ەلىمىز ديقانداردى تاربيەلەۋ كۋرسىنىڭ ساپاسىن 4 ءتۇرلى جاقتان جوعارىلاتادى 

شينحۋا اگەنتتىگىنىڭ ءتىلشىسى يۇي چيۇڭيۋاننىڭ 10 – ايدىڭ 9 – كۇنى سانيادان بەرگەن حابارى. ءتىلشىنىڭ 10 – ايدىڭ 9 – كۇنى مەملەكەتتىك 6 – كەزەكتى ديقانداردى تاربيەلەۋ كۋرسىن دامىتۋ تالقى مىنبەرىنەن ۇعىسۋىنشا، ەلىمىز ديقانداردى تاربيەلەۋ كۋرسىنىڭ ساپاسى مەن ونىمدىلىگىن 4 ءتۇرلى جاقتان جوعارىلاتادى.

مەملەكەتتىڭ استىق حاۋىپسىزدىگى سالاسىنداعى دارىندىلار نەگىزىن اناعۇرلىم بەكەمدەيدى. اۋىل شارۋاشىلىعى جانە اۋىل – قىستاق مينيسترلىگىنىڭ قاتىستى جاۋاپتىسىنىڭ تالقى مىنبەرىندە ايتۋىنشا، جۋىرداعى جىلداردان بەرى، جوعارى ساپالى ديقانداردى تاربيەلەۋ نىسانى جىل سايىن استىق ءوندىرىسىن ورنىقتىرىپ، ازىقتىق ماي ءوندىرىسىن كەڭەيتىپ، قامداۋعا كەپىلدىك ەتۋگە قاراي بەيىمدەلىپ، استىق – ماي داقىلدارىنىڭ كەڭ كولەمدەگى بىرلىك ءونىمىن جوعارىلاتۋعا قىزمەت وتەپ جانە تىرەك بولىپ، مەملەكەتتىڭ استىق حاۋىپسىزدىگىن قورعاۋ جاعىندا شىنايى ۇلەس قوستى.

كەدەيلىكتەن ارىلعان وڭىرلەردە دارىندىلاردىڭ تىرەكتىك رولىن اناعۇرلىم كۇشەيتەدى. اتالعان جاۋاپتى ادامنىڭ ايتۋىنشا، كەدەيلىكتەن ارىلعان وڭىرلەرگە كاسىپ سالاسىن دامىتۋداعى باستاماشىلاردى ۇزدىكسىز جەتىلدىرىپ، ديقاندار جۇرتشىلىعىنا ىقپال ەتەتىن، ولاردى كىرىسىن ارتتىرىپ، اۋقاتتانۋعا باستايتىن دارىندىلار قوسىنىن قالىپتاستىرادى. سونىمەن بىرگە، كەدەيلىكتەن ارىلعان جان سانىنىڭ جۇمىستانۋ قاجەتىن قاناعاتتاندىرىپ، ءتۇرلى فورمالار ارقىلى كۋرس ۇيىمداستىرىپ، ولاردىڭ ونەر يگەرۋىنە، جۇمىس ورنىن ورنىقتىرۋىنا، جۇمىستانۋىنا كومەكتەسەدى.

اۋىل - قىستاقتاعى جۇمىستانعاندار، شارۋاشىلىق قۇرۋشىلار قوسىنىن اناعۇرلىم كەڭەيتەدى. تاربيەلەۋ فورماسىندا ۇزدىكسىز جاڭالىق اشىپ، كۋرس مازمۇنىن كەڭەيتىپ، ديقانداردىڭ ونەر ورەسى مەن جۇمىستانۋ قابىلەتىن جوعارىلاتۋىنا قولداۋ كورسەتىپ، ولاردىڭ اۋدان كولەمىندە جۇمىستانۋىنا، شارۋاشىلىق قۇرۋىنا كومەكتەسەدى.

اۋىل - قىستاقتى دامىتۋ، كوركەيتۋ، باسقارۋ جاعىنداعى دارىندىلاردى ازىرلەۋدى اناعۇرلىم كەمەلدەندىرەدى. اۋىل - قىستاقتى دامىتۋ، كوركەيتۋ، باسقارۋ جاعىنداعى دارىندىلاردى تاربيەلەۋ، ديقانداردىڭ يدەيالىق، ءمورالدىق ساپاسى، اۋىل - قىستاقتاعى ەسكىلىكتى ادەت – عۇرىپتى وزگەرتۋ، اۋىل - قىستاقتى باسقارۋعا اتسالىسۋ، مادەنيەتكە مۇراگەرلىك ەتۋ جانە قورعاۋ، بۇقارالىق دەنە تاربيە جانە شىنعۋ قاتارلى ءتۇرلى جاقتارداعى كۋرستەردى كۇشەيتەدى.

ۇعىسۋعا قاراعاندا، جوعارى ساپالى ديقانداردى تاربيەلەۋ جوسپارى بويىنشا 2023 – جىلى 800 مىڭنان استام ديقان تاربيەلەنگەن. اۋىل شارۋاشىلىعى جانە اۋىل – قىستاق مينيسترلىگى ورتالىق كوميتەتتىڭ ۇيىمداستىرۋ بولىمىمەن بىرلەسە وتىرىپ، اۋىل - قىستاقتاعى قولدانىلمالى سالالارداعى دارىندى باستاماشىلار كۋرسىن ۇيىمداستىرىپ، ءار جىلى 20 مىڭ ادام تاربيەلەگەن. اۋىل شارۋاشىلىعى جانە اۋىل – قىستاق مينيسترلىگى ديقانداردىڭ ساپاسىن جوعارىلاتۋ جاعىندا كۋرس اشۋ ارەكەتىن اتقارىپ، 2023 – جىلى 8000 عا جۋىق اكىمشىلىك قىستاقتا بۇكىل قىستاق بويىنشا تۇيىندە سىناق ەتۋدى ىلگەرىلەتىپ، ديقاندارعا باعىتتالعان ساپانى جوعارىلاتۋ جاعىنداعى الەۋمەتتىك يگىلىك سيپاتىنداعى كۋرستارعا 340 مىڭنان استام ادامدى (رەت) قاتىناستىرعان. جوعارى ساپالى ديقاندار قوسىنىنىڭ ساپاسى مەن قۇرىلىمى ۇزدىكسىز جاقسارعان، اۋىل – قىستاقتاعى كاسىپ سالاسىنىڭ دامۋ ورەسى ورنىقتى تۇردە جوعارىلاعان، ديقانداردىڭ اۋىلىنا قايتىپ ديقانشىلىقپەن اينالىسۋ، شارۋاشىلىق قۇرۋ بەلسەندىلىگى بىرتىندەپ جوعارىلاعان.

كەلۋ قاينارى: حالىق تورابى