”زامانىمىزداعى جۇڭگو حالقىنىڭ ەڭ ايقىن رۋحاني بەلگىسى“

گۇلدەنۋدى مۇرات ەتكەن ۇلت بىرتىندەپ ورگە كوتەرىلدى.

رەفورمادان رەفورمانى جاپپاي تەرەڭدەتۋگە، ونان رەفورمانى ىشكەرىلەي جاپپاي تەرەڭدەتۋگە دەيىن، جۇڭگو ۇلگىسىندەگى وسىزامانداندىرۋ جولى تاعى دا شەشۋشى كەزەڭگە ءوتتى. پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ”رەفورمانى اناعۇرلىم جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى“ ءتۇيىندى زەرتتەپ، ”رەفورما جاساپ، ەسىك اشۋ تۋىن بۇلجىماي بيىك ۇستاۋ“ سىندى وسى سيگنالدى تاعى ءبىر رەت تاراتتى.

”رەفورما جاساپ، ەسىك اشۋ سومداعان ۇلى رەفورما جاساپ، ەسىك اشۋ رۋحى ۇلت رۋحىنىڭ ءمانىن بارىنشا بايىتىپ، زامانىمىزداعى جۇڭگو حالقىنىڭ ەڭ ايقىن رۋحاني بەلگىسىنە اينالدى!“ 5 جىلدان استام ۋاقىتتىڭ الدىندا، رەفورما جاساپ، ەسىك اشۋدىڭ 40 جىلدىعى قارساڭىندا، باس شۋجي شي جينپيڭ رەفورما جاساپ، ەسىك اشۋدىڭ ۇلى امالياتىن رۋحاني تۇرعىدان ءتۇسىندىردى، بۇل زامانىمىزداعى جۇڭگونىڭ رەفورما جولىنداعى بايسالدى دا بەرىك جىگەرى ەدى.

جۇڭگو ءبىر ميلليارد 400 ميلليوننان استام حالقى بار ىرگەلى ەل؛ رەفورما ەكونوميكالىق بازيسكە دە، قوندىرمانىڭ جۇيەلى ينجەنەرياسىنا دا سايادى؛ جۇڭگونىڭ رەفورماسى تەرەڭدەي ىلگەرىلەپ، جان - جاقتى شارپىدى. رەفورمانى ىشكەرىلەي جاپپاي تەرەڭدەتۋدىڭ بارار جولى قايدا ەكەنىنە نازار سالساق، ارت – ارتىنان شىعارىلعان تۇزىمدەردەن، ءار الۋان سالالارداعى شاعىن ىستەردەن بولاشاعىن بىلۋگە بولادى، ونان دا ماڭىزدىسى، ”زامانىمىزداعى جۇڭگو حالقىنىڭ ەڭ ايقىن رۋحاني بەلگىسى “ سىندى ايبىندى كوز ايامەن يگەرۋىمىز كەرەك.

ماتەريا سانانى بەلگىلەيدى، قاسيەتتىڭ قالىپتاسۋى ءداۋىردىڭ دامۋىنا تامىر تارتادى. رەفورما جاساپ، ەسىك اشۋدىڭ جاڭا داۋىرىنەن جۇڭگوشا سوتسياليزمنىڭ جاڭا داۋىرىنە دەيىنگى ەڭ ايقىن رۋحاني بەلگىسى رەفورما جاساپ، ەسىك اشۋدىڭ ۇلى امالياتىمەن توعىستى. رەفورما جاساپ، ەسىك اشۋ رۋحىنا تاريحي تۇرعىدان تالداۋ جاساعاندا، ونداعى ەرەكشەلىكتەر، قاسيەتتەر، ستيلدەر باستان - اياق سىڭىرىلگەن.

