- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇرىلىس سالۋدى كاسىپ ەتكەن قازاق جاستارى
اقىلباي مۇقامەتالي ۇلى
2015.02.27 13:37
بۇل كۇندەرى قۇرىلىس سالىپ كىرىس كوزىن اشقان ونەرلى ازاماتتارىمىزدىڭ قاتارى مولايىپ كەلەدى. انە، سونداي ىسكەر ازاماتتاردىڭ ءبىرى – كۇنەس اۋدانى كەڭسۋ اۋىلى كوكتوبە قىستاعىنىڭ تۇرعىنى امانتاي جيەنالى ۇلى. ول ورتا مەكتەپتى بىتىرگەن سوڭ ىستەيتىن ىڭعايلى جۇمىس بولماعاندىقتان، اكەسى ونى كوكتوبە قىستاعىنىڭ تۇرعىنى قۋاتجان ابىلبەك ۇلىنىڭ كەڭسۋ اۋىلىنان اشقان «جۇمىس كۇتكەن قازاق جاستارىن قۇرىلىس سالۋ ونەرىنە تاربيەلەۋ» كۋرسىنا قاتىناستىردى. ول سوندا قۇرىلىس سالۋدىڭ نازاريالىق بىلىمدەرىن ءۇش اي ۇيرەندى، ءبىر اي قۇرىلىس سالۋدىڭ پراكتيكاسىن كوردى. سوسىن بارىپ قۇرىلىس سالۋ جۇمىسىمەن شۇعىلدانا باستادى.
امانتاي قۇرىلىس سالۋ كاسىبىمەن العاش اينالىسقاندا اۋىل – قىستاقتاعى از ۇلتتاردا ءۇي سالاتىن ارناۋلى قۇرىلىسشى بولماعاندىقتان، ءۇي قابىرعالارىن سەمەنتپەن سىلاۋ، ەدەنگە شىنى كەرپىش توسەۋ سىندى ءۇي سالۋداعى قاراپايىم جۇمىستاردىڭ ءوزىن دە ەشكىم بىلمەيتىن. اسا ەپتىلىك پەن شىدامدىلىقتى قاجەت ەتەتىن بۇل جۇمىستى ول ءۇي سالاتىن حانزۋ ۇستالارعا شاكىرت بولىپ ىستەي ءجۇرىپ ۇيرەندى، بىرتىندەپ تاجىريبە توپتاپ، بارا – بارا دەربەس ءۇي سالاتىن ورەگە جەتتى. قۇرىلىس سالۋ ونەرىنىڭ قىرى مەن سىرىن ابدەن يگەرىپ العان سوڭ، امانتاي قاسىنا بىرنەشە قازاق جىگىتىن ەرتىپ توڭىرەكتەن ىستەيتىن جۇمىس قاراستىردى. ءبىراق، سول كەزدە اۋىل تۇرعىندارى قۇرىلىس سالۋعا قاتىستى جۇمىستاردىڭ بارلىعىن حانزۋ جولداستارعا كوتەرمەگە بەرۋگە ادەتتەنىپ العاندىقتان، ءۇي سالعىزاتىن نەمەسە ءۇي اشەكەيلەتكىزەتىندەر ەندى عانا بوي كورسەتكەن جاس قۇرىلىسشىعا ونشا سەنبەيتىن. سوندىقتان دا ولاردىڭ جۇمىس تاۋىپ ىستەۋى تىم قيىن بولعان – دى. دەگەنمەن، مۇنداي كۇدىك قازاق قۇرىلىسشىلارىنىڭ جىگەرىن مۇقالتقان جوق، قايتا ولار ءۇمىتىن ۇزبەي وزدەرىنە دەم بەرىپ بەرىك سەنىم ورناتىپ، تاباندىلىق كورسەتتى. قولعا العان جۇمىستارىنان ەشقانداي شاشاۋ شىعارماي ساپالى، تىڭعىلىقتى ىستەۋمەن بىرگە، جۇمىستى ءدال ۋاعىندا بىتىرۋگە كەپىلدىك ەتتى. وسىلايشا ولار جۇرتقا بىرتىندەپ تانىلىپ حالىقتىڭ سەنىمىنە يە بولدى، قۇرىلىس سالدىراتىندار دا بارعان سايىن كوبەيە باستادى.
