ديڭ شۋەشياڭ بو ـ اۋ ازيا تالقى مىنبەرىنىڭ 2025 ـ جىلعى جىلدىق ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى

«حالىق گازەتى»، 3 - ايدىڭ 27 ـ كۇنى، حاينان بو ـ اۋ (تىلشىلەر يۇي جيڭحاۋ، لي انچي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 3 - ايدىڭ 27 ـ كۇنى تۇستەن بۇرىن حاينان بو ـ اۋدا بو ـ اۋ ازيا تالقى مىنبەرىنىڭ 2025 ـ جىلعى جىلدىق ءماجىلىسىنىڭ اشىلۋ سالتىنا قاتىناسىپ، [دۇنيە جۇزىلىك سايىستى بىرگە قارسى الىپ، ازيا مەكەنىن بىرگە قۇرايىق» دەگەن تاقىرىپتا ارقاۋ ءسوز سويلەدى.

ديڭ شۋەشياڭ بىلاي دەدى: بيىل _ جۇڭگونىڭ مەملەكەت ءتوراعاسى شي جينپيڭنىڭ ازيا تاعدىرلاس ورتاق تۇلعاسىن قۇرۋدى العا قويعاندىعىنىڭ 10 جىلدىعى. ءار جاقتىڭ بىرگە قۇلشىنۋىندا، ازيا تاعدىرلاس ورتاق تۇلعا قۇرىلىسىنىڭ ناتيجەسى كورنەكتى بولىپ، وڭىرلىك ەكونوميكانىڭ ءبىر تۇلعالانۋ اياق الىسى تىڭعىلىقتى ىلگەرىلەپ، ۇلاستىرۋ - تۇتاستىرۋ تورى ۇزدىكسىز كەمەلدەنىپ، ازيا ەكونوميكاسىنىڭ بۇكىل دۇنيە جۇزىندەگى سالىستىرماسى ورنىقتى جوعارىلاپ، وزىندىك دامۋدى جۇزەگە اسىرۋمەن بىرگە، دۇنيە ءجۇزىنىڭ بىرگە دامۋىن جەبەۋگە دە ماڭىزدى ۇلەس قوستى. قازىر دۇنيە ءجۇزىنىڭ ورنىقسىزدىق، تۇراقسىزدىق فاكتورلارى كورنەكتى كوبەيدى، ءبىز ءبىر نيەتپەن سەلبەسىپ، قول ۇستاسا العا باسىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتىپ، دۇنيە جۇزىلىك سىن ـ سايىستاردى بىرگە قارسى الىپ، ازيا مەكەنىن بىرگە قۇرىپ، ازيا مەن دۇنيە ءجۇزىنىڭ اناعۇرلىم كوركەم بولاشاعىن بىرگە اشۋىمىز كەرەك.

ديڭ شۋەشياڭ مىناداي 4 ءتۇرلى ۇسىنىس قويدى: ءبىرىنشى، سەنىمدىلىكتى كۇشەيتۋ بارىسىندا ىنتىماقتى، سەلبەستىكتى كۇشەيتىپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە قۇرمەت ەتىپ، دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ. ەكىنشى، ەسىك اشۋ، توعىسۋ بارىسىندا ەكونوميكانىڭ جاھاندانۋىن ىلگەرىلەتىپ، اشىق وڭىرشىلدىككە تاباندى بولىپ، وڭىرلىك ەكونوميكانىڭ ءبىر تۇلعالانۋى مەن ۇلاستىرۋ - تۇتاستىرۋدى ىلگەرىلەتۋ. ءۇشىنشى، ءوزارا پايدا جەتكىزىپ، تەڭ يگىلىككە كەنەلۋ بارىسىندا گۇلدەنىپ ـ كوركەيۋدى، دامۋدى جەبەپ، دۇنيە جۇزىلىك دامۋ باستاماسىن ويداعىداي تياناقتاندىرىپ، عىلىم ـ تەحنيكادا جاڭالىق اشۋ سەلبەستىگىن كۇشەيتىپ، ءار ەلدىڭ دامۋىنا اناعۇرلىم ويداعىداي دەم بەرۋ. ءتورتىنشى، بەيبىت قاتار تۇرۋ بارىسىندا تىنىش، ورنىقتى بولىپ، الاۋىزدىق، تالاس - تارتىستاردى پىكىرلەسۋ جانە كەڭەسۋ ارقىلى شەشىپ، ءار ەل حاۋىپسىزدىكتەن بىرگە يگىلىكتەنەتىن جاڭا جاعداي قالىپتاستىرۋ كەرەك.