1978 - جىلعا قايىرىلا قاراساق، اقيقاتتىڭ ولشەمى ماسەلەسى جونىندە زور تالقى جۇرگىزىلدى، «يدەيانى ازات ەتىپ، شىندىقتى ءىس جۇزىنەن ىزدەپ، بەرەكە - بىرلىككە كەلە وتىرىپ العا قارايىق» دەگەن ءسوز ادامداردىڭ يدەيالىق كوزقاراسىنىڭ بۇعاۋىن تالقاندادى. پارتيا 11-كەزەكتى ورتالىق كوميتەتىنىڭ ءۇشىنشى جالپى ءماجىلىسى كەلەلى تاريحي كەزەڭدە ”رەفورما جاساپ، ەسىك اشۋ تاريحي شەشىمىن“ جاسادى. يدەيانى ازات ەتۋ، شىندىقتى ءىس جۇزىنەن ىزدەۋ يدەيالىق لۋشيانى جاڭا داۋىردەگى رەفورما جاساپ، ەسىك اشۋ ىستەرىنىڭ جەڭىستەن جەڭىسكە جەتۋىنە عىلمي جەتەكشىلىك ەتتى.

يدەيانى ازات ەتۋ بەلگىلى ماعىنادان العاندا، يدەيا مەن مۇددەگە سايادى. كونە يدەيا مەن قاتىپ - سەمگەن ويدى جويۋعا باتىل بولىپ، كوزقاراستى جاڭالاۋدى، جاڭالىق اشا دامۋدى ىلگەرىلەتكەندە عانا تەرەڭ توڭكەرىس پەن وراسان زور العا باسۋدى ىلگەرىلەتۋگە بولادى. ءونىمدى وتباسىلارعا كوتەرمەگە بەرۋگە كۇش سالۋ بۇكىل اۋداندى حىبەي ولكەسىنىڭ 1 - توپتا ءونىمدى وتباسىلارعا كوتەرمەگە بەرۋ سىناق ءتۇيىنى ەتىلگەن اۋدانىنا اينالدىردى؛ ”دارىندىلار جونىندەگى 9 تارماقتى“ جاريالاپ، ادام ىستەتۋدىڭ بۇعاۋىن تالقاندادى... حىبەي ولكەسىنىڭ جىڭديڭ اۋدانىنداعى كۇندەرىن ەسكە العاندا، باس شۋجي شي جينپيڭ بىلاي دەگەن ەدى: ”قازىر قايىرىلا ويلانىپ كورەيىك، ەگەر ءبىز نەنى ورىندادىق دەسەك، سونىڭ ءبىرى يدەيانى ازات ەتۋ سىندى وسى ءبىر تارماقتى ورىنداۋ بولدى“.

2023 - جىلى كۇزدە جىجياڭعا قىزمەت تەكسەرۋگە بارعان باس شۋجي رەفورمانىڭ نىشاندىق ءمانى بار ي - ۋعا كەلدى. جىجياڭدا قىزمەت ىستەگەن كەزدە، شي جينپيڭ جولداس ول جەرگە تالاي رەت بارعان بولاتىن. ي - ۋدىڭ دامۋى ءدوپ كەلگەن ءتۇزىلىس، مەحانيزمنىڭ كەدەرگىسىنە قاراتا، ونىڭ مىنا ءبىر اۋىز ءسوزى جۇرت جۇرەگىنە تەرەڭ ۇيالادى: بالانىڭ ەسەيىپ - ەرجەتۋى وتە تەز، ال كيىمى تەز كىشىلىك ەتەدى، ”ەسەيىپ - ەرجەتكەن بالاعا ۇلكەن كيىم كيگىزۋ كەرەك“. بۇل كۇندە ي - ۋ ”بۇكىل ەلدى شارپىعان ساۋدا - ساتىقتان“ ”بۇكىل دۇنيە ءجۇزىن شارپىعان ساۋدا - ساتىققا“ قادام تاستاپ، ”دۇنيە جۇزىندەگى ەڭ ۇلكەن ۇساق تاۋار بازارىنا“ اينالدى. قايتكەندە ”ۇزدىكسىز شۇعىلالى ناتيجە جاراتۋعا“ بولادى؟ ءالى دە يدەيانى ازات ەتىپ، ەسكىلىكتى جويىپ، جاڭالىققا كوشۋ كەرەك. ”يدەيانى ىشكەرىلەي ازات ەتۋ، قوعامدىق وندىرگىش كۇشتەردى ىشكەرىلەي ازات ەتۋ جانە دامىتۋ، قوعامنىڭ ومىرشەڭدىگىن ىشكەرىلەي ازات ەتۋ جانە كۇشەيتۋ كەرەك“، بۇل − ءارى رەفورمانىڭ ماقساتى، ءارى رەفورمانىڭ شارتى.

