ەڭ جوعارى بولعاندا 50 ميلليون يۋان قارىز الۋىنا بولادى! فينانس ارقىلى كاسىپورىنداردىڭ جۇمىس ورنىن ورنىقتىرۋ جانە كەڭەيتۋ تەبىنىن ارتتىرۋىنا دەم بەرىلەدى 

ءتىلشىنىڭ 3 – ايدىڭ 24 – كۇنى ۇعىسۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۋىردا فينانس ارقىلى كاسىپورىنداردىڭ جۇمىس ورنىن ورنىقتىرۋىنا جانە كەڭەيتۋىنە كومەكتەسۋ تەبىنىن اناعۇرلىم ارتتىرۋ جونىندەگى ۇقتىرۋدى شىعارىپ، بۇرىنعى شاعىن، ۇساق كاسىپورىندار نەگىزىندە، شاعىن، ۇساق كاسىپورىنداردىڭ يەلەرىن، جەكەشە ونەركاسىپشىلەر مەن ساۋداگەرلەر قاتارلى جەكەلەردى جۇمىس ورنىن ورنىقتىرۋ جانە كەڭەيتۋ جاعىنداعى ارناۋلى قارىز اقشامەن قولداۋ كورسەتۋ كولەمىنە ەنگىزگەن. سونىمەن بىرگە، ەڭ جوعارى سەنىمدى قارىز بەرۋ سوماسىنىڭ مولشەرىن جوعارىلاتىپ، شاعىن، ۇساق كاسىپورىندارعا باعىتتالعان سەنىمدى قارىز بەرۋ سوماسىن بۇرىنعى ەڭ جوعارى بولعاندا 30 ميلليون يۋاننان قازىرگى ەڭ جوعارى بولعاندا 50 ميلليون يۋانعا جوعارىلاتقان، جەكەلەرگە بەرىلەتىن سەنىمدى قارىز سوماسى ەڭ جوعارى بولعاندا 10 ميلليون يۋان بولعان.

جۋىرداعى جىلداردان بەرى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇڭگو بانكەسىنىڭ بولىمشە قۇرىلىمدارىمەن بىرگە، جۇمىس ورنىن ورنىقتىرۋ جانە كەڭەيتۋ جاعىنداعى ارناۋلى قارىز نىسانىن اتقارىپ، تاماشا ونىمدىلىككە قول جەتكىزگەن. ورنىقتى جۇمىستاندىرۋ، جۇمىستانۋ ءورىسىن كەڭەيتۋ جاعىندا فينانستىڭ قولداۋ كورسەتۋ جانە جەتەكشىلىك ەتۋ رولىن اناعۇرلىم ويداعىداي ساۋلەلەندىرۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى وسى ۇقتىرۋدى شىعارىپ، فينانس ارقىلى كاسىپورىنداردىڭ جۇمىس ورنىن ورنىقتىرۋ جانە كەڭەيتۋىنە كومەكتەسۋ تەبىنىن اناعۇرلىم ارتتىرعان.

كەلۋ قاينارى: حالىق تورابى