بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.03.13 15:13 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ لين 3 – ايدىڭ 13 – كۇنى بەيجيڭنەن حابارلايدى. 2025 – جىلعى كوكتەم سامالى قيمىلى باستالعاننان بەرى، جەر – جەر ءتۇرلى فورماداعى قىزمەتكەر قابىلداۋ جاعىندا قىزمەت وتەۋ قيمىلدارىن ۇزدىكسىز ۇيىمداستىردى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى 3 - ايدىڭ 13 - كۇنى جاريالاعان ساندى مالىمەتكە قاراعاندا، 3 - ايدىڭ 5 - كۇنىنە دەيىن، بۇكىل ەلىمىز بويىنشا جيىنى 41 مىڭ رەت ءتۇرلى قىزمەتكەر قابىلداۋ قيمىلدارى وتكىزىلىپ، 31 ميلليون جۇمىس ورنى جاريالانعان؛ جۇمىس ىستەتىندەردى جەتكىزەتىن ارناۋلى اۆتوموبيل، ارناۋلى پويەز، ايروپلان 29 مىڭ رەت قاتىناپ، 910 مىڭ ەڭبەكشى جەتكىزىلگەن.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قاتىناس – تاسىمال مينيسترلىگى قاتارلى 8 تاراۋ بۇكىل ەلىمىز كولەمىندە 2025 - جىلعى كوكتەم سامالى قيمىلىن ورىستەتىپ، باستىسى، كوكتەم مەرەكەسىنىڭ الدى - ارتىنداعى جۇمىس ىستەيتىندەر قاۋىرت ساپارلايتىن مەزگىلدەن پايدالانىپ، اۋىل - قىستاقتاعى ەڭبەكشىلەرگە جۇمىستانۋ جاعىندا شوعىرلى قىزمەت وتەگەن. ۇعىسۋعا قاراعاندا، بۇل قيمىل جۋىردا اياقتايدى.
ءتۇرلى ءتۇيىندى قاۋىمنىڭ جۇمىستانۋىن جەبەۋ ءۇشىن، بۇكىل ەلىمىزدەگى قالالار بىرلەسە وتىرىپ جاستاردى نەگىزگى قىزمەت وتەۋ وبيەكتىسى ەتىپ، 2025 - جىلعى جوعارى مەكتەپ بىتىرگەن وقۋشىلار اراسىنان كوكتەم مەزگىلىندە قىزمەتكەر قابىلداۋ ارناۋلى قيمىلىن جۋىردا باستاعان، العاشقى مەزگىلدە 85 رەت ەرەكشەلىككە يە قىزمەت وتەۋ قيمىلى وتكىزىلگەن. جەر ـ جەر ينتەرنەت ارقىلى جانە ينتەرنەتتەن تىس قىزمەتكەر قابىلداۋ ءماجىلىسى، جاس دارىندىلاردىڭ وڭىرلىك اۋىس ـ كۇيىس جاساۋ ءماجىلىسى، ءوڭىر اتتاپ ارالاپ ءجۇرىپ قىزمەتكەر قابىلداۋ ءماجىلىسى جانە جۇمىستانۋ، شارۋاشىلىق قۇرۋ جاعىندا سايكەستى قىزمەت وتەۋ قاتارلى قيمىلداردى وتكىزەدى.
كەلۋ قاينارى: حالىق تورابى