وسى جىلداردا باس شۋجي شي جينپيڭ ”جۇرەكتىلىكپەن سىناپ كورۋگە“، ”جۇرەكتىلىكپەن ىزدەنۋگە“ تالاي رەت شابىت بەردى.

رەفورمادا اتويلاپ الدا جۇرەتىن، جۇرەكتىلىكپەن الدا جۇرەتىن جالىندى جىگەر بولۋى، سونداي - اق شوگەلدىكپەن ىستەيتىن، قيىندىقتان تايسالماي العا ۇمتىلاتىن قايسارلىق بولۋى كەرەك. وراسان زور ساياسي باتىلدىق پەن اقىل - پاراسات، تىڭعىلىقتى ءىس تىندىرۋ بولماسا، تاريحي بۇرىلىستىڭ تۋىلۋى قيىنعا سوعادى، تاريحي وزگەرىستەن دە اۋىز اشۋعا بولمايدى. ” ’قامال الۋ‘ رۋحىن، ’جاڭالىق جاراتۋ‘ تەبىنىن، ’ىستەۋ‘ ستيلىن ماڭگى ساقتاپ، ءتىپتى دە كوپ ’كوكتەم حيكاياسىن‘ جالعاستى جازۋعا قۇلشىنىپ، دۇنيە ءجۇزىن جالت قاراتقان جاڭا، ءتىپتى دە زور كەرەمەتتەر جاراتۋعا قۇلشىنامىز!“ باس شۋجي شي جينپيڭنىڭ بۇل ءسوزى سانسىز رەفورما تولقىنىن تاسقىنداتتى.

جاڭا ءداۋىر باستالدى، 30 نەشە جىلدىق رەفورمانى باستان وتكىزىپ، جوعارى قارقىندى دامۋدىڭ جول ايىرىعىندا تۇرعان جۇڭگونىڭ رەفورماسى قامال الۋ كەزەڭىنە جانە تەرەڭ قويناۋعا ءوتتى. ”وڭاي، دۇيىم جۇرتتى قۋانىشقا بولەگەن رەفورما ورىندالدى“، ”رەفورمانىڭ ۇزدىكسىز ىلگەرىلەۋىنە ىلەسە، مۇددە قاتىناسىنىڭ شارپۋى بارعان سايىن تەرەڭدەيتىنىن دە كورە ءبىلۋىمىز كەرەك“. تاريح وسى كەزگە جەتكەندە، تەك قيىندىقتاردى جەڭىپ، حاۋىپ - قاتەردەن تايسالماي، شىنداپ كىرىسىپ، قيىن - قىستاۋ بولعان سايىن العا باسىپ، باستان - اياق جالعاستىرىپ، سوڭىنا دەيىن مىقتى يگەرىپ، شەگە قاعۋ كەرەك.

ءبىر قىدىرۋ ستراتەگيالىق شارالار قولدانىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ قامال الۋ سيپاتتى ىلگەرىلەۋشىلىكتەردى جۇزەگە اسىرىپ، ءبىر قىدىرۋ بوگەنايلىق جەتىستىكتەرگە قول جەتكىزدى... 2020 - جىلى ورتالىق رەفورمانى جاپپاي تەرەڭدەتۋ كوميتەتىنىڭ 17 - رەتكى ماجىلىسىندە باس شۋجي شي جينپيڭ قولىنداعى 20 مىڭنان استام ارىپتەن اساتىن پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدى قورىتىندىلاۋ، باعالاۋ بايانداماسىن كوتەرىپ: ”ءبىزدىڭ 7 جىلدان استام ۋاقىتتان بەرگى رەفورمانى جاپپاي تەرەڭدەتۋدەگى تابىستارىمىزدىڭ بارلىعى وسىندا!“ دەدى.

