسى تومەن ادامداردى الداپ-ارباپ ايتاقتاپ، جالعان كەرباقپا ءدىنني ۋاعىز تاراتىپ، ادامداردىڭ كوزىن كولەگەيلەگەن، جەكسۇرىن ارەكەتتەرى ءار قاشان ۇزاققا بارمايدى. حالىق-قاشاندا جەڭىمپاز كۇش. حالىق جاۋى قاشاندا جەر قۇشىپ، جەر جاستانارى قاق. ەلىمىز زاڭ-ءتۇزىمى كەمەلدەنگەن سوتسيالىستىك مەملەكەت. سوندىقتان دا، ءار قانداي ءبىر جاۋ كۇشتەردىڭ شينجياڭدى بولشەكتەۋ سىندى ارام نيەتى ماڭگى جۇزەگە اسپايدى. ءار ۇلت بۇقاراسى جۇدىرىقتاي جۇمىلىپ، حالىق جاۋلارىنا ورتاق قارسى تۇرىپ، بەلەڭ بەرگەن ءار قانداي بولشەكتەۋشى كۇشتەردىڭ سۇرقيالىعىن دەر كەزىندە سەزىپ، اشكەرلەپ، وتانىمىزدىڭ تىنىشتىعى مەن وتباسىمىزدىڭ اماندىعىنا كەپىلدىك ەتىپ، زاڭ-تۇزىمگە بولعان تانىمىمىز بەن تۇسىنىگىمىزدى بارىنشا جوعارلاتىپ، ۇلى وتانىمىزدىڭ رەفورماسىنىڭ جاپپاي تەرەڭدەۋى مەن شارۋاشىلىعىنىڭ شارىقتاۋى ءۇشىن ءوز رولىمىزدى بارىنشا ساۋلەلەندىرۋگە قۇلشىنىس جاسايىق! قوعامىنىڭ بەيبىتشىلىگى مەن تىنىشتىعى وتانىمىزدىڭ ۇلاعاتى، وتباسىمىزدىڭ باياشات باقىتى ەكەنىن ەستەن شىعارمايىق!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
