ساۋدا مينيسترلىگى ا ق ش – تىڭ كوپتەگەن جۇڭگونىڭ ناقتى تۇلعاسىن ەكسپورتتى باسقارۋ تىزىمدىگىنە ەنگىزۋىنە جاۋاپ قايتاردى

شينحۋا اگەنتتىگىنىڭ 3 - ايدىڭ 26 – كۇنى بەيجيڭنەن بەرگەن حابارى. ساۋدا مينيسترلىگىنىڭ اقپارات مالىمدەمەشىسى 3 - ايدىڭ 26 - كۇنى بىلاي دەدى: ا ق ش مەملەكەت حاۋىپسىزدىگى ۇعىمىن ۇزدىكسىز جالپىلاستىرىپ، ەكسپورتتى باسقارۋ شاراسىنان بەتالدى پايدالانىپ، جۇڭگونىڭ كوپتەگەن ناقتى تۇلعاسىن ەكسپورتتى باسقارۋدىڭ ”ناقتى تىزىمدىگىنە“ ەنگىزدى، جۇڭگو بۇعان باتىل قارسى تۇرادى.

ءبىر ءتىلشى بىلاي دەپ سۇرادى: ا ق ش – تىڭ شىعىس بولەك ۋاقىتى بويىنشا 3 – ايدىڭ 25 - كۇنى ا ق ش – تىڭ ساۋدا مينيسترلىگى جۇڭگونىڭ كوپتەگەن ناقتى تۇلعاسىن ەكسپورتتى باسقارۋ ”ناقتى تىزىمدىگىنە“ ەنگىزۋدى جاريالادى. جۇڭگو جاق بۇعان قانداي باعا بەرەدى؟ ساۋدا مينيسترلىگىنىڭ اقپارات مالىمدەمەشىسى جوعارىداعىداي جاۋاپ قايتاردى.

مالىمدەمەشى بىلاي دەدى: ا ق ش جاقتىڭ بۇل ارەكەتى باسقا ەلدىڭ ناقتى تۇلعالارىنا قىسىم جاساپ، ونى شاۋجايلاپ، باسقا ەلدى دامۋ ۇقىعىنان ماقرۇم ەتىپ، قاتىستى ناقتى تۇلعالاردىڭ زاڭدى ۇقىق ـ مۇددەسىنە اۋىر زيان جەتكىزىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن بۇلدىرەدى. ا ق ش - تىڭ بۇل ارەكەتى ەكى جاقتىڭ ماسەلەنى پىكىرلەسۋ، سەلبەسۋ ارقىلى شەشۋىنە ءتيىمسىز. جۇڭگو ا ق ش - تى قاتە ارەكەتتەرىن دەرەۋ توقتاتۋعا قۋزايدى ءارى قاجەتتى شارالار قولدانىپ، جۇڭگونىڭ ناقتى تۇلعاسىنىڭ زاڭدى ۇقىق - مۇددەسىن باتىل قورعايدى.

كەلۋ قاينارى: حالىق تورابى