ديڭ شۋەشياڭ بىلاي دەپ باسا دارىپتەدى: جۇڭگونىڭ ەكونوميكالىق اينالىمى ورنىقتىلىقتى ساقتاپ، قايتا ورلەۋ بەتالىسى اناعۇرلىم بەكەمدەلىپ، جاڭالىق اشا دامۋدىڭ قوزعاۋشى قۋاتى اناعۇرلىم كۇشەيىپ، شارۋاشىلىق ـ ساۋدا ورتاسى اناعۇرلىم ساپالىلاندى، دامۋ نىساناسىن جۇزەگە اسىرۋعا سەنىمىمىز كامىل، ءسوز جوق، دۇنيە ءجۇزى ەكونوميكاسىنا اناعۇرلىم كوپ تۇراقتىلىق قوسامىز. ءار ەل كاسىپورىندارىنىڭ جۇڭگوعا كەلىپ قارجى قوسىپ، كاسىپتى گۇلدەندىرىپ، جۇڭگو ۇلگىسىندەگى وسىزامانداندىرۋ اياق الىسىنا بەلسەنە ات سالىسىپ، جۇڭگونىڭ دامۋ ورايىنان بىرگە يگىلىكتەنۋىن شىن جۇرەكتەن قارسى الامىز.

ديڭ شۋەشياڭ مىنالاردى ءبىلدىردى: بو ـ اۋ ازيا تالقى مىنبەرى اشىق، سيىسىمدى بولۋدىڭ، اۋىس ـ كۇيىس جاساپ، ءوزارا ۇلگى الۋدىڭ ماڭىزدى حالىقارالىق تۇعىرى. سيلى قوناقتاردىڭ وسى ارادا دۇرىس كوزقاراستاردان ورتاق يگىلىكتەنىپ، كەڭ كولەمدە ورتاق تانىم ۇيىستىرىپ، دۇنيە ءجۇزىنىڭ ۇلكەن وزگەرىسىندە ازيانىڭ بولاشاعىن جاراتۋعا اناعۇرلىم كوپ اقىل ـ پاراسات جانە كۇش ـ قۋات قوسۋىن ءۇمىت ەتەمىن (لەكسيانىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

لاوستىڭ زۇڭليى سۇڭساي، بانگلادەش ۋاقىتتىق ۇكىمەتىنىڭ باس اقىلشىسى يۋنۋس، ميكرونەزيا فەدەراتسياسى زۇڭتۇڭىنىڭ ورىنباسارى پاليك، موڭعۇليا زۇڭليىنىڭ ءبىرىنشى ورىنباسارى، قوسىمشا ەكونوميكالىق دامۋ مينيسترى گاڭتۋمۋر، قازاقستان زۇڭليىنىڭ ءبىرىنشى ورىنباسارى سكليار، رەسەي زۇڭليىنىڭ ورىنباسارى وۆەرچۋك، يندونەزيانىڭ نەگىزدىك قۇرىلعىلارى جانە وڭىرلىك دامۋدى ءبىر تۇتاس جوسپارلاۋ مينيسترى اگۋس، پورتۋگاليانىڭ مەملەكەت ىستەرى مينيسترى، قوسىمشا سىرتقى ىستەر مينيسترى لانلەر قاتارلى 60 نەشە مەملەكەت پەن رايوننان كەلگەن ءبىر مىڭ 500 دەن استام ساياسي سالا، اقىل - پاراسات قويماسى وقىمىستىلارى جانە اقپارات قۇرالدارىنىڭ ۋاكىلدەرى اشىلۋ سالتىنا قاتىناستى.

اشىلۋ سالتىندا بو ـ اۋ ازيا تالقى مىنبەرىنىڭ القا مەڭگەرۋشىسى پان كيمون قارسى الۋ ءسوزىن سويلەدى، سۇڭساي، يۋنۋس جانە ونەركاسىپ ـ ساۋدا سالاسىنىڭ ۋاكىلدەرى ىلگەرىندى ـ كەيىندى ارناۋ ءسوز سويلەدى. ولار مىنالاردى ءبىلدىردى: جۇڭگو جاق العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى جانە دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى دۇنيە جۇزىنە ورنىقتىلىق جانە تۇراقتىلىق ۇستەدى، جۇڭگو ەكونوميكاسىنىڭ دامۋ بولاشاعىنا تولىق سەنىم ارتامىز، جۇڭگو جاقپەن بىرگە قۇلشىنىپ، ازيا مەن دۇنيە ءجۇزىنىڭ كوركەم بولاشاعىن بىرگە قۇرۋعا ۇلەس قوسۋدى قالايمىز.

مەملەكەتتىك ساياسي كەڭەس ءتوراعاسىنىڭ ورىنباسارى حى حوۋحۋا اشىلۋ سالتىنا قاتىناستى.

كەلۋ قاينارى: حالىق تورابى