2024.12.17 14:44 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ءماجىلىسىنىڭ شەشىم، ورنالاستىرۋلارىن دايەكتىلەندىرۋ، تياناقتاندىرۋ جونىندە ورنالاستىرۋ جاسادى، جەرگىلىكتى ۇكىمەتتەردىڭ ارناۋلى زايوم باسقارۋ مەحانيزمىن ساپالىلاندىرۋ جانە كەمەلدەندىرۋ جونىندە ورنالاستىرۋ جاسادى، ۇكىمەتتىڭ قارجىلاندىرۋ قورىنىڭ جوعارى ساپالى دامۋىن جەبەۋ جونىندەگى ساياساتتىق شارالاردى اقىلداستى، ءوندىرىس حاۋىپسىزدىگى بويىنشا تۇبىرىنەن وڭاۋدان قامال الۋدىڭ 3 جىلدىق ارەكەتىنىڭ ىلگەرىلەتىلۋ جاعدايى جونىندەگى مالىمەتتى تىڭدادى، فۋتبول ىستەرىن گۇلدەندىرۋ، دامىتۋعا قاتىستى قىزمەتتەردى ىلگەرىلەتۋدى اقىلداستى، «الەۋمەتتىك حاۋىپسىزدىك كەسكىن – ينفورماتسيا جۇيەسىن باسقارۋ ەرەجەسىن (جوبا)» قاراپ ماقۇلدادى
شينحۋا اگەنتتىگى، 12 - ايدىڭ 16 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 12 - ايدىڭ 16 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، باس شۋجي شي جينپيڭنىڭ ورتالىقتىڭ ەكونوميكالىق قىزمەت ماجىلىسىندە سويلەگەن ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جونىندە ورنالاستىرۋ جاسادى. ءماجىلىس بىلاي دەپ باسا دارىپتەدى: يدەيا مەن ارەكەتتى پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمىمەن جانە كەلەر جىلعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، تياناقتاندىرۋدى يگەرۋدەگى جاۋاپكەرشىلىك سەزىمدى، كوكەي تەستىلىك سەزىمدى جانە ىرىقتىلىقتى شىنايى كۇشەيتۋ كەرەك. مەملەكەتتىك كەڭەستىڭ ءارقايسى تاراۋلارى پارتيا ورتالىق كوميتەتى تۇراقتاندىرعان ءتۇرلى ورنالاستىرۋلارعا ساي، ولشەمگە، ۇلگىگە جاپپاي تۋرالانىپ، مىندەتتەردى ىرىقتىلىقپەن تانىپ، تياناقتاندىرۋ جوباسىن جاساپ، ناقتى مىندەت حاتىن، ۋاقىت كەستەسىن، باعدار كارتاسىن قالىپتاستىرىپ، ءتۇرلى قىزمەتتەردىڭ پارمەندى، ءتارتىپتى ىلگەرىلەۋىنە شىنايى كەپىلدىك ەتۋى كەرەك. الدىن الا تياناقتاندىرۋدى مىقتى يگەرىپ، ەرتە ىستەۋگە بولسا، ەرتە ىستەپ، كەش قالدىرماي، ءبىر جاعادان باس، ءبىر جەڭنەن قول شىعارىپ، بەلسەنە ءىس تىندىرىپ، تىڭعىلىقتى، ءونىمدى قىزمەت ارقىلى جالپى جاعدايعا كوبىرەك ۇلەس قوسۋ كەرەك.
ءماجىلىس جەرگىلىكتى ۇكىمەتتەردىڭ ارناۋلى زايومىن باسقارۋ مەحانيزمىن ساپالىلاندىرۋ جانە كەمەلدەندىرۋ جونىندە ورنالاستىرۋ جاساپ، بىلاي دەپ اتاپ كورسەتتى: جەرگىلىكتى ۇكىمەتتەردىڭ ارناۋلى زايومىن سالاعا بەيىمدەۋ بويىنشا ”شەكتەلگەن سالالار تىزىمدىگىنە“ ەنگىزىپ باسقارۋدى جولعا قويىپ، جەر زاپاسىنا، ىركىندى تاۋار ۇيلەردى ساتىپ الۋعا قولداۋ كورسەتۋ ءۇشىن پايدالانىلاتىن ۇيلەردى قامتاماسىزدىق تۇرعىن ءۇي رەتىندە پايدالانۋعا رۇقسات ەتىپ، نىساننىڭ كاپيتال قورى كولەمىن كەڭەيتۋ كەرەك. نىسانداردى تەكسەرۋ جانە باسقارۋ مەحانيزمىن ساپالىلاندىرىپ، جەرگىلىكتى ۇكىمەتتەردىڭ ءوزىن - ءوزى باسقارۋ ۇقىعى مەن يكەمدىلىگىن لايىقتى ارتتىرىپ، زايوم تاراتۋ، پايدالانۋ ونىمدىلىگىن جوعارىلاتۋ كەرەك. ارناۋلى زايومدى جالپى بارىس بويىنشا باسقارۋدى كۇشەيتىپ، قارجىنى باقىلاۋ - باسقارۋ مەحانيزمى مەن قايتارۋ مەحانيزمىن كەمەلدەندىرۋ كەرەك. كەلەر جىلعى ارناۋلى زايوم تاراتۋ، پايدالانۋ قىزمەتىن ويداعىداي ىستەپ، ناقتى قىزمەت مولشەرىن ەرتەرەك قالىپتاستىرىپ، ەكونوميكانىڭ ۇزدىكسىز قالپىنا كەلۋىن ىلگەرىلەتۋگە پارمەندى تىرەك ازىرلەۋ كەرەك.
