جالعان، جارامسىز ونىمدەردى قاتاڭ تەكسەرەدى! اۋىل شارۋاشىلىعى جانە اۋىل – قىستاق مينيسترلىگى كوكتەمگى ەگىس داقىلدارى تۇقىم بازارىنا تەكسەرۋ جۇرگىزۋدى ورىستەتەدى 

ءتىلشىنىڭ 3 - ايدىڭ 12 – كۇنى اۋىل شارۋاشىلىعى جانە اۋىل – قىستاق مينيسترلىگىنەن ۇعىسۋىنشا، اۋىل شارۋاشىلىعى جانە اۋىل – قىستاق مينيسترلىگى جۋىردا بۇكىل ەلىمىز كولەمىندە كوكتەمگى ەگىس داقىلدارى تۇقىم بازارىنا تەكسەرۋ جۇرگىزۋ جونىندە ورنالاستىرۋ جاساعان، جۇگەرى، سويا بۇرشاق، كۇرىش، كارتوپ، كوكونىس قاتارلى ءتۇيىندى داقىلدارعا نازاردى شوعىرلاندىرىپ، تيجارات دۇكەندەرى قاتارلىلارعا ۇلگى الىپ تەكسەرۋ جۇرگىزۋ تەبىنىن ارتتىرىپ، جالعان، جارامسىز ونىمدەردى ءوندىرۋ - ساتۋ، ۇقىققا قول سۇعىپ باسقالاردىڭ ماركاسىنان پايدالانۋ، كۋالىكسىز ءوندىرۋ جانە تيجارات جۇرگىزۋ قاتارلى ماسەلەلەردى قاتاڭ تەكسەرگەن.

سونىمەن بىرگە، ينتەرنەت تەكشەسى ارقىلى تۇقىم ساتۋدى ارناۋلى جونگە سالۋدى ۇزدىكسىز ورىستەتىپ، تۇقىم ساتۋ سۋبيەكتىلەرىنىڭ ءوندىرۋ – تيجارات ەتۋ رۇقسات كۋالىگى مەن ساتىلىمدى ەستەلىككە الدىرۋ جاعدايىن قاتاڭ تەكسەرىپ، ينتەرنەت ارقىلى تۇقىم ساتۋ ورتاسىن ۇزدىكسىز جاقسارتادى. بۇل ورنالاستىرۋلار مەن شارالاردى اتقارۋداعى ماقسات — جالعان، جارامسىز ونىمدەردى ءوندىرۋ – ساتۋ، ۇقىققا قول سۇعىپ باسقالاردىڭ ماركاسىنان پايدالانۋ قاتارلى زاڭعا قايشى ارەكەتتەرگە قاتاڭ سوققى بەرىپ، كوكتەمگى اۋىل شارۋاشىلىق وندىرىسىنە پايدالانىلاتىن تۇقىمنىڭ حاۋىپسىزدىگىنە كەپىلدىك ەتىپ، استىق، ماي داقىلدارىنىڭ كەڭ كولەمدى بىرلىك ءونىمىنىڭ جوعارىلاۋىنا پارمەندى تىرەك ازىرلەۋ.

ۇعىسۋعا قاراعاندا، اۋىل شارۋاشىلىعى جانە اۋىل – قىستاق مينيسترلىگى 7 قىزمەت گرۋپپاسىن شىعىس سولتۇستىكتەگى 4 ولكە، حۋاڭحى، حۋايحى، حايحى ءوڭىرى قاتارلى تۇقىمنان پايدالاناتىن ءتۇيىندى رايوندارعا جىبەرىپ، جۇمىس باسىندا باقىلاۋ – باسقارۋ جانە زاڭ اتقارۋ قىزمەتىن ورىستەتىپ، تۇقىم شارۋاشىلىعى سالاسىنداعى زاڭ – تۇزىمگە قايشى ارەكەتتەردى زاڭ بويىنشا قاتاڭ تەكسەرىپ ءبىر جاقتى ەتىپ، تولىمسىز تۇقىمنىڭ بازارعا كىرۋىنەن قاتاڭ ساقتانىپ، كوكتەمگى وندىرىسكە پايدالانىلاتىن تۇقىمنىڭ حاۋىپسىزدىگىن شىنايى قامتاماسىز ەتەدى. (ءتىلشى گۋ يپيڭ)

كەلۋ قاينارى: حالىق تورابى