رەفورما تەك قانا جۇرگىزىلەدى. وسىدان كەيىن 2023 - جىلعى جاڭا جىلدى قۇتتىقتاۋ ءسوزىندە باس شۋجي شي جينپيڭ سۋ شىنىڭ ءبىر اۋىز ءسوزىن سيتاتقا كەلتىرىپ، جاڭا داۋىردەگى كوممۋنيستەردىڭ ”ەڭ قيىن تۇستان قامال الىپ، ەڭ اسقاق نىساناعا ۇمتىلۋ“ سىندى رەفورما بەكىمىن ايگىلەدى: ”ەڭ قيىن ىستەردى ىستەگەندە عانا، ەڭ بيىك مۇراتقا تالپىنۋعا بولادى“.

قيىن ماسەلەلەردى شەشۋ ءۇشىن، جۇرەكتى بولۋ، قادامدى نىق باسۋ كەرەك. رەفورما مەيلى قالاي جۇرگىزىلسىن، ”“پارتيانىڭ جالپى بەتتىك باسشىلىعىنا، ماركسيزمگە، جۇڭگوشا سوتسياليزم جولىنا، حالىق دەموكراتياسىنىڭ ديكتاتۋراسىنا تاباندى بولۋ سياقتى ءتۇبىرلى نارسەلەردەن استە اۋىتقىماۋ كەرەك“.

جاڭا داۋىردە ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن ورناتۋ، ونان سوڭ كۇشىنەن قالدىرۋ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنى باستان - اياق ساباقتاستىرىلدى. رەفورمانى جاپپاي تەرەڭدەتۋدە سىناق تۇيىندەرىندە ىزدەنىس جاساۋعا، پىسىپ - جەتىلگەندە جالپىلاستىرۋعا ءمان بەرىلەدى، جۇيەلى جوبالانىپ، ديالەكتيكالىق شارا قولدانىلادى، بۇل ايتىلمىس ”تاباندا جونگە سالۋدا تۇلعا بولۋ، تارتىپپەن جونگە سالۋ“ دەگەندىك. حايناندا جۇڭگوشا ەركىن ساۋدا پورتى قۇرىلىسى جەلكەن جايا باستادى؛ شىنجىندا ”الدىمەن اتقارىپ، الدىمەن سىناق جۇرگىزۋدەن“ ”الدىمەن ۇلگى كورسەتۋگە“ دەيىن تيپ جاڭالانىپ، قارىشتاپ دامۋدىڭ ومىرشەڭدىك كۇشى اناعۇرلىم ايگىلەندى؛ شاڭحاي پۋدۇڭ سوتسياليستىك وسىزامانداندىرۋ قۇرىلىسىنا جەتەكشىلىك ەتەتىن رايون قۇرۋدىڭ جاڭا بورىشىن ارقالادى؛ جىجياڭ بىرگە بايۋدان ۇلگى كورسەتۋ رايونىن قۇرۋدىڭ جاڭا مىندەتىن ارقالادى، الىس ساپاردان تايسالمادى... جاڭا داۋىردە جالپى جاعداي تۇرعىسىنان جوبالانىپ، شەشۋشى ءتۇيىن تياناقتاندى، جەر - جەردىڭ بۇكىل ەلدىڭ دامۋ جالپى جاعدايىنداعى ستراتەگيالىق ورنى دا ءداۋىر جۇكتەگەن بورىش پەن مىندەت بولدى. ءبىر وڭىردەن ءبىر وڭىرگە جالعاسقان رەفورما سىناق تۇيىندەرى ءبىر - بىرىمەن توعىسىپ، ءبىر - بىرىمەن تۇتاسىپ جاتتى، مىسالى، قۇس جولى جۇيەسىنىڭ كۇللى الەمەگە جارىق شاشقانىنداي، جوعارى دەڭگەيلى جوبالاۋ مەن امالياتتىق ىزدەنىستىڭ ديالەكتيكالىق بىرلىگى ايگىلەندى.

ەڭ ايقىن رۋحاني بەلگىدە تاعدىرلاس دۇنيە كوزقاراسى قامتىلىپ جاتىر.

