مەملەكەتتىك حالىق قۇرىلتايى تۇراقتى كوميتەتىنىڭ كەڭسە مەڭگەرمەسى بەيجيڭدەگى مەملەكەتتىك حالىق قۇرىلتايى ۋاكىلدەرىنىڭ جاعدايىن حابارلاندىرۋ ءماجىلىسىن وتكىزدى

«حالىق گازەتى»، 2 - ايدىڭ 12 – كۇنى، بەيجيڭ (ءتىلشى پىڭ بو). مەملەكەتتىك حالىق قۇرىلتايى تۇراقتى كوميتەتىنىڭ كەڭسە مەڭگەرمەسى، تۇراقتى كوميتەت ۋاكىلدەرى قىزمەت كوميتەتى 2 - ايدىڭ 12 – كۇنى بەيجيڭدەگى مەملەكەتتىك حالىق قۇرىلتايى ۋاكىلدەرىنىڭ جاعدايىن حابارلاندىرۋ ءماجىلىسىن وتكىزىپ، ۋاكىلدەردىڭ 14 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناسۋىنا دايىندىق جاسادى.

مەملەكەتتىك حالىق قۇرىلتايى تۇراقتى كوميتەتى كەڭسە مەڭگەرمەسىندەگى نەگىزگى جاۋاپتى جولداس 14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنەن بەرگى مەملەكەتتىك حالىق قۇرىلتايى تۇراقتى كوميتەتىنىڭ باستى قىزمەتتەرى مەن 2025 - جىلعى قىزمەتتەرىنىڭ العاشقى ورنالاستىرىلۋىن حابارلاندىردى. ول مىنالاردى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ورنالاستىرعان ءتۇرلى مىندەتتەردى مۇقيات ورىنداپ، ءار جاقتاعى قىزمەتتە تىڭ ىلگەرىلەۋشىلىككە، تىڭ ناتيجەگە قول جەتكىزدى. 2025 – جىل − ”14 - بەسجىلدىق“ جوبا اياقتالاتىن جىل، سونداي - اق رەفورمانى ونان ارى جاپپاي تەرەڭدەتۋدەگى ماڭىزدى ءبىر جىل. مەملەكەتتىك حالىق قۇرىلتايى تۇراقتى كوميتەتى باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ جانە دايەكتىلەندىرىپ، نەگىزگى زاڭدى اتقارۋ جانە باقىلاۋ مىندەتىن اتقارىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن كەمەلدەندىرىپ، حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىرىپ، ۋاكىلدەردىڭ مىندەتىن زاڭ بويىنشا ءتارتىپتى اتقارۋىن قولدايدى جانە قامتاماسىزداندىرىپ، ”ءتورت ورگان“ تالابى بويىنشا تۇراقتى كوميتەتتىڭ وزىندىك قۇرىلىسىن كۇشەيتۋگە تاباندى بولادى. 14 - كەزەكتى مەملەكەتتىك حالىق قۇرىلتايىنىڭ 3 – ءماجىلىسى 3 - ايدىڭ 5 – كۇنى بەيجيڭدە اشىلادى. ۋاكىلدەردىڭ ساياسي دەڭگەيدى اناعۇرلىم جوعارىلاتىپ، قىزمەت ءىس جۇزىندىگىمەن ۇشتاستىرىپ ىشكەرىلەي تەكسەرۋ - زەرتتەۋ جۇرگىزىپ، كەڭەس جوبالاردى، ۇسىنىستاردى دەن قويا دايىنداپ، ءماجىلىستىڭ بەلگىلەنگەن مىندەتتەرىن ءساتتى ورىنداۋىنا بەرىك نەگىز قالاۋىن ءۇمىت ەتەمىن.

ۇعىسۋعا قاراعاندا، 14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنەن بەرى مەملەكەتتىك حالىق قۇرىلتايىنىڭ تۇراقتى كوميتەتى 38 زاڭ جوباسىن قاراپ، مۇنىڭ ىشىندە 24 زاڭ جوباسىن ماقۇلداعان، بۇلار 6 زاڭدى شىعارۋدى، 14 زاڭعا وزگەرىس ەنگىزۋدى، زاڭدىق ماسەلەلەر مەن كەلەلى ماسەلەلەرگە قاتىستى 4 قاۋلى شىعارۋدى قامتيدى؛ 5 زاڭنىڭ اتقارىلۋ جاعدايىن تەكسەردى، ۇكىمەتتىڭ، باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ 21 بايانداماسىن تىڭدادى جانە قارادى، 2 رەت ارناۋلى تاقىرىپتا پىكىر الىپ، 9 ءتۇرلى ارناۋلى تاقىرىپتا تەكسەرۋ - زەرتتەۋ جۇرگىزدى؛ 12 شارتتى، ماڭىزدى كەلىسىمدى بەكىتۋدى ۇيعاردى؛ 282 ادام - رەت مەملەكەت ورگاندارىنداعى قىزمەتكەرلەردى مىندەتكە تاعايىنداۋ، مىندەتتەن قالدىرۋدى ۇيعاردى جانە بەكىتتى.

مەملەكەتتىك دامۋ جانە رەفورما كوميتەتىندەگى، قازىنا مينيسترلىگىندەگى قاتىستى جاۋاپتى جولداستار 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايىن، 2024 - جىلعى ورتالىق مەجە ەسەبىنىڭ اتقارىلۋ جانە قازىنا قىزمەتى جاعدايىن جەكە - جەكە حابارلاندىردى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى جانە مەملەكەتتىك كەڭەستىڭ قاتىستى تاراۋلارى جازباشا مالىمەت تاپسىردى. قاتىستى باياندامالار مەملەكەتتىك حالىق قۇرىلتايى ۋاكىلدەرىنىڭ قىزمەتىن ينفورماتسيالاندىرۋ تۇعىرى ارقىلى بارلىق ۋاكىلگە جەتكىزىلىپ، ۋاكىلدەردىڭ ماجىلىسكە قاتىناسۋدان بۇرىن وقىپ پايدالانۋىنا بەرىلەدى.

كەلۋ قاينارى: حالىق تورابى