- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىرعاۋىل باعىمشىلىعىنان تابىس مول
2014.12.11 13:40
ساۋلە داۋلەتقان قىزى حابارلايدى. بۇرىندارى ادامدار قىرعاۋىلدى دالادان ۇستاپ جەيتىن، كەيىن ولار مەملەكەت جاعىنان قورعالاتىن قۇس قاتارىنا ەنگىزىلگەننەن كەيىن ۇستاۋعا تيىم سالىندى دا، قىرعاۋىل ەتىن تۇتىنعىسى كەلەتىندەر شەكتەمەگە ۇشىرادى.
توعىزتاراۋ اۋدانى سيىر فەرماسىنىڭ تۇرعىنى ءابدىراحمان مەن جۇبايى گۇلناي جەتى جىلدىڭ الدىندا « بايۋ جولى » اتتى تەلە باعدارلاماسىنان حەيلۇڭجياڭداعى ءبىر شارۋانىڭ قىرعاۋىل باعىپ اۋقاتتانۋ جولىنا تۇسكەن تانىستىرۋىن كورىپ وسى كاسىپتى ىستەپ كورمەكشى بولىپ، حەيلۇجياڭنان تۇڭعىش رەت 200 قىرعاۋىل بالاپانىن اكەلىپ اۋلاسىندا باعىپ كورەدى، العاشقى جىلى تۇسكەن پايدا وتە از بولعانىمەن، ءبىر تاۋىق باعۋعا كەتەتىن شىعىسپەن3 تە 4 قىرعاۋىل باعۋعا بولاتىنىن بىلگەن ولار قىرعاۋىل سانىن 300 دەن 500 گە، ودان 800 گە دەيىن كوبەيتىپ باعادى. ۇستەگى جىلى اۋداندىق پارتكوم 1- نومەرلى قۇجات شىعارىپ ەرەكشە باعىمشىلىق كاسىبىن دامىتقانداردى سۇيەمەلدەۋ ساياساتىن ورتاعا قويعان سوڭ، سيىر فەرماسى ءابدىراحماننىڭ قىرعاۋىل باعىمشىلىق كولەمىن كەڭەيتۋى ءۇشىن، 6 مۋ قورا – قالىتقىلىق جەر ءبولىپ بەرەدى، ەرلى -زايىپتىلار بۇل جەرگە قىرعاۋىل باعاتىن 574 شارشى مەترلىك قورا جاساپ، باعىمداعى قىرعاۋىل سانىن مىڭعا جەتكىزىپ «پاكيا جابايى قۇس باعىمشىلىق كووپەراتيۆىن» قۇردى. اۋدان ءابدىراحماننىڭ قىرعاۋىل باعۋ قوراسىنىڭ ءار شارشى مەترىنە 200 يۋاننان كومەك قارجىسىن بەردى، سيىر فەرماسى ءار شارشى مەترىنە 50 يۋاننان بەرىلەتىن كومەك قارجىسىنا ەسەپتەپ 30 مىڭ يۋاندىق كەرپىش بەرىپ، قوراسىنىڭ ۋاعىندا ساپالى جاسالۋىنا كومەكتەستى.
بازاردىڭ سۇرانىسىن اڭعارعان قىراعى ءابدىراحمان شاعىن باعىمشىلىق كووپەراتيۆىندە باسقالاردى جۇمىسقا ورنالاستىرماسا دا، ەرلى-زايىپتى ەكەۋى بار جۇمىستىڭ قاجەتىنەن شىعىپ، قىرعاۋىلمەن ماڭايىنداعى رەستۋران، اسحانالاردى قامداپ، وسى ەرەكشە باعىمشىلىقتان جىلدىق كىرىسىن 50 مىڭ يۋاننان اسىردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
