ورتالىق اسكەري ىستەر كوميتەتى بۇكىل ارمياداعى سوعىسقا دايىندالۋداعى ۇلگىلى ورىندار مەن ۇلگىلى جەكەلەردى ماداقتادى

شينحۋا اگەنتتىگى، 2 - ايدىڭ 12 - كۇنى، بەيجيڭ. ورتالىق اسكەري ىستەر كوميتەتى جۋىقتا حابارلاندىرۋ باسىپ تاراتىپ، بۇكىل ارمياداعى سوعىسقا دايىندالۋداعى ۇلگىلى 10 ورىندى جانە بۇكىل ارمياداعى سوعىسقا دايىندالۋداعى ۇلگىلى 20 جەكەنى ماداقتاپ - سيلادى.

حابارلاندىرۋدا بىلاي دەپ اتاپ كورسەتىلدى: تاياۋ جىلداردان بەرى بۇكىل ارمياداعى اسكەري بولىمدەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، جەڭىسكە جەتۋ قابىلەتىن جاپپاي جوعارىلاتىپ، اسكەري كۇرەستى تاباندىلىقپەن يكەمدى ورىستەتىپ، جاڭا داۋىردەگى حالىق ارمياسىنىڭ بورىشى مەن مىندەتىن ءونىمدى اتقارىپ، اسكەري كۇرەستىڭ ءبىرىنشى شەبىندە ەرلىكپەن شايقاس جاسايتىن، ناقتى شايقاستىڭ اتويشىسى بولاتىن، اسكەري ىستەر عىلمي زەرتتەۋىنىڭ شىڭىنا ەرلىكپەن شىعاتىن ءبىر توپ سايلاۋىت قوسىن، جاۋىنگەر قوسىن جارىققا شىقتى.

حابارلاندىرۋدا مىنالار تالاپ ەتىلدى: بۇكىل ارمياداعى اسكەري بولىمدەر ماداقتالىپ - سيلانعان ورىندار مەن جەكەلەردى ۇلگى ەتىپ، نازاردى ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋعا شوعىرلاندىرىپ، اسكەري كۇرەس دايىندىعىن مىقتى، ناقتى يگەرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قابىلەتىن ۇزدىكسىز جوعارىلاتىپ، پارتيا مەن حالىق جۇكتەگەن ءتۇرلى مىندەتتى باتىلدىقپەن ورىنداۋى كەرەك.

كەلۋ قاينارى: حالىق تورابى