- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەل مۇددەسىن ويلاساڭ، قادىر مەن قۇرمەتكە بولەنەرسىڭ
نۇرعيسا قۇرمانجان ۇلى
2014.12.10 14:52
نەگىزگى ساتىداعى باسشى – كادرلار كۇندەلىكتى قىزمەت بارىسىندا بۇقارامەن تىعىز قارىم – قاتىناستا بولادى. ولاردىڭ قىزمەت تاسىلدەرى مەن ءسوز – ارەكەتتەرى قاراپايىم بۇقارانىڭ ولارعا دەگەن كوزقاراسىنا تىكەلەي اسەر ەتەدى، ءتىپتى، پارتيا مەن ۇكىمەتتىڭ نەگىزگى ساتىداعى بەدەلىنە دە سايادى. سوندىقتان، نەگىزگى ساتىداعى باسشى – كادرلار وزدەرىنە قاتاڭ تالاپ قويىپ، بۇقاراعا جىلى مەرەيمەن مامىلە جاساپ، ەلدىڭ مۇددەسىنە زيان سالاتىن ىستەردەن اۋلاق بولعانى ءجون.
جۋىردا شينجياڭ ۇيعۇر اۆتونوميالى رايونى «اۋىل - قىستاق باسشى - كادرلارىنىڭ بۇقارانىڭ مۇددەسىنە زيان جەتكىزگەن ماسەلەلەرىن تەكسەرىپ – انىقتاۋ تەبىنىن اناعۇرلىم كۇشەيتۋ، ستيلدە شىنايى بۇرىلىس جاساۋ جونىندەگى قۇلاقتاندىرۋىن» جاريالادى. قۇلاقتاندىرۋدا قازىردەن باستاپ جارتى جىل ىشىندە شينجياڭدا نەگىزگى ساتى باسشى – كادرلارىنىڭ بۇقارانىڭ مۇددەسىنە زيان جەتكىزگەن ماسەلەلەرى تەكسەرىلىپ انىقتالانى ايتىلعان. بۇل پارتيا مەن ۇكىمەتتىڭ نەگىزگى ساتى كادرلارىندا بايقالىپ وتىرعان بۇقارانىڭ مۇددەسىنە زيان جەتكىزەتىن ىستەرگە ايىرىقشا نازار اۋدارىپ وتىرعانىن كورسەتەدى. بۇل رەتكى وڭاۋ قىزمەتى بارىسىندا اۋىل – قىستاقتاردا بايقالعان ءىشىنارا ماسەلەلەردىڭ ويداعىداي شەشىم تاباتىنىنا سەنىمىمىز كامىل.
الايدا، تۇزىمدىك جاقتاعى وڭاۋ ءوز الدىنا دا، باسشى – كادرلاردىڭ ءمورالىنا ساياتىن ماسەلە ءوز الدىنا. ەلدى زاڭمەن جانە مورالمەن باسقارۋ جيى ايتىلىپ جۇرگەن بۇگىنگى تاڭدا، نەگىزگى ساتىداعى باسشى – كادرلاردىڭ سانالى تۇردە ءوز ءىس – ارەكەتتەرىن جونگە سالعانى ءجون. قاراپايىم بۇقارانىڭ ءناپاقاسىن جول ورتادان وپىرىپ قالاتىن اشكوزدىكپەن قوسا، ءىس بىتىرە كەلگەن مومىن ەلدىڭ موينىنا ءمىنىپ، دورەكى مىنەز كورسەتۋ ءىشىنارا كادرلاردا بايقالىپ وتىرعانىن جاسىرا المايمىز. مۇنداي ارەكەت قاراپايىم بۇقارانىڭ كوڭىلىنە قاياۋ سالىپ، پارتيا مەن ۇكىمەتتىڭ بەدەلىنە داق كەلتىرەدى. ولاردىڭ قوعامعا دەگەن كوزقاراسىنا، ءوندىرىس بەلسەندىلىگىنە ىقپال ەتەدى.
«اۋىل - قىستاق باسشى - كادرلارىنىڭ بۇقارانىڭ مۇددەسىنە زيان جەتكىزگەن ماسەلەلەرىن تەكسەرىپ – انىقتاۋ تەبىنىن اناعۇرلىم كۇشەيتۋ، ستيلدە شىنايى بۇرىلىس جاساۋ جونىندەگى قۇلاقتاندىرۋى» جاريالانعاننان كەيىن، عالامتوردا قىزۋ اڭىس قوزعادى. ءۇنحات پەن سۇحباتتاردا بۇل حاباردىڭ جەدەل تارالعانىن حالىقتىڭ وسىنداي باتىل شارانى كۇتىپ جۇرگەنى دەپ قابىلداۋعا بولاتىنداي.
ەلدىڭ مۇددەسىنە زيان جەتكىزىپ، ءوز قۇلقىنىن عانا ويلاعان تار ورىستىلىكتىڭ جولى تۇيىق. «جاماندىق جەردە جاتپاس» دەيدى قازاق. ادامگەرشىلىككە جات ونداي ءىستىڭ ەرتە مە كەش پە ۇياتقا قالدىراتىنى مۇندا تۇر. ونىڭ كەرىسىنشە، باسشى بولعان ادام جاتسا - تۇرسا ەل قامىن ويلاپ، ەلدىڭ مۇددەسى ءۇشىن تەر توكسە، الدىنا كەلگەن قاراپايىم بۇقاراعا جىلى قاباق تانىتىپ، قىسىلتاياڭدا كومەك بەرىپ، كوڭىلىنە مەدەۋ بولسا، ونداي باسشىنىڭ قادىرى مەن ابرويى اسىپ، ەلدىڭ قۇرمەتىنە بولەنەرى داۋسىز. قامشىنىڭ سابىنداي قىسقا عۇمىردا سول قۇرمەتتەن ارتىق بايلىق تا بولماسا كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
