سىرتقى ىستەر مينيسترلىگى: جۇڭگو پاكيستاننىڭ لاڭكەستىككە قارسى تۇرۋ ارەكەتىن ىلگەرىلەتۋىن ۇزدىكسىز باتىل قولدايدى

شينحۋا اگەنتتىگىنىڭ 8 – ايدىڭ 27 – كۇنى بەيجيڭنەن بەرگەن حابارى: سىرتقى ىستەر مينيسترلىگىنىڭ مالىمدەمەشىسى لين جيان 8 – ايدىڭ 27 - كۇنى بىلاي دەدى: جۇڭگو ءارقانداي فورماداعى لاڭكەستىككە باتىل قارسى تۇرادى، پاكيستاننىڭ لاڭكەستىككە قارسى تۇرۋ ارەكەتىن ىلگەرىلەتۋىن ۇزدىكسىز باتىل قولدايدى.

سول كۇنى وتكىزىلگەن كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: حابارعا قاراعاندا، جەرگىلىكتى ۋاقىت 8 – ايدىڭ 26 - كۇنى پاكيستاننىڭ بەلۋجيستان ولكەسىندە كوپ رەت لاڭكەستىك شابۋىل وقيعاسى تۋىلعان. لاڭكەستەر بەلۋجيستاننىڭ كوپ جەرىندە پاكيستاننىڭ حاۋىپسىزدىك قوسىنى مەن ساقشىلارىنا تۇتقيىل شابۋىل جاساپ، اۆتوكولىكتەردى توسىپ جانە بەيكۇنا بۇقارانى ولتىرگەن، تاس جول، تەمىر جول سياقتى نەگىزدىك قۇرىلعىلاردى بۇلدىرگەن. جۇڭگو جاق بۇعان قانداي باعا بەرەدى؟

لين جيان بىلاي دەدى: جۇڭگو لاڭكەستىك شابۋىل وقيعاسىن قاتاڭ جازعىرادى، قازا بولعاندارعا قايعىلى ازا بىلدىرەدى.

ول بىلاي دەدى: جۇڭگو ءارقانداي فورماداعى لاڭكەستىككە باتىل قارسى تۇرادى، پاكيستاننىڭ لاڭكەستىككە قارسى تۇرۋ ارەكەتىن ىلگەرىلەتۋىن، قوعامنىڭ ىنتىماعىن، ورنىقتىلىعىن قورعاۋىن، حالىقتىڭ حاۋىپسىزدىگىن قورعاۋىن ۇزدىكسىز باتىل قولدايدى. جۇڭگو پاكيستانمەن لاڭكەستىككە قارسى تۇرۋ، حاۋىپسىزدىك سەلبەستىگىن ونان ارى كۇشەيتىپ، ءوڭىردىڭ بەيبىتشىلىگى مەن حاۋىپسىزدىگىن بىرگە قورعاۋدى قالايدى.

كەلۋ قاينارى: حالىق تورابى