چاڭشا نەگىزگى ساتى كادرلارىنىڭ «توراپتاعى جۇمىس اۋىرتپالىعىن جەڭىلدەتتى»
شەكتەن ارتىق اشىلعان اكىمشىلىك جۇمىس تەكشەلەرىن جابۋ كەرەك! (كادرلاردىڭ جاڭا جاعدايىن باقىلاۋ . نەگىزگى ساتىداعىلاردىڭ اۋىرتپالىعىن جەڭىلدەتۋ مارىشى)
حالىق گازەتىنىڭ ءتىلشىسى ۋاڭ يۇننا
2020.01.14 13:07 كەلۋ قاينارى : حالىق تورابى
وزەكتى ءتۇيىن
اكىمشىلىك جۇمىسقا قاتىستى جاڭا مەديا تەكشەلەرىنىڭ شەكتەن ارتىق كوپ بولۋى، تارالىم ونىمدىلىگى ناشار بولۋ، نەگىزگى ساتىداعى كادرلاردىڭ كوپ ۋاقىتىن الۋ سىندى ماسەلەلەردى جونگە سالۋ ءۇشىن حۋنان ولكەسى چاڭشا قالاسى نەگىزگى ساتىداعى كادرلاردىڭ «توراپتاعى جۇمىس اۋىرتپالىعىن جەڭىلدەتۋدى» ورىستەتىپ، اۋىل – قالاشىق، ءمالى باسقارماسى جانە ءىشىنارا تاراۋلاردىڭ ينفورماتسيا جاريالاۋ فۋنكتسياسىن اۋدان دارەجەلى توعىسپالى مەديا ورتالىعىنا بىرىكتىردى.بىلتىر جىل سوڭىنا دەيىن، چاڭشا قالاسى اكىمشىلىك جۇمىسقا قاتىستى جاڭا مەديا تەكشەلەرىنەن 1249 تەكشەنى جاۋىپ، فورماشىلدىقتى ازايتىپ، شىنايى ءىس تىندىرۋعا كۇش سالدى.
«ۋاڭيۋەدەگى تاماشا تۇرمىس» اتتى ۋيچات تەكشەسى توقتاتىلعانىنا جارىم جىلدان استى، حۋنان ولكەسى چاڭشا قالاسى ۋاڭيۋە ءمالى باسقارماسىنىڭ ۇگىت قىزمەتىنە جاۋاپتى كادرى لي حۇيدىڭ قىزمەت تارتىبىندە زور وزگەرىس تۋىلدى. «بۇرىن كوپ ۋاقىتىم ۋيچات تەكشەسىن جۇرگىزۋگە جۇمسالاتىن، قازىر ءبىرىنشى شەپتەگى قىزمەتكە دەن قوياتىن بولدىم، كوركەمونەر جانە دەنە تاربيە قيمىلدارىن ۇيىمداستىرۋعا دا ۋاقىت شىعارا الامىن»، — دەيدى ول.
2016 – جىلى اشىلعان «ۋاڭيۋەدەگى تاماشا تۇرمىس» ۋيچات تەكشەسى نەلىكتەن اياق استىنان جابىلدى؟
مۇنىڭ سەبەبىن بىلتىر 5 – ايدا حۋنان ولكەسى چاڭشا قالالىق پارتكوم كەڭسە مەڭگەرمەسى جاريالاعان نەگىزگى ساتى كادرلارىنىڭ «توراپتاعى اۋىرتپالىعىن جەڭىلدەتۋ» قىزمەتى جونىندەگى ۇقتىرۋىنان باستاپ اڭگىمەلەۋگە بولادى. ۇقتىرۋدا مىنالار تالاپ ەتىلگەن: اكىمشىلىك جۇمىس جاڭا مەديا تەكشەلەرىنىڭ وتە كوپ بولۋى، تۇتىنۋشىلاردىڭ نازارىن اۋدارماۋى، نەگىزگى ساتىداعى ينفورماتسيا جيناۋ جانە ونى رەداكسيالاۋ، جوعارىعا مالىمدەۋ سياقتى مىندەتتەردىڭ اۋىر بولۋى سىندى وڭاي وڭالا قويمايتىن ماسەلەلەردى كۇش سالا جونگە سالىپ، پرينسيپتىك جاقتان اۋىل – قالاشىق، ءمالى باسقارماسى جانە الەۋمەتتىك اۋماق، قىستاق بولىپ، جاڭا مەديا تەكشەلەرىن اشپاۋ كەرەك، ينفورماتسيا جاريالاۋدى اۋداندىق توعىسپالى مەديا ورتالىعى اتقارادى. سونىمەن، «ەڭبەگى كوپ، ونبەگى از» بولعان «ۋاڭيۋەدەگى تاماشا تۇرمىس» تەكشەسى توقتاتىلدى.
