شينجياڭ ۇيعۇر اۆتونوميالى رايوندىق ءدارى ـ دارمەك زەرتتەۋ مەكەمەسى ماڭدايشالىق استى

8 – ايدىڭ 26 – كۇنى، شينجياڭ ۇيعۇر اۆتونوميالى رايوندىق ءدارى - دارمەك زەرتتەۋ مەكەمەسىنىڭ ماڭدايشالىعى اسىلىپ رەسمي قۇرىلدى، نازاردى جۇڭگوشا شيپاگەرلىك، ءدارى - دارمەكتىڭ شەشۋشى وزەكتى تەحنيكالارىنان قامال الۋعا شوعىرلاندىرىپ، جۇڭگوشا ءدارى - دارمەك ماتەريالدارىن ەگۋ جانە بايلىقتى قورعاۋ، جۇڭگوشا ءدارى - دارمەكتىڭ جاڭا دارىلەرىن زەرتتەۋ - اشۋ، جۇڭگوشا ءدارى - دارمەك ولشەمىن بەلگىلەۋ جانە ساپانى مەڭگەرۋ سياقتى سالالارداعى زەرتتەۋدى كۇشەيتەدى. اۆتونوميالى رايوننىڭ ەكونوميكالىق، قوعامدىق دامۋىنا تىڭ ومىرشەڭدىك كۇش ۇستەيدى.

شينجياڭ ۇيعۇر اۆتونوميالى رايوندىق ءدارى - دارمەك زەرتتەۋ مەكەمەسىنىڭ توركىنى — بۇرىنعى شينجياڭ ۇيعۇر اۆتونوميالى رايوندىق ءدارى - دارمەك زەرتتەۋ ورنى، شينجياڭ ۇيعۇر اۆتونوميالى رايوندىق جۇڭگوشا ءدارى - دارمەك، ۇلتتىق ءدارى - دارمەك زەرتتەۋ ورنى، اۆتونوميالى رايوندىق ۇيعۇر شيپاگەرلىگىن، ٴدارى – دارمەگىن زەرتتەۋ ورنى (تومەندە قىسقارتىلىپ ”ءۇش ورىن“ دەلىنەدى) سىندى 3 عىلىمي زەرتتەۋ قۇرىلىمى، بيىل 5 - ايدا اۆتونوميالى رايوندىق پارتكومنىڭ ءىسورىندارى رەفورماسىن تەرەڭدەتۋ جونىندەگى جالپى تۇلعالىق ورنالاستىرۋىنا ساي، ۇشەۋى بىرىگىپ اۆتونوميالى رايوندىق ءدارى – دارمەك زەرتتەۋ مەكەمەسى بولىپ قۇرىلدى.

شينجياڭ ۇيعۇر اۆتونوميالى رايوندىق ءدارى - دارمەك زەرتتەۋ مەكەمەسى پارتكومىنىڭ ورىنباسار شۋجيى، مەكەمە باستىعى شيڭ جيانگو بىلاي دەپ تانىستىردى: زەرتتەۋ ورنى كلينيكالىق سۇرانىستى جەتەكشى ەتىپ، جاڭا ءدارى - دارمەكتىڭ قولدانىلۋىن زەرتتەۋ قابىلەتى مەن ىقپالىن جوعارىلاتادى؛ جياڭ جياندۇڭ اكادەميكتىڭ سەلبەسىپ جاڭالىق اشۋ ورتالىعىنا سۇيەنىپ، مەملەكەتتىڭ، اۆتونوميالى رايوننىڭ عىلىم - تەحنيكا نىساندارىن ءوتىنىش ەتۋ، اتقارۋ جانە تەكشە قۇرىلىسىن ىلگەرىلەتەدى؛ دارىندىلار ءتۇزىلىسى رەفورماسىن تۇيىندە سىناق ەتۋدى اتقارىپ، تاڭداۋلى دارىندىلاردى باۋلىپ، الىپ قالىپ، ويداعىداي ىستەتەدى. اۆتونوميالى رايوننىڭ عىلىم ـ تەحنيكانى دامىتۋ قاجەتىن ارقاۋ ەتىپ، ”زەرتتەۋ مەكەمەسىنىڭ“ ءبىر تۇلعالانىپ دامۋىنا ۇيلەسەتىن باسقارۋ، جۇمىس جۇرگىزۋ ۇلگىسىن ورناتىپ، سايكەسە جاڭالىق اشىپ، شوعىرلى قامال الىپ، ءبىر توپ كورنەكى عىلىم ـ تەحنيكا جەتىستىكتەرىنە قول جەتكىزەدى.

كەلۋ قاينارى: حالىق تورابى