ەلىمىز كاسىپتىك ونەرىن جەتىلدىرۋگە تاربيەلەۋدى ءۇرتىس 3 جىل بويى كەڭ كولەمدى ورىستەتەدى 

شينحۋا اگەنتتىگىنىڭ ءتىلشىسى جياڭ لين 3 – ايدىڭ 26 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگى 3 - ايدىڭ 26 – كۇنى جاريالاعان حابارعا قاراعاندا، ەلىمىز الدا ”ونەر ارقىلى بولاشاقتى نۇرلاندىرۋ“ اتىنداعى تاربيەلەۋ قيمىلىن اتقارىپ، 2025 – جىلدان 2027 – جىلدىڭ سوڭىنا دەيىن، جۇمىستانۋدى جانە ونەرىن جەتىلدىرۋدى ءۇمىت ەتەتىن اۋىل – قىستاقتاعى باسقا سالاعا ويىسقان ەڭبەكشىلەر، جوعارى مەكتەپ بىتىرسە دە ءالى جۇمىستانا الماعان وقۋشىلار، تىركەۋگە الىنعان جۇمىسسىز قالعاندار، جۇمىستانۋ جاعىندا قيىنشىلىققا ۇشىراعاندار قاتارلى ءتۇيىندى ادامدار مەن كاسىپورىندارداعى جۇمىسشى – قىزمەتكەرلەرگە باعىتتاي وتىرىپ، كاسىپتىك ونەرىن جەتىلدىرۋگە تاربيەلەۋدى بەلسەندى ورىستەتەدى.

كاسىپتىك ونەرىن جەتىلدىرۋ — ەڭبەكشىلەردىڭ تەحنيكالىق قابىلەتىن جوعارىلاتىپ، كىرىسىن ارتتىرۋىنىڭ ماڭىزدى جولى ءارى تەحنيكالىق دارىندىلاردى تاربيەلەۋدى كۇشەيتىپ، جۇمىستانۋ جاعىنداعى قۇرىلىمدىق سيپاتتى قايشىلىقتى شەشۋدىڭ تەتىگى. جۋىرداعى جىلداردان بەرى، ەلىمىزدە كاسىپتىك ونەرىن جەتىلدىرۋگە تاربيەلەۋ قىزمەتى قارىشتاپ دامىپ، ءار جىلى 10 ميلليوننان استام ەڭبەكشى قوسىمشا قاراجات جاعىنان قولداۋعا يە بولدى.

كەلۋ قاينارى: حالىق تورابى