اكىمشىلىك جۇمىس جاڭا مەديا تەكشەلەرى قالايشا نەگىزگى ساتىداعى كادرلاردىڭ «توراپتاعى» اۋىرتپالىعىنا اينالىپ قالدى؟ جارىم جىل ءوتتى، وسى رەتكى «اۋىرتپالىقتى جەڭىلدەتۋ» نەگىزگى ساتىداعى كادرلاردىڭ قولىن بايلاعان ارتىق جۇمىستاردى ازايتتى ما؟ ءتىلشى وسى جونىندە تىلشىلىك ىستەدى.
اۋىرتپالىق
ءبىر رايوندا اكىمشىلىك جۇمىس جاڭا مەديا تەكشەلەرىنەن 149 تەكشە بار ەكەن، بۇل تەكشەلەردىڭ مازمۇنىن جازۋعا كوپ كۇش ىسىراپ بولادى
قىزمەتكە قاتىناسقان سوڭ، لي حۇي «ۋاڭيۋەدەگى تاماشا تۇرمىس» اتتى ۋيچات تەكشەسىنىڭ مازمۇنىن رەداكسيالاۋعا جاۋاپتى بولدى، ونىڭ ايتۋىنشا، «قىزمەت ۋاقىتىنىڭ كوبى ۋيچات تەكشەسىندەگى ماقالالاردى وزگەرتۋگە كەتەدى».
نەلىكتەن وسىنشالىق كۇش سارىپ قىلادى؟
«ۋيچات تەكشەسى ءاربىر قىزمەت كۇنى جاڭالانادى، مازمۇنى ءمالى باسقارماسىنداعى ءارقايسى تاراۋلار مەن قاراستى الەۋمەتتىك رايونداردان، قىستاقتاردان كەلەدى، ساپاسى الۋان ءتۇرلى ، ءبىر ماقالانى وزگەرتۋ ءۇشىن كەمىندە جارىم ساعات، كوپ بولعاندا، ەكى ساعات ۋاقىت كەتەدى»، — دەيدى ول.
ماقالانىڭ ساپاسى ناشار بولسا، ىستەتپەي – اق قويسا بولمادى ما؟ لي حۇي بۇعان بولمايتىنىن ايتتى، «‹ۋاڭيۋەدەگى تاماشا تۇرمىس› تەكشەسى ۋاڭيۋە ءمالى باسقارماسىن تياناق ەتىپ، قاراستىلىعىنداعى رايوندار جىبەرگە ماقالالاردىڭ بارلىعىن شىعارۋعا كۇش سالادى»، — دەيدى ول.
رەداكتوردىڭ اۋىرتپالىعىمەن سالىستىرعاندا، الەۋمەتتىك رايونداعى ماقالا جازاتىن كادرلاردىڭ ينفورماتسيا جولداۋ مىندەتى ءتىپتى دە اۋىر.
«كوپتەگەن قىزمەتتەردىڭ ەڭ سوڭعى تابان تىرەر تياناعى الەۋمەتتىك اۋماقتار، ءتۇرلى قىزمەت باعىتىنداعى ۋيچات تەكشەلەرىنىڭ بارىنە ماقالا جولداۋ كەرەك. كەيبىر تاراۋلار قيمىل بولسا بولدى ماقالا جاريالاۋ كەرەك دەپ بەلگىلەگەن، كەيبىر تاراۋلار ايىنا 4 ماقالا جاريالاپ وتىرۋدى بەلگىلەگەن، بۇلاي ىستەمەسەك ءنومىر تارتادى»، — دەيدى ۋاڭيۋە ءمالى باسقارماسىنىڭ بەلگىلى الەۋمەتتىك اۋماعىنداعى ۇگىت قىزمەتىنە جاۋپتى شياۋلين (جاناما اتى) تىلشىگە.
وسىنىڭ الدىندا، تەك يۋەلۋ رايونىندا اكىمشىلىك جۇمىس جاڭا مەديا تەكشەسىنەن 149 تەكشە بار بولىپ، مۇنىڭ ىشىندە رايونعا توتە قاراستى تاراۋلاردىڭ 59 ۋيچات تەكشەسى، ءمالى باسقارماسى جانە قالاشىقتاردىڭ 23 ۋيچات تەكشەسى بار ەكەن. ينفورماتسيانى جازۋ جانە جوعارىعا مالىمدەۋ مىندەتىن ورىنداۋ ءۇشىن كەيبىر الەۋمەتتىك اۋماقتاعى قىزمەتكەرلەردىڭ ۋاقىتىنىڭ كوبى وسى جۇمىسقا جۇمسالادى. شاراسىزدىقتان «ءبىر ماقالانى كوپ تەكشەگە بەرۋ» ادەتتەگى جاعدايعا اينالعان. مىسالى، الەۋمەتتىك اۋماق قيمىل وتكىزسە، قىزمەتكەرلەر ۇلكەن جاقتان ۇقساس، پارقى شامالى بىرنەشە ماقالا جازادى، سونىمەن، ۇقساس ءبىر قيمىل ءتۇرلى تاراۋلاردىڭ اكىمشىلىك جۇمىس جاڭا مەديا تەكشەلەرىندە جارىق كورەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