سىرتقا ەسىك اشۋ − ەلىمىزدىڭ نەگىزگى مەملەكەت ساياساتى، ەسىك اشۋ ارقىلى رەفورمانى جەبەۋ − رەفورما جاساپ، ەسىك اشۋدىڭ امالياتتىق لوگيكاسى. جوعارى دەڭگەيدە سىرتقا ەسىك اشۋعا تاباندى بولۋ جانە تەرەڭ قاتپارلى رەفورمانى ىلگەرىلەتۋ ەڭ سوڭىندا جۇڭگو ۇلگىسىندەگى وسىزامانداندىرۋدىڭ ۇلى امالياتىمەن بىرلىككە كەلەدى. 100 جىلدىق وزگەرىس جەدەل قۇبىلىپ، باس شۋجي شي جينپيڭ اۋقىمعا قاراي وزگەرىپ، جاڭا دامۋ جاعدايىن قالىپتاستىرۋدى العا قويدى. بۇل ەسىك اشۋدان باز كەشكەندىك پە؟ كۇدىك - كۇمان الدىندا، باس شۋجيدىڭ پوزيتسياسى ايقىن بولدى: ”’قوس اينالىم‘ توماعا - تۇيىقتىق ەمەس، باسقالار بىزگە ەسىك اشپاعان كەزدە، ءبىز ءوزىمىز ءالى دە ءومىر سۇرە الامىز، ءتىپتى دە جاقسى ءومىر سۇرە الامىز. ءبىز قاقپانى ايقارا اشامىز، كىم بىزبەن سەلبەستىك جاساماق بولسا دا، بارلىعىن قارسى الامىز“.

رەفورما جاساپ، ەسىك اشۋ بارىسىندا جۇڭگو مەن دۇنيە ءجۇزىنىڭ قاتىناسىندا كەڭ ءارى تەرەڭ تاريحي وزگەرىستەر تۋىلدى. ەكى مىڭ جىلدان استام ۋاقىتتىڭ الدىندا - اق شىعىس پەن باتىس بايىرعى جىبەك جولىن تۇتاستىرعان، ال بۇگىنگى تاڭدا ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ جاڭا بەينەسى جارىققا شىعپ، تىڭ داستان جازىلۋدا؛ ادامزاتتىڭ تاعدىرلاس ورتاق تۇلعاسى، دۇنيە جۇزىلىك 3 ءىرى باستاما كەڭ كولەمدى ۇندەستىك تاپتى، بۇكىل ادامزاتتىڭ ورتاق قۇندىلىعى جاپپاي ورتاق تانىمعا اينالا باستادى... بۇدان سىرت، 2013 - جىلى شاڭحاي ەركىن ساۋدا سىناق رايونى قۇرىلىپ، قازىرگە دەيىن بۇكىل ەلدەگى 22 ەركىن ساۋدا سىناق رايونىنا كەڭەيىپ، حالىقارالىق جانە ەل ىشىندەگى ەكى بازار، ەكى ءتۇرلى بايلىق ءبىر تۇتاس ويداعىداي پايدالانىلدى. ادامزات وركەنيەتىنىڭ پايدالى جەتىستىكتەرىنەن بەلسەنە ۇلگى الۋدان ادامزات وركەنيەتىنىڭ جاڭا فورماتسياسىن جاراتىپ، جۇڭگونىڭ دامۋ ورايىنان ورتاق يگىلىكتەنۋگە دەيىن، جۇڭگو ارەكەتى ارقىلى جۇڭگونىڭ دامۋى دۇنيە جۇزىنەن ايرىلا المايتىنىن، دۇنيە ءجۇزىنىڭ گۇلدەنىپ - كوركەيۋى دە جۇڭگوعا مۇقتاج ەكەنىن ايگىلەدى.

ال اناعۇرلىم تەرەڭ تۇرعىدان وسى ”زامانىمىزداعى جۇڭگو حالقىنىڭ ەڭ ايقىن رۋحاني بەلگىسىنە“ ۇڭىلسەك، جاڭا جورىقتاعى سەنىم مەن ارىندى ونان ارى تاسقىنداتۋعا بولادى.

