- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يە شيۋفىن: «بىرەۋدىڭ قۋانعانىن كورسەم، شاتتىققا شومامىن»
لي لين
2016.04.06 14:35 كەلۋ قاينارى : ءتاڭىرتاۋ تورابى
شىمقاي قارا كيىنىپ، اشىق قىزىل جىبەك شارپى تاققان يە شيۋفىن ادەيى ازداپ جاساندى. 29- ناۋرىز تۇستەن بۇرىن، ول شاقىرتۋمەن الەۋمەتتىك اۋماق ۇيىمداستىرعان «تاتۋ - ءتاتتى شاڭىراق» ۇگىت لەكسياسى قيمىلىنا قاتىسىپ، وزىمەن ءار ۇلت بۇقاراسى اراسىنداعى جان جىلىتار ىستەردى اڭگىمەلەپ بەردى.
58 جاستاعى يە شيۋفىن ءۇرىمجى قالاسى تيانشان رايونى ىرداۋچياۋ اۋماعى باسقارۋ كوميتەتى يۋەجين كوشەسى الەۋمەتتىك اۋماعى بەيبىتشىلىك وڭتۇستىك جولى 7 - ورتا مەكتەپ سەميالىقتار اۋلاسىنىڭ تۇرعىنى، كوممۋنيستىك پارتيا مۇشەسى. تۇرعىندار نازارىندا ول اق ەدىل اپەكە، قيىنشىلىعى بار بۇقارا نازارىندا ول «جارىلقاۋشى» سانالادى.
2011 - جىلى زەينەتكە شىققان سوڭ، يە شيۋفىن عيمارات باستىعى بولىپ، ىقىلاسى الەۋمەت يگىلىگىنە اۋعان قاربالاس ادامعا اينالدى. قىستا ەسىكتىڭ الدىنا جاۋعان قار مەن قاتقان مۇزدى تازالاۋ، جازدا شاعىن اۋماقتىڭ اعاش - شوپتەرىن باعىپ - باپتاۋ سياقتى ىستەردىڭ ءبارىنىڭ قامىن ويلاپ جۇرەتىن بولدى. يە شيۋفىن تۇراتىن عيمارات كورپۋسىندا ۇيعۇر، حانزۋ، حۇيزۋ سياقتى كوپ ۇلتتان 17 وتباسى تۇرادى، يە شيۋفىن باسقالاردان كومەگىن ايامايتىن اق پەيىل ادام بولعاندىقتان، كورشىلەرى جۇمىسى بولسا وعان كەلەدى، سول سەبەپتى وسى كورپۋستاعىلار ءبىر ءۇيدىڭ ادامدارىنداي تاتۋ - ءتاتتى تۇرادى.
زەينەتكە شىققان سوڭ، باسقالارعا قولىنان كەلگەنشە كومەكتەۋ يە شيۋفىننىڭ رۋحاني الەمىنىڭ ماڭىزدى ءبىر مازمۇنىنا اينالدى. 2014 - جىلى يە شيۋفىن اۆتونوميالى رايوندىق مۇگەدەكتەر قوعامىنا ەرىكتى بولدى، وسىدان سوڭ، الەۋمەتتىك يگىلىك قيمىلدارىنا ۇدايى قاتىسقان ونىڭ ءومىرىنىڭ ءمانى ءتىپتى دە تولىسا ءتۇستى. زاعيپ جاندار تۇرمىستا قينالىپ قالعانىن بىلسە، يە شيۋفىن ولارعا كۇرىش، ۇن، ماي اپارىپ بەردى؛ ەكى كوزى كورمەي قالعان قارتقا كورپە - جاستىق، كىرلىك سياقتى تۇرمىستىق بۇيىمدار جەتكىزىپ بەردى؛ نەسەپپەن ۋلانۋ اۋرۋىنا شالدىققان ناۋقاس پەن ميى سالدانعان ناۋقاس ءۇشىن قارجى اتادى...
الەۋمەتتىك اۋماق قيمىلدارىنا كوپتەپ قاتىسقان سايىن، كومەك سۇراعاندار جايلى وعان جەتكەن ينفورماتسيالار كوبەيە ءتۇستى. يە شيۋفىن كومەككە مۇقتاج جاندار تۋرالى ەستىسە نەمەسە سولاردى كورسە، ىلعي دا جاردەم جاساۋعا دايىن تۇراتىن بولدى. 2012 -، 2013 - جىلدارى ول باسقا دا مەيىربان جاندارمەن بىرگە، ورتا، باستاۋىش مەكتەپتە وقيتىن 55 وقۋشىعا، 17 مۇگەدەك ادامعا، اۋىر ناۋقاسقا شالدىققان 10 ادامعا 40 مىڭ يۋاننان استام قارجى اتاعان.
2015 - جىلى شىلدە ايىندا يە شيۋفىن راك اۋرۋىنا شالدىققان، شيپاحانادا جاتقان ءبىر ناۋقاس ادامنىڭ ەمدەلۋگە اقشاسى قالماعانىن ەستىپ، جاعدايىن بىلۋگە شيپاحاناعا بارادى. قايتىپ كەلگەن سوڭ دەرەۋ ءۇنحاتتىڭ دوستار شەڭبەرىندە كومەكتەسۋ تۋرالى ۇندەۋ تاستايدى. ول 10 نەشە مەيىربان ادامدى باستاپ، شيپاحاناعا بارىپ الگى ناۋقاستىڭ كوڭىلىن سۇراپ، كومەك بەرىپ، جيىنى 7000 يۋاننان استام قارجى اتايدى.
2014 - جىلدان باستاپ، يە شيۋفىن وتباسىندا قيىنشىلىعى بار 2 وقۋشىنىڭ اربىرىنە اي سايىن 100 يۋان قارجىلاي كومەك بەرىپ كەلەدى.
ءتىلشىنىڭ ۇعىسۋىنشا، يە شيۋفىننىڭ زەينەتاقىسى ايىنا 2000 قانشا يۋان عانا بولعانىمەن، اي سايىن ءبىر بولىگىن باسقالارعا كومەكتەسۋگە اجىراتىپ وتىرادى ەكەن. يە شيۋفىن: قيىنشىلىق مەنىڭ باسىمنان دا ءوتتى، ءوز شامام كەلەتىن كولەمدە باسقالارعا كومەكتەسىپ، ولارعا جىلى مەيىر سەزىندىرە السام، مەنىڭ دە ءومىرىم مانگە، قۋانىشقا تولادى، - دەيدى.
«ءار ۇلت باۋىرلاستارى ءوزارا كومەكتەسۋى كەرەك، ويتكەنى ءبىز تاتۋ - ءتاتتى ءبىر وتباسىنىڭ ادامدارىمىز»، - دەيدى يە شيۋفىن كۇلىمسىرەي: «بىرەۋدىڭ قۋانعانىن كورسەم، شاتتىققا شومامىن، وندايدا ماعان اسپان بۇرىنعىدان دا كوك، كۇن ساۋلەسى بۇرىنعىدان دا شۋاقتى سەزىلەدى».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