1995 – جىلى ول ءوز الدىنا شاعىن قۇرىلىس اترەتىن قۇرىپ، بايبولات، قۋانىش قاتارلى 6 كاسىپسىز جاستى شاكىرتتىككە قابىلدادى، سودان قازىرگە دەيىن ول 20 دان استام شاكىرت تاربيەلەدى، ولار بۇل كۇندەرى ءوز الدارىنا قۇرىلىس سالا بەرەدى ەكەن. قۇرىلىس اترەتىن قۇرىپ قازاق جاستارىن قۇرىلىس سالۋ ونەرىنە تاربيەلەپ، جۇرتقا تانىلعان سوڭ قۇرىلىسشى امانتايعا قۇرىلىس كوتەرمەگە بەرەتىندەر بىرتىندەپ كوبەيدى. ايتالىق، ول 2007 – 2008 – جىلدارى كەڭسۋ اۋىلدىق 1 – ورتا مەكتەپتىڭ مەكتەپ قۇرىلىسىن، كەڭسۋ اۋىلدىق ۇكىمەت پەن كەڭسۋ مالشىلىق باستاۋىش مەكتەبىنىڭ ءبىر ءبولىم قۇرىلىستارىن كوتەرمەگە السا، 2011 – جىلدارى كەڭسۋ اۋىلىنىڭ تۇرعىنى مۇحتاردىڭ كولەمى 450 شارشى مەترلىك رەستورانىن، سونداي – اق كۇنەس اۋدانى المالى اۋىلىنىڭ ۇلكەن مەشىتى مەن كەڭسۋ اۋىلىنداعى كوكتوبە، قۇروزەك سىندى بىرنەشە قىستاقتىڭ مەشىتىن، 2012 – جىلدارى ارالتوبە قالاشىعىنىڭ قىستاق تۇرعىنى نۇربولات داۋلەتالى ۇلىنىڭ ەكى قابات عيماراتىن ءوز قولىمەن سالىپ شىقتى. بۇدان تىس ول قازىرگە دەيىن كەڭسۋ اۋىلىنداعى شارۋالاردىڭ 200 دەن استام سىلكىنىسكە ءتوزىمدى بەيقۇت ءۇيىن سالىپ بەردى.
قۇرىلىس سالۋ ارقىلى كىرىس كوزىن اشىپ، تىڭنان كاسىپ جولىن تاپقان امانتاي جيەنالى ۇلى كاسىپ كولەمىن ءتىپتى دە كەڭەيتە ءتۇسۋ ءۇشىن، 2009 – جىلى 98 مىڭ يۋان قارجى جۇمساپ كەڭسۋ اۋىلىنان ەكى قابات «جاڭا عاسىر قۇرىلىس ماتەريالدارى» دۇكەنىن سالدىرتىپ، قىس مەزگىلىندە اكەسىنەن ۇيرەنگەن اعاششىلىق ونەرى بويىنشا كاسىپسىز قازاق جاستارىنا ءۇي اشەكەيلەۋ ونەرىن ۇيرەتتى. ەندىگى جەردە ول ءبىر ۇلكەن قۇرىلىس ماتەريالدارى سەرىكتىگىن قۇرىپ، كاسىپ اياسىن ۇزبەي كەڭەيتپەك. قازىر بۇل مايتالمان قۇرىلىس كاسىپكەرى نارات قالاشىعىنىڭ تاياسۋ قىستاعىنان 6 فىن جەر ساتىپ الىپ تاعى ءبىر بولىمشە قۇرىلىس ماتەريالدارى دۇكەنىن سالدىرتتى. جىلدىق ناق كىرىسىن 80 مىڭ يۋاننان اينالدىرىپ وتىرعان ول اۋدان، اۋىل، قىستاق جاعىنان كوپ رەت ەڭبەك وزاتى بولىپ ماراپاتتالدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