ەڭ ايقىن رۋحاني بەلگى، ءتۇيىندى ءسوز − ”رۋح“ دەگەن ءسوز.

رەفورما وندىرگىش كۇشتەردىڭ دامۋىن بارىنشا جەبەۋمەن بىرگە، جۇڭگولىقتاردىڭ رۋحاني دۇنيەسىن سومداپ، جۇڭگولىقتاردىڭ رۋحاني بەت - بەينەسىن وزگەرتىپ، جۇڭگولىقتاردىڭ قۇن كوزقاراسىن شىڭداپ، جۇڭگولىقتاردىڭ وزىنە دەگەن سەنىمىن جەتىلدىردى. باس شۋجي شي جينپيڭ بىلاي دەپ اتاپ كورسەتتى: ”بۇگىنگى دۇنيەدە قايسى ساياسي پارتيا، قايسى مەملەكەت، قايسى ۇلت وزىنە كامىل سەنەدى دەسەك، وندا جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە كامىل سەنۋگە ەڭ حاقىلى“.

جۇڭگو كوممۋنيستەرىنىڭ رۋحاني شەجىرەسىندە رەفورما جاساپ، ەسىك اشۋ سومداعان رەفورما جاساپ، ەسىك اشۋ ۇلى رۋحى وعان جازىلدى. ماتەريادان مولشىلىققا يە بولعان مۇنداي وزگەرىس ”تاعدىردى ءوز قولىمىزدا ۇستاۋىمىز كەرەك“ دەيتىن لوگيكامەن ساباقتاسىپ جاتادى. جۇڭگو سياقتى ءىرى ەلدە ”رەفورمانى، دامۋدى ىلگەرىلەتۋدە بۇلجىماس قاعيدا سانالاتىن وقۋلىق جوق، جۇڭگو حالقىنا ەمەۋرىن بىلدىرەتىن ۇستاز دا جوق“. جول دەگەن نە؟ باس شۋجي لۋشۇن مىرزانىڭ الگى ءسوزىن تالاي رەت سيتاتقا كەلتىرىپ، ”جولسىز جەردەن جول اشتىق، تىكەندى جەردى باسىپ العا وزدىق“.

رەفورمانىڭ قيىندىعى ەڭ الدىمەن يدەيانى بىرلىككە كەلتىرىپ، ورتاق تانىم قالىپتاستىرۋدا. ”وسىنشاما ۇلكەن پارتيامىزدا، مەملەكەتىمىزدە ورتالىقتانعان ءبىر تۇتاستىق بولماسا، پارتيا ورتالىق كوميتەتىنىڭ پارمەندى باسشىلىعى بولماسا، ورتالىقتىڭ كۇشتى بەدەلى بولماسا، ءىسىمىز اقساعانمەن قويماي، ونىڭ ۇستىنە بىلىقپالىق تۋىلار ەدى!“ رەفورمانى سانالى تۇردە جالپى جاعداي تۇرعىسىنان تانىپ، يدەيانى ازات ەتۋ بارىسىندا يدەيانى بىرلىككە كەلتىرىپ، مۇددەنى رەتتەۋگە دۇرىس مامىلە جاساپ، رەفورمانى بەلسەنە قولداپ، وعان ات سالىسقاندا عانا، رەفورما ورتاق تانىمىن بارىنشا ۇيىستىرىپ، رەفورما بىرىككەن كۇشىن قالىپتاستىرۋعا، سوندا عانا ءتۇرلى حاۋىپ - قاتەر مەن سىنداردى جەڭىپ، ىنتىماقتاسا كۇرەس جۇرگىزۋدىڭ ەڭ ۇلكەن سەنترلەس شەڭبەرىن سىزۋعا بولادى.

