IMF: جۇڭگو قاتارلى ازياداعى جاڭا گۇلدەنگەن ەكونوميكالىق تۇلعالار ءالى دە دۇنيە ءجۇزى ەكونوميكاسىنىڭ نەگىزگى قوزعاۋشى كۇشى بولادى 

شينحۋا اگەنتتىگىنىڭ ءتىلشىسى شيۇڭ ماۋليڭ 7 – ايدىڭ 16 – كۇنى ۋاشينگتوننان حابارلايدى. حالىقارالىق ۆاليۋتا قورى ۇيىمى (IMF) 7 – ايدىڭ 16 – كۇنى «دۇنيە ءجۇزى ەكونوميكاسىنا نازار مالىمەتىنىڭ» مازمۇنىن جاڭالاپ، 2024 – جىلى جۇڭگونىڭ ەكونوميكاسىنىڭ ارتۋ مولشەرى %5 بولادى دەپ مەجەلەگەن. IMF تىڭ باس ەكونوميسى پيەرە – وليۆەر گورينچاس: ”جۇڭگو قاتارلى ازياداعى جاڭا گۇلدەنگەن ەكونوميكالىق تۇلعالار ءالى دە دۇنيە ءجۇزى ەكونوميكاسىنىڭ نەگىزگى قوزعاۋشى كۇشى“ دەگەندى ءبىلدىردى.

جاڭالانعان مازمۇندا مىنالار اتاپ كورسەتىلگەن: بيىل جىل باسىندا دۇنيە جۇزىندەگى ەكونوميكالىق قيمىلدار مەن دۇنيە جۇزىلىك ساۋدا ءبىرشاما نىعايدى. ازيا وڭىرىندە ارتۋ بايقالدى، وتە – موتە، وسى ءوڭىردىڭ تەحنيكالىق سالالارداعى ناتيجەسى كورنەكتى بولىپ، ساۋدانىڭ ارتۋىنا قوزعاۋشى كۇش ازىرلەدى. IMF تىڭ ەڭ جاڭا مەجەسىنە قاراعاندا، 2024 – جىلى دۇنيە ءجۇزى بويىنشا ەكونوميكانىڭ ارتۋى جونىندەگى بولجام %3.2 تەن وزگەرمەگەن، 2024 – جىل مەن 2025 – جىل دۇنيە ءجۇزى بويىنشا ساۋدا مولشەرى جەكە – جەكە %3.1 جانە %3.4 ارتادى، ارتۋ قارقىنى تۇگەلدەي 4 – ايداعى مەجەدەن 0.1 پايىز جوعارىلاتىلعان.

گورينچاس مىنانى ءبىلدىردى: جۇڭگو ۋاكىلدىك ەتكەن ازياداعى جاڭا گۇلدەنگەن ەكونوميكالىق تۇلعالار ءالى دە دۇنيە ءجۇزى ەكونوميكاسىنىڭ ارتۋىنىڭ قوزعاۋشى كۇشى بولىپ وتىر.

IMF تىڭ ءبىرىنشى ورىنباسار باس ديرەكتورى گيتا گوفينات بيىل 5 – ايدا بەيجيڭدە IMF تىڭ بيىلعى جۇڭگو ەكونوميكاسىنىڭ ارتۋى جونىندەگى بولجامىن %5 كە جوعارىلاتاتىنىن جاريالاعان، بۇل 4 – ايداعى بولجامداعى ماننەن 0.4 پايىز جوعارى بولعان.

جاڭالانعان مازمۇندا مىنالار اتاپ كورسەتىلگەن: دۇنيە ءجۇزى كولەمىندە اقشانىڭ قۇنسىزدانۋىنىڭ ارتۋ حاۋپى زورايۋدا، وتە – موتە، ساۋدا قاقتىعىسىنىڭ ۋشىعۋى مەن ساياساتتىڭ تۇراقسىزدىعىنىڭ ارتۋىن ويلاستىرساق، ءوسىم مولشەرىنىڭ اناعۇرلىم ۇزاق ۋاقىت بويى جوعارى دەڭگەيدە تۇرۋىنا اپارىپ سوعۋى مۇمكىن.

گورينچاس مىنانى اتاپ كورسەتتى: ەگەر دامىعان ەكونوميكالىق تۇلعالاردىڭ اقشانىڭ قۇنسىزدانۋىن تەجەۋ ءۇردىسى ۇتىمسىز بولسا، ا ق ش فەدەراتسيالىق زاپاس قور كوميتەتىن قامتىعان ءار ەلدىڭ ورتالىق بانكەلەرى قارىز الۋ وزىندىك قۇنىن اناعۇرلىم ۇزاق ۋاقىت بويى ءبىرشاما جوعارى ورەدە ساقتاۋى قاجەت، بۇل تەك دۇنيە ءجۇزى ەكونوميكاسىنىڭ ارتۋىنا حاۋىپ ءتوندىرىپ قالماستان، ا ق ش دوللارىنىڭ قۇندىلانۋ قىسىمىن اسقىندىرۋى، جاڭا گۇلدەنگەن جانە دامۋ ۇستىندەگى ەكونوميكالىق تۇلعالارعا كەرى ىقپال جاساۋى مۇمكىن.

مۇنان سىرت، گورينچاس مىنانى ءبىلدىردى: ا ق ش – نىڭ العان قارىزىنىڭ ەل ءىشى ءوندىرىسىنىڭ جالپى ءونىم قۇنىنان ۇستايتىن سالىستىرماسى ۇزدىكسىز جوعارىلاۋدا، بۇل ونىڭ وزىنە، ءتىپتى دۇنيە ءجۇزى ەكونوميكاسىنا كومەسكى حاۋىپ قالىپتاستىراتىنى داۋسىز.

كەلۋ قاينارى: حالىق تورابى