ءماجىلىس ۇكىمەتتىڭ قارجى قوسۋ قورىنىڭ جوعارى ساپالى دامۋىن جەبەيتىن ساياسات - شارالاردى اقىلداسىپ، بىلاي دەپ اتاپ كورسەتتى: عىلمي، جوعارى ءونىمدى باسقارۋ جۇيەسىن ورناتىپ، ۇكىمەتتىڭ جەتەكشىلىك ەتۋى مەن ساياساتتىق ورنىن كورنەكتىلەندىرىپ، بازارلاندىرۋ، زاڭمەن باسقارۋ، ارنايىلاندىرۋ پرينسيبى بويىنشا ۇكىمەتتىڭ قارجى قوسۋ قورىن ارناعا ءتۇسىرىپ ىسكە قوسىپ، مەملەكەتتىڭ دامۋ جالپى جاعدايىنا اناعۇرلىم ويداعىداي قىزمەت وتەۋ كەرەك. ۇزاق مەرزىمدى كاپيتالدى، ءتوزىمدى كاپيتالدى دامىتىپ، ۇلعايتىپ، تۇرلىشە تيپتەگى قوردى پارىقتى باسقارۋ مەحانيزمىن كەمەلدەندىرىپ، قوعامدىق كاپيتالدىڭ ىعىستىرىلۋ اسەرىنەن ساقتانۋ كەرەك. ۇقىق پەن جاۋاپكەرشىلىك بىردەي، شابىتتاندىرۋ مەن تەجەۋ ءوزارا ۇيلەسكەن جاۋاپكەرشىلىك مەحانيزمىن اقاۋسىزداندىرىپ، جاڭالىق اشۋعا شابىتتاندىراتىن، ساتسىزدىككە كەشىرىممەن قارايتىن تاماشا راي قالىپتاستىرۋ كەرەك.
ءماجىلىس ءوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتىنىڭ ىلگەرىلەتىلۋ جاعدايى جونىندەگى مالىمەتتى تىڭداپ، بىلاي دەپ اتاپ كورسەتتى: حاۋىپسىزدىكتى باقىلاۋ - باسقارۋ جاۋاپكەرشىلىگىن ناقتىلاندىرىپ، ءوز كاسىبىنىڭ، ءوز جۇيەسىنىڭ اۋىر حاۋىپ - قاتەرىن، كومەسكى كىناراتتارىن ۇزدىكسىز ىشكەرىلەي تەكسەرىپ، تۇبەگەيلى وزگەرتىپ، تۇتاس جەلى بويىنشا ساڭلاۋلاردى بىتەپ، باقىلاۋ - باسقارۋدى تياناقتاندىرىپ، ءوندىرىس حاۋىپسىزدىگىنىڭ باياندى مەحانيزمىن ورناتۋ كەرەك. ولشەمنىڭ جەتەكشىلىك ەتۋ، قامتاماسىز ەتۋ رولىن كۇشەيتىپ، ولشەم جۇيەسىن ونان ارى اقاۋسىزداندىرىپ، ولشەم تالابىن جوعارىلاتىپ، ولشەمدى اتقارۋدى كۇشەيتۋ كەرەك. كونە جىلدىڭ سوڭى مەن جاڭا جىلدىڭ باسىندا حاۋىپسىزدىك ساقتىعىن ويداعىداي ىستەپ، ءتۇيىندى كەزەڭدەردى، ءتۇيىندى ورىنداردى، ءالسىز بۋىنداردى اداقتاپ تەكسەرۋدى جانە حاۋىپسىزدىك باسقارۋ - مەڭگەرۋىن كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە جانە قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك.
ءماجىلىس فۋتبول ىستەرىن گۇلدەندىرۋگە، دامىتۋعا قاتىستى قىزمەتتەردى ىلگەرىلەتۋدى اقىلداسىپ، بىلاي دەپ اتاپ كورسەتتى: فۋتبول ىستەرىن گۇلدەندىرۋ − دەنە تاربيەدە قۋاتتى ەل قۇرۋداعى ءتۇيىندى قىزمەت، ءتۇرلى ساياسات - شارالاردى تەبىندى تياناقتاندىرىپ، فۋتبول قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.
ءماجىلىس «الەۋمەتتىك حاۋىپسىزدىك كەسكىن - ينفورماتسيا جۇيەسىن باسقارۋ ەرەجەسىن (جوبا)» قاراپ ماقۇلداپ، بىلاي دەپ اتاپ كورسەتتى: الەۋمەتتىك حاۋىپسىزدىك كەسكىن جۇيەسى قۇرىلىسى مەن ونى پايدالانۋدى ارناعا ءتۇسىرىپ، الەۋمەتتىك حاۋىپسىزدىكتى اناعۇرلىم ويداعىداي قورعاۋ، جەكەلەردىڭ قۇپيالىعىن قورعاۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى