كوپ جەردە ىسكە اسىرىلدى! بۇل اقشا جۇمىسشى - قىزمەتكەرلەردىڭ وزىنە تىكەلەي بەرىلەدى 

”مەملەكەتتىك ەمدەۋدى قامتاماسىزداندىرۋ مەڭگەرمەسى“ ۋيشين الەۋمەتتىك تەكشەسىنىڭ 3 – ايدىڭ 8 – كۇنگى حابارىنا قاراعاندا، ايەل جۇمىسشى – قىزمەتكەرلەردىڭ تۋىت دەمالىسى مەزگىلىندەگى ۇقىق – مۇددەسىن قايتكەندە اناعۇرلىم ويداعىداي قامتاماسىزداندىرۋعا بولادى دەگەنگە كەلگەندە، تۋىت قوسىمشا قاراجاتىن جەكەلەرگە تىكەلەي تاراتۋ ەڭ ءونىمدى، ەڭ پارمەندى شارالاردىڭ ءبىرى ەكەندىگى ءشۇباسىز، بۇكىل ەلىمىزدەگى 7 ولكەدە (قالا) تۋىت قوسىمشا قاراجاتىن تۇگەلدەي جەكەلەرگە تىكەلەي تاراتۋ ىسكە اسىرىلعان. 2025 – جىلى 2 – ايدىڭ سوڭىنا دەيىن چۇڭچيڭ، چيڭحاي، حىنان ولكەسىنىڭ جىڭجوۋ قالاسى، حۋنان ولكەسىنىڭ جۋجوۋ قالاسى قاتارلى 4 جەردە بۇل اقشانى مەكەمە ورىندارعا تاراتۋ ءتارتىبى قامسىزداندىرۋعا قاتىناسقان ايەل جۇمىسشى – قىزمەتكەرلەرگە تىكەلەي تاراتۋ تارتىبىنە وزگەرتىلىپ، تۋىت قوسىمشا قاراجاتىن جەكەلەرگە تاراتۋ بارىسى ساپالىلاندىرىلعان.

ساناققا قاراعاندا، بۇكىل ەلىمىزدەگى 31 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانىنىڭ ىشىندە، 7 ولكە (توتە قاراستى قالا) تۋىت قوسىمشا قاراجاتىن تۇگەلدەي جەكەلەرگە تىكەلەي تاراتۋدى ىسكە اسىرعان، ولار جەكە - جەكە شاڭحاي، فۋجيان، شاندۇڭ، چۇڭچيڭ، گانسۋ، نيڭشيا، بيڭتۋان. 16 ولكە (توتە قاراستى قالا) تۋىت قوسىمشا قاراجاتىنىڭ ءبىر ءبولىمىن جەكەلەرگە تىكەلەي تاراتۋدى ىسكە اسىرعان، ولار جەكە - جەكە بەيجيڭ، تيانجين، حىبەي، ىشكى موڭعۇل، لياۋنيڭ، حيلۇڭجياڭ، جىجياڭ، انحۇي، حىنان، حۋنان، گۇيجوۋ، يۇننان، شيزاڭ، شانشي، چيڭحاي، شينجياڭ؛ 9 ولكە (توتە قاراستى قالا) ءالى دە مەكەمە ورىندارعا تاراتۋدا، ولار جەكە - جەكە سانشي، جيلين، جياڭسۋ، جياڭشي، حۋبەي، گۋاڭدۇڭ، گۋاڭشي، حاينان، سىچۋان.

كەلۋ قاينارى: حالىق تورابى