ەڭ ايقىن رۋحاني بەلگىنىڭ الدىڭعى ورىندا تۇراتىنى ”جۇڭگو حالقى“. ”مەن وزىممەن ساناسپاي حالىقتىڭ ءۇمىتىن اقتايمىن“ دەگەن جۇرەك ءۇنىنىڭ ميلليارد حالىقتىڭ شىنايى مويىنداۋىنا يە بولۋىنىڭ سەبەبى، جاڭا داۋىردە رەفورمانى ۇزدىكسىز ىلگەرىلەتىپ، حالىقتىڭ مۇڭ - مۇقتاجىن شەشىپ، ”حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتەمىز“ دەگەن ايبىندى ۋادەنى ورىنداۋدان جانە حالىققا تىعىز سۇيەنىپ، حالىقتىڭ ءتول جاسامپازدىق رۋحىن ساۋلەلەندىرىپ توپتاعان تاسقىنداعان كۇشتى امالياتتا باتىل ايگىلەۋدەن بولدى.

”ەڭ ايقىن“ ەرەكشەلىك ەڭ جارامدى رەفورما امالياتىنان شىڭدالىپ شىققان.

40 نەشە جىلدا ءبىر رەفورما جولى ارقىلى جۇڭگو حالقى نىق قاداممەن العا باستى. جوسپارلى شارۋاشىلىقتان بازار شارۋاشىلىعىنا، تۇيىقتالۋدان، جارتىلاي تۇيىقتالۋدان جان - جاقتى ەسىك اشۋعا، ىشەر اس، كيەر كيىمگە جارىماۋدان جاپپاي دوڭگەلەك داۋلەتتىلىككە، ”جەر شارىنان ايدالۋ قاتەرىنە“ ءدوپ كەلۋدەن ”ارشىندى قاداممەن داۋىرگە ىلەسىپ“ دەيىن دۇنيە جۇزىندە تەڭ قاتارعا قوسىلعانعا دەيىن... 2013 - جىلعى ”ءداۋىر بولگىش“ پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ باسا دارىپتەگەندەي، ”رەفورما جاساپ، ەسىك اشۋ − پارتيامىز جاڭا ءداۋىر شارت - جاعدايىندا حالىققا باسشىلىق ەتىپ جۇرگىزگەن جاڭا ۇلى توڭكەرىس“.

جۇڭگوشا سوتسياليستىك ءتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدە رەفورمانى اناعۇرلىم جاپپاي تەرەڭدەتۋ − ءسوزسىز باسىپ وتەتىن جول، ”بۇل − پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋ امالياتىنىڭ جالعاسى ءارى جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك جاڭا تاراۋى“.

ۇلى ءىس ۇلى رۋحقا مۇقتاج، ۇلى رۋح ۇلى ارمانعا قانات قاعادى. ەنگەلس بىلاي دەيدى: تاريح قايدان باستالسا، يدەيانىڭ اياق الىسى دا سونان باستالۋى كەرەك، ال يدەيانىڭ اياق الىسىنىڭ ونان ارى دامۋى تاريحي بارىستىڭ ابستراكتتىق، نازاريالىق جاقتان ىلگەرىندى - كەيىندى دايەكتى فورما جاقتاعى بەينەلەنۋى عانا. رەفورما جاساپ، ەسىك اشۋ رۋحى وتكەنمەن، قازىرمەن جانە بولاشاقپەن توعىسىپ، جۇڭحۋانىڭ تاڭداۋلى ءداستۇرلى مادەنيەتىنەن ءنار الىپ، قۇلاشىن كەڭ جايعان رەفورما جاساپ، ەسىك اشۋ امالياتى بارىسىندا قالىپتاسىپ جانە دامىپ، مولىعىپ، شۇعىلا شاشىپ، تەرەڭ قاتپارلى ءارى جارامدى بولدى، بەينە، داۋرىقپاي – اق ءىرى ىستەردى تىنىدىرىپ تاستاعانداي.

وسى زامانعى جۇڭگو حالقىنىڭ وسى ءبىر ەڭ ايقىن رۋحاني بەلگىسى ءبىزدىڭ جۇڭگو ۇلگىسىندەگى وسىزامانداندىرۋدى تىعىز ارقاۋ ەتىپ، رەفورمانى ىشكەرىلەي جاپپاي تەرەڭدەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ۋاقىت وتكەن سايىن جاڭالانىپ، ايالسىز ءومىر سۇرەتىن رۋحاني كۇشىمىز.

كەلۋ قاينارى: حالىق تورابى