جۇڭگو كوممۋنيستىك پارتياسى ورتالىق كوميتەتى چياۋ شى جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ اڭگىمە ءماجىلىسىن وتكىزدى

12 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتى بەيجيڭدەگى حالىق سارايىندا چياۋ شى جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ اڭگىمە ءماجىلىسىن وتكىزدى. شي جينپيڭ، جاۋ لىجي، ساي چي، لي شي قاتارلىلار اڭگىمە ماجىلىسىنە قاتىناستى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 12 - ايدىڭ 16 - كۇنى، بەيجيڭ (ءتىلشى جاۋ چىڭ). جۇڭگو كوممۋنيستىك پارتياسى ورتالىق كوميتەتى 12 - ايدىڭ 16 - كۇنى تۇستەن بۇرىن حالىق سارايىندا اڭگىمە ءماجىلىسىن وتكىزىپ، چياۋ شى جولداس دۇنيەگە كەلگەندىگىنىڭ 100 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ بىلاي دەپ باسا دارىپتەدى: قازىر بۇكىل پارتيا، بۇكىل ەلدەگى ءار ۇلت حالقى كوكىرەك تولى سەنىممەن جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، نەشە ۇرپاق جۇڭگو كوممۋنيستەرىنىڭ وسى ءۇشىن كۇرەسكەن تاماشا مۇراتى بىرتىندەپ جۇزەگە اسۋدا. ءبىز جۇڭگوشا سوتسياليزم ۇلى تۋىن بيىك ۇستاپ، پارتيانىڭ اۋەلگى ماقساتى مەن بورىشىن ەستە بەرىك ساقتاپ، ءبىر نيەت، ءبىر تىلەكتە بولا وتىرىپ، قايراتتانا العا ۇمتىلىپ، تاريحتىڭ، ءداۋىردىڭ، حالىقتىڭ ءۇمىتىن اقتايتىن جاڭا ناتيجەلەردى ۇزدىكسىز جاراتۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى جاۋ لىجي اڭگىمە ءماجىلىسىن باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ساي چي، لي شي اڭگىمە ماجىلىسىنە قاتىناستى.

شي جينپيڭ سوزىندە بىلاي دەپ اتاپ كورسەتتى: جۇڭگو توڭكەرىسىنىڭ، قۇرىلىسىنىڭ، رەفورماسىنىڭ ۇلى ۇردىسىندە ۇرپاقتان - ۇرپاققا جالعاسقان تاڭداۋلى جۇڭگو كوممۋنيستەرى جارىققا شىقتى، چياۋ شى جولداس − سولاردىڭ ۇزدىك ۋاكىلى. ونىڭ ءومىرى − توڭكەرىستىك ءومىر، جاۋىنگەرلىك ءومىر، شۇعىلالى ءومىر، اقيقاتقا تالپىنعان، العا باسۋعا تالپىنعان، كوممۋنيزم ىستەرى ءۇشىن كۇرەس جۇرگىزگەن ءومىر. ونىڭ پارتيا مەن حالىققا سىڭىرگەن ەڭبەگى ءبىزدىڭ ەسىمىزدە بەرىك ساقتاۋىمىزعا، ونىڭ توڭكەرىستىك رۋحى مەن وسكەلەڭ قاسيەتى ءبىزدىڭ ۇيرەنۋىمىزگە تاتيدى.

شي جينپيڭ بىلاي دەپ باسا دارىپتەدى: ءبىز چياۋ شى جولداستى ەسكە العاندا، ونىڭ سەنىمنەن اينىمايتىن، مۇرات ءۇشىن ءوزىن ارنايتىن وسكەلەڭ قاسيەتىنەن ۇيرەنۋىمىز كەرەك. مۇرات - سەنىمدى بەكەمدەۋدى ومىرلىك تاقىرىپ ەتىپ، ۇنەمى تاربيەلەنىپ، ۇنەمى ءتۇسىنىپ، ۇنەمى العا باسىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنا باستان - اياق تاباندى بولىپ، تولقىن جارا العا ۇمتىلۋدىڭ سىنىنان ءوتۋ كەرەك.

شي جينپيڭ بىلاي دەپ اتاپ كورسەتتى: ءبىز چياۋ شى جولداستى ەسكە العاندا، ونىڭ پارتيا ستيلىن دۇرىستاپ، پارتيا ءتارتىبىن قاتايتۋداعى بەرىك پارتيالىلىعىنان ۇيرەنۋىمىز كەرەك. پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا باستان - اياق تاباندى بولىپ، پارتيانى جاپپاي قاتاڭ باسقارۋدان بۇلجىماي، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانىڭ العاباسارلىعى مەن كىرشىكسىزدىگىن ماڭگى ساقتاۋ كەرەك.

شي جينپيڭ بىلاي دەپ باسا دارىپتەدى: ءبىز چياۋ شى جولداستى ەسكە العاندا، ونىڭ اۋەلگى ماقساتتى ەستە بەرىك ساقتاپ، حالىق ءۇشىن شوگەلدىكپەن قىزمەت ىستەيتىن قاستەرلى قاسيەتىنەن ۇيرەنۋىمىز كەرەك. بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا، حالىقتى وزەك ەتكەن دامۋ يدەياسىنا باستان - اياق تاباندى بولىپ، حالىقتىڭ ءتۇبىرلى مۇددەسىن شىنايى قورعاپ، حالىققا باقىت جاراتۋعا قۇلشىنىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك.

شي جينپيڭ بىلاي دەپ اتاپ كورسەتتى: ءبىز چياۋ شى جولداستى ەسكە العاندا، ونىڭ باتىلدىقپەن رەفورما جاسايتىن، باتىلدىقپەن ءىس تىندىراتىن ساياسي جاۋاپكەرشىلىگىنەن ۇيرەنۋىمىز كەرەك. رەفورما جاساپ، ەسىك اشۋ تۋىن بۇلجىماي بيىك ۇستاپ، تۋراشىلدىقتان تايماي، جاڭالىق اشۋعا تاباندى بولىپ، جۇڭگو ۇلگىسىندەگى وسىزامانداندىرۋدى مىقتاپ ارقاۋ ەتە وتىرىپ رەفورمانى اناعۇرلىم جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى ىلگەرىلەتىپ، رەفورما جاساپ، ەسىك اشۋدىڭ جاڭا تاراۋىن قۇلشىنا جازۋ كەرەك.

شي جينپيڭ بىلاي دەپ باسا دارىپتەدى: ءبىز چياۋ شى جولداستى ەسكە العاندا، ونىڭ زاڭمەن باسقارۋعا قۇرمەت ەتەتىن، زاڭمەن باسقارۋدى قاتاڭ اتقاراتىن تالپىنىسىنان ۇيرەنۋىمىز كەرەك. جۇڭگوشا سوتسياليستىك زاڭمەن باسقارۋ جولىمەن جۇرۋگە باستان - اياق تاباندى بولىپ، زاڭدى عىلمي جولمەن شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىقتىڭ زاڭعا بويسۇنۋىن جاپپاي ىلگەرىلەتىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك.

شي جينپيڭ بىلاي دەپ اتاپ كورسەتتى: ءبىز چياۋ شى جولداستى ەسكە العاندا، ونىڭ شىندىقتى ءىس جۇزىنەن ىزدەيتىن، شىندىققا جۇگىنىپ، ناقتى ءىس ىستەيتىن قىزمەت ستيلىنەن ۇيرەنۋىمىز كەرەك. نازاريانى امالياتپەن ۇشتاستىرۋعا باستان - اياق تاباندى بولىپ، فورماشىلدىققا، تورەشىلدىككە باتىل قارسى تۇرىپ، زەيىن - زەردەنى، كۇش - قۋاتتى شوعىرلاندىرا وتىرىپ دامۋدى جەبەپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتۋ كەرەك (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

جاۋ لىجي اڭگىمە ءماجىلىسىن باسقارعاندا بىلاي دەدى: باس شۋجي شي جينپيڭ ماڭىزدى سوزىندە چياۋ شى جولداستىڭ پارتيا مەن مەملەكەت ىستەرىنە قوسقان كورنەكتى ۇلەسىن جوعارى باعالاپ، چياۋ شى جولداستىڭ توڭكەرىستىك رۋحى مەن وسكەلەڭ ونەگەسىنەن ۇيرەنۋگە ايقىن تالاپ قويدى. ءسوز ءبىزدىڭ ۇرپاقتان - ۇرپاققا جالعاسقان جۇڭگو كوممۋنيستەرى اشقان ىستەرگە مۇراگەرلىك ەتىپ جانە ونى دامىتىپ، جاڭا ءداۋىردىڭ جاڭا جورىعىنداعى پارتيا مەن حالىقتىڭ كۇرەس نىساناسىن جۇزەگە اسىرۋىمىز جونىنەن ماڭىزدى جەتەكشىلىك مانگە يە. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋ ءۇشىن قۇلشىنا كۇرەس جۇرگىزۋىمىز كەرەك.

اڭگىمە ماجىلىسىندە ورتالىق پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان، ورتالىق ءتارتىپ تەكسەرۋ كوميتەتى شۋجيىنىڭ ورىنباسارى سۇن شينياڭ، مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي، شاڭحاي قالاسىنىڭ باستىعى گۇڭ جىڭ ىلگەرىندى - كەيىندى ءسوز سويلەدى (سوزدەردەن ۇزىندىلەردى «حالىق گازەتىنىڭ» 6 - بەتىنەن وقي الاسىزدار).

لي گانجيە، لي شۋلەي، لي حۇڭجۇڭ، چىن ۋىنچيڭ، ۋاڭ شياۋحۇڭ، حاۋ ميڭجين، سۋ حۇي اڭگىمە ماجىلىسىنە قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنداعى، شاڭحاي قالاسىنداعى، جىجياڭ ولكەسىندەگى جاۋاپتى جولداستار، چياۋ شى جولداستىڭ تۋىس - تۋعاندارى، كوزى تىرىسىندەگى دوستارى، بۇرىنعى قاسىنداعى قىزمەتكەرلەردىڭ جانە اۋىلداستارىنىڭ ۋاكىلدەرى قاتارلىلار اڭگىمە ماجىلىسىنە قاتىناستى.

كەلۋ قاينارى: حالىق تورابى